.

.

السبت، 6 فبراير، 2016

البحلقة في السقف

اليوم بطوله
انا غرقانة في الاوضة
ليس لدي ما افعله
بخور جديدة
وكتاب 
كنت مباكرا
احاول اسجلي 
وانا بقرأ 
وابعت الكتاب بصوتي
لاي حد
او افضل اسمعه
مرارا وتكرارا
واصلح لنفسي الاخطاء
اليوم بطوله 
مر بتتصل تسألني
هو انتي بتعملي حاجه
هو انتي بتعملي ايه
اليوم بطوله بقنع مر
اني مبعملش اي شيء
مش لدرجة البحلقة في السقف
ولكن لا افعل اي شيء
خارج الغرفة
اغرق ف حسب
لا ادري كم الساعة
ولا ادري كم من الوقت مر
فكرت انني لو استمريت هكذا
قد اتعفن
الكهارب بطلت تنور وتطفي
وكل شيء فضل ثابت لساعات
ولما اكتشفت
خليتهم ينوروا يطفوا
قررت امارس 
البحلقة في السقف
في النجوم المعلقات
في فروع الكهارب المعقدة
انا محتاجة استغل الاجازة
مين قال ان البحلقة في السقف
مش استغلال
امارس لعبتي المفضلة
ارمش بنفس سرعة
الوميض في فرع كهارب
اتخيل نفسي فرع كهارب
يحتضن الكون ويغلفه كهدية

الجمعة، 5 فبراير، 2016

الاوضة والكهارب والحب

انا واقعة في حب
كهارب مبهجة
ولحاف موف
واقعة في حب
ان فيه مكان في العالم
بيحتويني
الاضواء الوامضة من حولي
تضيف المزيد من البهجة والدفء
لغرفة قارصة البرودة
انا لدي مكان اهرب إليه
يخصني وحدي
لدي قفل علي بابي
لا يفتح الا من الداخل
غرفة بدون مرايا
بالكثير من الاشياء المبعثرة
الاشياء المبعثرة تشبهني كثيرا
غرفة ضيقة
مليئة الكتب والاتربة
وشباك يسمح للغرفة
ان تكون بنفس برودة الشارع
للنجوم المعلقات فوق السرير في السقف
وحيطة الفن التي تتقبل كل ما تعلقه عليها
للرفوف والدولاب
والمكان الاوحد للصلاة
لا يوجد هنا فرص وليس لديك من يكفي
من الترف لتختار الكثير من التفاصيل
ولكن هذا لا يهمني
انا سعيدة
حتي لو كانت الغرفة
تجلب لي كل الكاوبيس
حتي لو ساظل انام
في سرير امي حتي انهي الدراسة
فاضل 511 يوم
فقط 511

الأربعاء، 3 فبراير، 2016

لست عن نفسي راضياً

ذوو النفوس الدنيئة
يجدون اللذة في التفتيش عن اخطاء غيرهم
رحم الله سلفنا الصالح إذا قيل لأحدهم: لماذا لا نراك تعيب أحداً
فقال: لست عن نفسي راضياً حتي اتفرغ  لذم الناس

الاثنين، 1 فبراير، 2016

الدرس الاكثر اهمية

انت المفروض تعلم ولادك
ازاي ياخدوا قرارات
وازاي يتحملوا مسئولية قرارتهم
ازاي يختاروا الحاجه الصح
وازاي يتعملوا مع قرارتهم
لما يندموا عليها
مش بتاخد لولادك
كل القرارات
ولما يكبروا تفضل متخيل
انك هتفضل تتدخل في حياتهم
اه انت بيبقي معاك حق
لكن هما مش هيبسبوك
تتحكم في حياتهم للابد
صدقني انت مش عاوز
تربي ولاد معتمدين عليك في كل شيء
ومبيعرفوش يعملوا اي شيء لوحدهم
وفي نفس الوقت مش هتبقي عاوز
تربي اولادك انهم يعملوا عكس كل حاجه بتقولها حتي لو صح
لمجرد العناد او لمجرد انهم عاوزين يكبروا
المشكلة لما يحاولوا يكبروا
وانت تبقي بتعوق ده
والكارثة انهم مش يبقوا عاوزين يكبروا
لانك ببساطة بتعملهم كل شيء

السبت، 30 يناير، 2016

انا والخروج

كل يوم في الكلية
وانا بصحي بدري
وبنزل بدري
ببص علي نفسي
في مراية بير السلم
واقول
انا مش مصدقة
اني لببست وهنزل
كل يوم بندهش
النهاردة اكتشفت
ان الكلية ميغيرتنيش هنا
انا مش بنزل
غير لو حد زقني
الشتا تقيل
والتفكير في كم اللبس
اللي ممكن نلبسه
مرهق
انا مبزهقش من البيت
مبزهقش يا جدعان
الخروج حلو
انا بحب اخرج
انا بس بحب
حد يزقني

مر

اكتشفت اليوم
اني بواجه صعوبة
اني ابقي الناس في حياتي
لوقت طويل
ولقيت ان مر
اكتر شخص فضل صديقي
علي مدار 7 سنين
وانها اكتر حد قضيت وقت معاه
بعد اهلي طبعا
وان مش المفروض يبقي فيه اهم
من مر
نظرا لانها من القليلون
اللي مش حاولوا ولا مرة يمشوا
ولا مرة يقطعوا علاقتهم بيك
مش المفروض الجامعة تبقي اهم من مر
لان الحياة من غير مر بعد الجامعة
هتبقي مزرية
شكرا انك لسه صحبتي
برغم كل شيء
انك مش بتضايقي من صوتي العالي
وعمري ما بحس انك بتنقديني في دماغك
علشان بقول اي كلام بفكر فيه
خصوصا لو حاجه بتضحك
علشان انتي دايما بتضحكي
علي كل شيء بقوله
انا ممتن جدا اننا صحاب
واؤكد لك اننا هنفضل صحاب
يسعد يومك يا صديقتي

الجمعة، 29 يناير، 2016

احلام

اقولك الحقيقة
انا عاوزة اشتغل في مزرعة
في الريف
ولما ازهق
اخ شنتطتي علي كتفي
وادور اكتب
من غير شغل
من غير فلوس
واكل فاكهة من الشجر
امشي بدون خوف
بدون وجهة
الرجل الذي حقق احلامي

حب وقبول واطمئنان

نحن نملك القليل من الحب
بيوجع
اننا ندعي
ان ربنا يرزقنا المزيد من الحب
المزيد من القبول
والمزيد من الاطمئنان 

الحب

كل ما تحتاجه
ان تطمئن
ان تجد صحبة تحبك
ان تحافظ علي القلوب
التي توضع بين يديك
وان تبادلهم الحب
لا تغيب
ولا تترك المسافات
تجرفك بعيدا
شكرا مر

قاعدة رقم مبعدش

الزق في الناس
اللي لسه مستحمينك
اللي بيحبوك
وانت شخصية مش تتحب
اللي بيستحملوا انك كائن عاطفي
تحتاج ان تعامل برفق
الزق في الناس اللي شبهك
واللي بيحبوا يقضوا وقت معاك
فالنفترض
ان فيه شخص واحد علي هذا الكوكب
بيحبك
ده كفاية
شكرا مر

الثلاثاء، 26 يناير، 2016

الاشياء التي لم تحدث

الحاجات 
اول لما بتخلص
بتبقي اكنها محصلتش
والذكريات كلها بتبقي معدتش عليا
الترم اللي فات محصلش
فرح وحنة للا محصلوش
سفر مر محصلش
سفر للا ورجوعها وسافرها
محصلش
2015 محصلتش 
ولا 2014 ولا 2013
ولا اي سنة فاتت
ولا اي شيء كان بيعني لي
اي شيء حصل

كل الحاجات مش مقنعة 
ومفيش ولا حدث مقنع كفاية
انك تصدق انه حصل فعلا

شكراً ترم اذهب ولا تعد
تف علي الترم 

الاثنين، 25 يناير، 2016

مدي ادراكك

يهمني
انك تبقي مدرك
للاشياء الغلط 
اللي بتعملها 
اكتر من انك مش قادر تبطلها

الادراك نقطة ايجابية
لا يجب التوقف عندها
ولا تستطيع التقدم بدونها

ادارك الاشياء اللي متعرفهاش
الاشياء اللي انت عاوز تعملها
الاشياء اللي عاوز تعرفها
الاشياء اللي عاوز تشوفها
ادراكك للاشياء الغلط
اللي سهل تبطلها
والاشياء الغلط اللي لسه قلبك
متعلق بيها
ادراكك للاشياء الغلط
اللي انت بتعملها وانت مش عارف انها غلط

انا بحب الادراك
والاشخاص المدركين

توثيق اليوم: مامت كاثرين، ساريت، مر وانا

الحاجات اللي بنحب نقرأ عنها
تاريخ إنجلترا
تاريخ فلسطين
والتاريخ عامة
والديانات
الامراض النفسية
والنظريات
انا ومر  
بندور حولين نفس المواضيع
من اول لما عرفتها
بنحب نقرأ عن نفس المواضيع

النهاردة توصلت
انك محتاج 
تبقي عارف 
كل شيء عن معركتك
لو انت مش عارف 
مين هيعرف

ساريت اليوم
طبعا كمصدر معلومات مهم جداً
بيبعتلنا فيديوهات
وبيحب يقرأ تقريبا عن نفس الحاجات
اللي بنحب نقراها
بعتت لنا فيديو
عن تاريخ فلسطين 
إن إنجلش
انا عمري ما قرأت او سمعت تاريخ بالانجلش
بعتنا الفيديو لمامت كاثرين
لانك لازم توري الناس
التاريخ من وجهة نظرك انت
واتستمتعنا انا ومر بالفيديو

كل يوم بنلاقي خيط جديد
زي مفتاح 
لبيت مليان اوض
وبنفتح الاوض ونقضي فيها وقت

سواء كورسات علم نفس الاونلاين
او فيديوهات لناس 
نسمعهم 
مقالات او مواقع قريبة لقلوبنا

شكراً ساريت علشان انتي علي طول الخط
موجودة علشانا
ومامت كاثرين علشان خلتنا نسمع
تاريخ إن إنجلش
ولمر علشان هي احسن صديقة علي وجهة الارض
احسن حد يحكيلك فيديوهات
يعملك سرش علي جوجل
يترجملك ويصلحلك كلامك
واكتر صديقة مساندة علي وجهة الكرة الارضية

مر:  انا اسفة علي احلامك السيئة 
اللا واعي بيخرف : )

معرض الكتاب 2

وحدي
في معرض الكتاب
اسير ببطئ
في مكان
قضيت فيه اكثر من ساعة
استمع إلي كاثرين
تغني بنفس البطئ
اقف كما اشاء
امر سريعاً
واتوقف كثيراً
اتحدث معي كثيراً
نقاش محترم
بدون صخب
واراء متضاربة

انا بحلم لما بغمض عيني
بكل اللحظات اللي قضيتها وحدي
في معرض الكتاب

المشهد المرعب الوحيد
انا وحدي الساعة 8
مر مشيت وانا قاعدة لوحدي قدام الباب
مستنية آلاء
مفيش درات مفتوحة
ومفيش ناس كتير
وانا متربصة لكل شيء
شكراً للا انك جيت بسرعة
لازم نبطل نخاف من معرض الكتاب
وحدنا بالليل

I believe in good things coming

انا بتقلب سريعا
بين المشاعر
بين الامتنان
والتعاسة
بين الافتقاد
والسعادة

الاشياء السعيدة 
تحدث
ولكننا لسنا مستعدين لها
اترك ما في يدك
وانفض غبار الغضب 
واستعد 
الاشياء السعيدة 
سوف تأتي لك
ستجدك 
ولو كنت مختبئ 
تحت السرير

فاضل 522 يوم 
واتخرج 
: ))))

توثيق للحظات المهمة

يومي كان مزري
وانا بقيت سعيد
شكرا مامت كاثرين
وحماة لويزا
: ))))))
شكرا مر 
رفيقة التوثيق
واللحظات المهمة

الأحد، 24 يناير، 2016

I just wanna be loved by you

الجملة دي بتختصر البشرية
كلنا محتاجين حب
ومحتاجين الناس اللي بنحبهم 
يبادلونا الحب

وانا صغيرة مكنتش بحب حد
ومكنش بيفرق معايا 
اذا كان الناس اللي بحبهم
بيبادلوني الحب ولا لا
مكنتش منتظرة الحب

والجملة دي مكنتش شعار المرحلة

الحاجات بتختلف لما بنكبر
وبتكتشف ان كل شيء
انك مستني الناس تتقبلك
ومستني الناس تحبك
ومستني انك تلاقي حد 
لما تعيط

انا اعتقد ان دي قمة تفاهتنا

مش شيء مهم 
انك تكون مبهر
ومش شيء مهم 
ان الناس تبعد عنك
مش شيء مهم انك وحيد
بعد ما قدرت 
تقضي اجازة كاملة
لوحدك
مش مهم 
اذا بادلك الكون الحب
توقف ولا تنتظر الحب

يوم رجل البنك

زي النهارده السنة اللي فاتت
انا نزلت مع رنيما
نطبع رجل البنك
يومي كان عبار عن
ضوء الاباجور
ورق في كل حته
مليان تشطيب
وكتابة بالرصاص
انا ممتنة لرسام
غلاف كتابي جدا
لمدي لطافته معي
ومتشوقة
حقيقي

شيء لا يخصك

انك المفروض
تبطل تدافع
عن مبادئك
عن لبسك
عن اصحابك
او عن مشاعرك
انت مش مضطر
تبرر للاخرين
ومش مضطر تجاوب
الحقيقة
انك مش مضطر تعمل اي شيء
انت مش مقننع بيه
او مش عاوز تعمله
انا بكره الناس
تعمل اي شيء مضطرة
انت محتاج ترسم
خطوط للناس
تبعدهم تماما
عن كل شيء ميخصهومش

الجمعة، 22 يناير، 2016

مزيج اليوم

الباند المفضلة
وبطل قصتي الجديد
الشيء اللي انا
مش ناوية اشاركه مع العالم
وبقاوم
اني اعرف حد عليهم

انت تستحق 
ان الحاجات اللي شبهك
تفضل شبهك
وانك متكرهاش لان ببساطة كل الناس بتحبها
والناس اللي مش شبهك
اللي بتحب الحاجات اللي شبهك

تفاهتنا في محاولة البقاء مختلفين
واحنا نسخ من كل من حولنا

الاحلام الجديدة
والتطلعات

كل شيء سعيد
كل ما عليك
ان تظل ممتنا
الحمد الله

ما لنا غيرك يا الله

العمق

الاشياء تصيب الناس كلها
بدون استثناء
ولكن الاشياء ذاتها
لا تؤثر علي البشر
بالقوة ذاتها
والعمق ذاته
لا تسبب الالم بالتساوي
لم اخد حصتي
ولا ارغب ان تؤثر في
الاشياء
بمثل هدا العمق
احمد الله
ان الاشياء التي اصابتني قليلة
وانها لم تؤثر علي
بالقوة ذاتها
يارب شيل من علي قلوبهم
حمل اشياء
لا ذنب لهم فيها

تاريخ الصلاحية انتهي

الحاجات
اللي بتخلينا نؤمن
اننا لا نصلح
ان نقع في الحب
اننا لا نعرف الكثير عن الحب
ان قلوبنا تالفة
اننا لا نصلح للكتابة
الاشياء الجيدة
التي تهز كل عوالمي
تقنعك انك لا تصلح
وانك لا يجب ان تنتظر
لا يجب ان تنتظر اي شيء
الاشياء لم تعد تصلح
ببساطة لانك اهدرت
كل الوقت

حب يساعي الكون

خواطر الاخرين
التي تؤلمنا
بقدر ما تؤلمهم
والرغبة
في ان تنزع قلبك
وتهديه
الرغبة
في ان تتنازل عن
كل ما ستملك من السعادة
وان تعطي
كل ما ملكت من سعادة
للقلوب الاخرين المكسورة
بالتساوي
يارب متخليناش نكسر قلوب
اكتر من كده
ومتخليش حد يكسرلنا قلوبنا
واديني القدرة اننا نكون
شفاء للجروح
والقدرة علي امتصاص
الاسود والالم
القدرة
اننا نكون سعادة
والقدرة علي التواجد
علي طول الخط
مع الزعلانين
اؤمن ان قلبي يتسع للعالم كله

الانتظار

انا عاوزة 
انضف اوضتي
اوضب اشيائي كلها
وارص الحاجات
الشيل التراب
وافتتح الغرفة
الشتا في الاوضة
اسوء شيء ممكن يحصلك
انا عاوزة انام في الاوضة
في سريري
بتاع 15 يوم
مش عاوزة اقوم
عاوزة ابحلق في السقف
واتفرج علي افلام
واقعد اعيط بالليل
وابقي دراما كوين
وطلع كل شيء نفسي فيه
من مشاعر
عاوزة اكتب ع الحيطة
واقرا كتب
وافضل اكلم نفسي
عاوزة اصحي 
الفجر 
وانام في اي وقت
احفظ قران
وافضل اسمع كتير كتير
واعذب مخي معايا
عاوزة اقعد اتف علي كل ما سبق

التفكير

الاشياء التي لا تنتهي
واللي قضينا
الاجازة كلها
نحاول لم نحاول
احاول ان افهم 
كل شيء 
كل التفاصيل
وحدي تماما
من غير مر 
من غير للا
في الغرفة الجديدة

انا قضيت الصيف كله
وحدي بفكر

والتفكير لم ينتهي
التفكير لا ينتهي ابدا

الخميس، 21 يناير، 2016

الحلم

انا بحلم بمشهد بسيط
مكرر
كل مرة بقفل عيني
بسمع الموسيقي ذاتها
وانا بالفستان نفسه
ادور ادور الدور
لا ادور ابدا وحدي
انا عاوزة اخد الاجازة
ولبس فستان بيدرو
وادور بيه

الثلاثاء، 19 يناير، 2016

التفكير

لاني بفكر وانا نايم
اصغب من وانا صاحي
امبارح وانا نايم
كنت بفكر
اني ك رنيم
مش بحمد ربنا كفاية
وان ربنا بيعدي لي الحاجات ع خير
وانا اول ما بتعدي ببدأ اقلق للي بعده
اعتقد اني في موود سيء
بس موود سيء بقالي سنتين
وده شيء مضحك
صحيت الصبح عمالة ادعي ربنا
الحاجات اللي مش هتجيلي
مش اعوزها
ويشيلها من قلبي
والحاجات اللي عاوزاها
وهتجيلي تيجي بسرعة
او يجيلي علامات
انها هتيجي

نصيحة ليا

اصنع كراسة للافكار
#خطط
انا بحاول اتحسن في الكتابة

ولا تعرف ما تفتقد

مازل هناك اشياء
لا اتحدث فيها
مع احد
من فرط ما تحدثت عنها
الاشياء التي تفسدها
الاشياء الجيدة
والاشياء التي تفتقدها
ولا تدري ماذا قد تفعل
وليس لديك ما تفعله
الاشياء ليست سيئة
ولكنك بداخلك وحيد
ولا شيء يملئ
ما بداخلك من فراغ
الحاجات اللي لسه بتجري ورانا
كوحش ياكل الاطفال
للخوف الملازم
وعدم الرغبة في الاستمرار
العواميد اللي بتقع
وبعدان كل شيء بيقع
انا ببقي بائس
لما ببقي عاوز انام

الاثنين، 18 يناير، 2016

انا

الفكرة المسيطرة
ان هناك شخصيات حقيقة يمكنك ان تكتب عنهم بدون الحاجه الي صنع المزيد
رجل البنك اللعين كانت عن شخص موجود ولا نعرف عنه اي شيء
والان كل ما يشغل بالي ماذا لو كان البطل شخصية حقيقية ونعرف عنه ما يكفي لنصنع حكاية تشبهنا
ماذا لو كان البطل كالعادة اكثر اختلافا واكثر غرابة من كل من نقابلهم كل يوم
بفتكر كاثي لما كانت بتكتب عن ابطال اوريدي موجودين اعتقد دي كانت اكتر حاجه شبهي في رواية المفضلة
اعتقد انها خطوات عقبال ما تكتسب الشجاعة ان تصنع ما يحلو لك
وانا لست مستعدة

فاضل


خبر سعيد
فاضل 529 يوم واتخرج
انا واقعة في حب ابليكشن
انا مجموعة من الابليكشنز
منها الللي لقيتها ومنها اللي لسه ملقتهاش
اليوم انا لقيت ابليكشن
الكونت دوان
#احلام
اول بوست من ابليكشن البلوجر المريب

الجمعة، 15 يناير، 2016

موبيلي الجديد

توثيق
الموبيل الجديد


قلبك

في لحظة  الحقيقة 
خبطتتني
اني مش مستعدة حقا
اشيل اسود في قلبي
اني بدعي لكل الناس
اللي انا اللي علاقتي بيهم انتهت
بحاول مش اشيل 
في قلبي اي ذرات كره

يمكن عيطت جامد
لما اكتشفت 
اني جوايا ذرات غضب
اني جوايا غضب كتير
اتجاه اشخاص كتير
وعتاب كتير
واتصدمت جداً
انك لما بتغفل قلبك
بيتراكم فيه حاجات 
انت عمرك ما كنت عاوزها

اليوم ده انا قررت 
ان الغضب محتاج كله يطلع
محتاج ارجع من غير اي غضب
او ندم من غير اي حاجه

الفكرة كلها انك تنقذ قلبك
الذي غرق في الاسود
وتحاول ان تجعله اقل سواداً

انا دلوقتي بحاول 
احب كل شيء
وخاصة الغرباء
خاصة الناس اللي مفروض اكرهم
او عل الاقل اللي بيكرهوني 

الخميس، 14 يناير، 2016

رنيما وانجازات المدرسة

انا امبارح كنت بفكر 
قد ايه انا فخورة بنفسي
اني عديت ترم كامل مع الاطفال
اللي كان عددهم 61 طفل في الفصل
وان الحمد الله العدد كان بيقل كل مرة
وده من فضل ربنا علينا
ومع اطفال مستواهم اقل بكتير جدا من الطبيعي 
مستواهم الدراسي وسنهم اكبر 
بكتير من السن اللي مفروض ادرسله
ومع ثقافة الشتايم العظيمة وسب الدين
والعنف الزائد وعدم احترام الغير
ولكن برغم ده 
انا عديت ترم من غير نوتي كورنر
من غير تايم اوت، واثبتنا نجاح التايم ان
من غير عقاب ومن غير زعيق
طبعا بصوت كتير من التحمس من الفرح ساعات علشان يسمعوني بس مفيش زعيق بغضب مفيش زعيق بعصبية
انا عديت الترم من غير تعليقات سلبية للأطفال من غير ما اقتل اي حاجه في اي حد
واتمني انه من غير ما اثر سلبا علي اي طفل منهم
حتي الولد اللي عنده مشاكل ومش بيشارك معايا ومش بيجي كتير ولما بكلمه بينام علي الطرابيزة وبفضل اقوله انت مش بتحبني ومش بيرد عليا 
بالاهتمام طلع بس محتاج اهتام محتاج حد يفهمه ان اي شيء هو عاوزه محتاج يطلبه واننا هنوافق علي طلباته وقبل ما يطلب يقول لو ممكن او لو سمحت
اني مش هتعامل معاه بعنف واني مش بستعمل الضرب
انا عديت ترم كامل مفيش طفل بيكمل اليوم مضايق من صحبه 
بجلسات المفوضات بتاعتنا وجلسات المصالحة ومبدأ اننا كلنا صحاب ولما بنغلط بنتأسف عادي جدا وبنطلب من بعض بحترام بنسلف حاجات لبعض وبنرجع الحاجات لصحابها
بالاستماع للمشاكل كاملة حتي لو بناخد وقت حتي لو مبيكونش فيه حد غلطان
كنت حبه انهم يعرفوا اني هسمعهم وان كلامهم مهم ومهم انهم يفضلوا مبسوطين طوول اليوم 
برغم ان اول مرة انا كنت قلقانة جدا ان فيه عادات مجمتع وثقافة اهل مش هقدر اغيرها الا
اني بجد مش مصدقة اني عمري ما رجعت بشيء ناقص بديهم مقلمتي يلونوا بالاقلام اللي عاوزينها وبنلعب حرفيا طول اليوم
كانوا بيلموا اشيائي اللي مرمية حرفيا في كل حته في الفصل ويدوهاني ويقفوا يرتبوا وينسقوا الحاجات اللي لعبنا بيها بمنتهي الحب 
انت لو بتحافظ علي اشيائك او مهتم بيها هما تلقائيا بيحفظوا عليها
اخر يوم لما ولد طلب ماية ف انا قولتلهم ممكن اي حد يدي مازن ماية وفي سرعة البرق لقيت تقريبا الولاد كلهم واقفين دايرة حولين مازن بيصلحوا فيه وبيدوه زمزميتهم علشان يشرب.. انا كنت مندهشة 
وكم البنات اللي اتعلموا يربطوا الكروت باساتك مكنش قليل وكان شيء مضحك للابد 
واقتنعوا بالقاعدة اللي بتقول نبص علي الحاجات قبل ما نرجعها مكانها تحت الطربيزة علشان مش ندوس عليها
وده كله بيثبت شيء واحد بس
انك لما بتعامل الناس بحب 
بيبادلوك الحب
ولما بتعاملهم انهم يقدوا يعملوا اي شيء وبتعلموا اي شيء بيتعلموا فعلا وبيكونوا بظبط اللي انت وصفتهم بيه
انك لما بتعاملهم باحترام بيعملوك بنفس القدر من الاحترام
انك مش مضطر انك تقول كل شيء بشكل واضح وصريح
يكفي أنك تكون مثال يستحق انهم يقلدوه
الترم كله تحفيز وتشجيع وتسقيف واحضان وبنبوني وكوكيز 
انا لا اقاوم فرص التشجيع 
ولا اقاوم اني اطبط عليهم
واحبهم طول اليوم
شكرا مجدي وندي وكل الاطفال
انا بحبكم حب كتير
ومبسوطة انكم اثبتولي 
ان اقدر اكون بظبط
زي ما بحلم اكون
وانكم تقدروا تكونوا 
بظبط نفس اللي انا عاوزاكم تكونوه
انا درست حاجات كتير الترم ده
ودرست حاجات مهمة
مرينا بتجارب غريبة كتير
زي اننا نلعب بالطين او بالعجين
انا ممتنة انكم كنتم بتبهروا بسرعة
وكنتوا بتحبوا كل الحاجات 
اللي كنا بنعملها سوا
* _ *
انا سعيد للغاية
بوست من الدرافت 
بقاله فترة عاوز يتنشر

النهاردة اجازة

النهاردة يوم اللعب
عادة الناس 
مش بتذاكر يوم ما بترجع من الامتحان
الا انا 
انا بذاكر وابدأ اعيط 
علشان الحق اعيط تاني
النهاردة رسمياً اجازة
ومعنديش حاجه اذاكرها
مامتي جاية بالليل
وانا هعمل بارتي
بارتي فيها تنضيف 
بس استيل بارتي 
* _ *

الثلاثاء، 12 يناير، 2016

لغات الحب

انا السنة اللي فاتت
كان فيه اختبار 
اسمه لغات الحب
انا عرفت ال3 لغات بتوعي
وكانوا بالترتيب
الوقت - اللمس - التقدير
واكتشفت السنة دي
ان كل شيء
بيدور حول لغات الحب بتاعتي
انا بقدر الحب بالوقت اللي بتقضيه معايا
لو انت مش بتقضي معايا وقت كتير
بحس انك بتهرب مني وانت مش بتحبني
بحب الناس اللي بتحب تقعد معايا
وبحب الناس الي مش بتزهق مني
ووقتهم كله ليا
ودول ناس ليست كثيرة في هذا العالم
وده كان اكتشاف الشهر اللي فات
النهاردة اكتشفت
ان لغة اللمس كاللغة الحب
بتخليني احس اني اقدر اكون معالج
واني اقدر امتص التعب والزعل
انا بحب اطبطب علي الناس جداً
وبحب ابعتلهم حب كتير
واتمني لهم كل السعادة
وانا بطبط عليهم
وعلشان كده ده المشهد اللي بتكرر
علشان لغة اللمس مهمة
اما التقدير
انا بحس
كل الناس بتحب التقدير
بتحب تحس انها عملت اشياء كويسة
وعملت اشياء  نالت اعجاب الاخرين

المفروض ان لغات الحب
بتخلينا نفهم بعض
ونقدر بعض 
اننا مش كلنا بنحب بنفس الطريقة
وان انت عمرك ما هتحس انك 
محبوب غير لما حد يحسسك بكده
من خلال لغتك انت مش لغته هو

لغات الحب بتخلينا عارفين 
احنا بنعمل حاجات غريبة ليه
وبنحس بحاجات غريبة ليه
وبترتب لينا اولوياتنا في الحياة
ِ

المشهد المكرر

مشهد واحد بس
وانا بحاول 
اسحب كل حاجه مضايقة
طنط غادة
وعمالة اقنع نفسي
اني اقدر اكون
معالج
اني اقدر امتص الزعل
وانا عمالة  اعيط
ومش بحاول معيطش
ومش عارفة اوقف عياط
وانا بدرك الحقيقة
ان كلنا مثقلين

مشكلة اليوم

الحاجات اللي بنعديها
وبندفنها
فببساطة بتطلع تجري ورانا
الاحساس الغير طبيعي
بالثقل 
وان مفيش حد يقدر يستحملنا
ان الناس بتهرب مننا
او هتهرب مننا
انك مش شخص مبهر كفاية
انك تبهر اي حد وتقدر تقنعه
يفضل معاك للابد
انك وحيد اجباري
وانك لما بتثقل 
وتقرر انك تدور علي حد
يرمي من عليك الثقل
بتحس انهم هيهربوا منك
وعمرهم ما هيجوا تاني
اذا كنت لم تستطع الاحتفاظ بالاشخاص 
وانت خفيف 
ازاي هتعرف وانت مثقل
ايوا الواحد بيحتاج الناس تفضل تقوله
انها بتحبه كتير
وبيحتاج الناس يفضلوا معاه للابد
اعتقد ان هي دي المشكلة
ان كل الناس محتاجة
الناس تحبها

يارب ارزقنا المزيد من الحب
الذي يكفينا
وارزقنا بناس تفضل معانا وتستحملنا
يارب انا عاوزة ابقي خفيف
انا عاوزة ابقي سعيد
انا عاوزة ماما

التعلق

انا محتاجة اتعلق
ب اي شيء
محتاجة اتعلق في شيئ 
محتاج يتعلق بيا


الاثنين، 11 يناير، 2016

أنا : (

انا 
قطة عدت جمبها 
عربية مسرعة 
فوق بركة ماية 
ساقعة ومش نضيفة
انا قطة مبلولة
في عز الشتا
بتعيط في الشارع

انا محتاجة تعاطف
ومحتاجة شوية حاجات كتير

فاضل تقريبا 3 ايام

انا عاوزة ماما
وبدور علي اي حد
يقدر يقلل الفزع 
يقدر يشيل عني الخوف
ومعتقدش ده شيء ممكن يحصل
وده شيء محبط اكتر
الحاجات بتعدي 
والحاجات بتعدي علي خير
بس انت بتخلص عقبال ما تعدي

انا عاوزة حاجات كانت موجودة
طيب احنا ليه سبناها تمشي

انا عاوزة ماما 

انا مش مؤمنة اني فيه اي حد يقدر
يستحملني 
انا مفرط في الثقل

الجمعة، 8 يناير، 2016

7 ايام

فاضل 7 ايام
والحياة مسخت اوي
انا عادة بختار الوحدة
ولكن لا اجبر عليها
النهاردة انا وحدي
علي هذا الجانب من العالم
افتقد امي وابكي
النهاردة يوم سيء
ملوش لازمة 
النهاردة يوم محبش اكرره تاني 

الاعتياد

ما يعتاده الانسان ويصبح مألوف لكثرة تكراره
حتما سنعتاد الاشياء ولو بعد حين
وسنتوقف عن انتظار المعحزات

الخميس، 7 يناير، 2016

رنيما ومعرض الكتاب

انا لما بغمض عيني
وبحلم اني في معرض الكتاب
مبقيتش بحلم باي حد يكون معايا
وانا كنت بخاف ابقي لوحدي هناك
ملهاش اي اسباب مقنعة
جست شيء جوه قلبي
انا مبقيتش بخاف 
وبقيت بستمتع لوحدي بمعرض الكتاب
بسمع اشياء مالوفة مش بكلم حد 
واحيانا كثيرة بكلم نفسي
بمشي بدون توقف
وبقرر انا هروح فين 
بفوت دارات من غير ما ابرر اسبابي
وبدخل اماكن مش مهمة ومبحسش
اني بضيع وقت حد
باضطر انقي كتبي لنفسي من غير ما ادور علي حد يقرأ لي اللي علي ضهر الكتاب
والمرات القليلة اللي بيبقي اليوم ماشي في هدوء وانا بفكر بصوت واطي  
ببقي انا زي ما انا عادة بتخيلني
اكثر هدوء 
انا بتتطلع اني اشوف كل الناس اللي بشوفهم هناك والمكان الوحيد اللي بيجمعني بصحابي 
بس هبطل ادور علي ناس يجوا معايا وهبطل افوت اروح علشان مبقاش لوحدي البوست ده مش اسمه رنيما ومعرض الكتاب .. اسمه هاو تو بي الوون
: ) 
انا وانا كبيرة جدا جدا

الجمعة، 1 يناير، 2016

القدرة علي التعاطف والحب

اكتشفت ان امبارح
ان فيه قدرة مش عند كل الناس
هي القدرة علي التعاطف والحب
 للاطفال 
الذين لا يجدون من يعلمهم
او بنظفهم، او بهتم بهم
للاطفال 
المفرطون في السمنة
والاطفال
الذين لا يجدوا من يطعمهم
يارب
ارزقنا قلب
يقدر يتعاطف مع الاخرين
علي طول الخط 
يقدر يخلق اعذار
لمن لا اعذار لهم 
مها كانوا 
مهما كانت تصرفاتهم
مهما كان شكلهم 
وقلب يقدر يحب 
كل حاجه علي وجه الكوكب
كل شخص علي وجه الكوكب
بضعفهم، انانيتهم
القدرة علي تغير الكون
بدون ادني اذي 
بدون ادني صوت او دوشة
اننا نكون خفاف علي الناس
وان ربنا يدينا القدرة
علي ان نكون التغير الذي نريد ان نراه في هذا الكون

*الدوشة كلمة عربية فصحة وانا لقيتها في المعجم“تحبین الأطفال ؟.. برافو .. لكنھم طبعًا ھؤلاء الأطفال الذين يظھرون على علب الألبان الصناعیة .. لو استطعت أن تحبي طفلاً قذرًا فقیرًا مبلل الثیاب يتزاحم الذباب والمخاط حول وجھه فأنا أقر لك بأنك أنثى كاملة..” 
احمد خالد توفيق

عنوان حلقتنا السنة دي

التمسك بالاصدقاء
الذين لا يرحلون

2016

انا فقدت احساسي
بكل الوقت اللي في السنة
بالبديات الجديدة
وبالساعات التي تصنع الفرق
الاشياء تشبه بعضها
رنيم ايه حلمك ل 2016
اني اخلص كلية
بس انا هخلص كلية في 2017
انا حرفياً
عاوزة اعيش
عاوزة حاجات كتير كالعادة
بس عاوزة اطلع سليمة من السنة دي

الاثنين، 28 ديسمبر، 2015

queen

دايما ينفع
ترجع لمرحلة
queen
وتلاقي حاجات
مش سمعتها قبل كده
* _ *
وتقع في الحب

كبرت ونسيت أن انسي

بطلت من فترة
اشارك حاجاتي المفضلة
مع الناس 
بس كنت حاسة
ان آية لازم تقرأ لبثينة العيسي
وكتبتلها عن مدي ترددي 
أني اشتريلها الكتاب
ولكن في الاخر اشتريتهولها
انا بحب ركورد يو
بعد قرأتها للرواية

وبحلم في يوم
اكون بكتب عن الحب
زي بثينة العيسي
واني اوقع الناس في الحب
وانا بوقع شخصياتي في الحب

انا ممتنة لوجود 
الكتب 
اللي بتوقعك في الحب

الاشياء

الاشياء التي نرغب فيها
الاشيءا التي تطاردنا
طوال اليوم
ولا نستطيع
ان نفعل اي شيء حيالها

اول يوم من غير ماما

امبارح وانا لاول مرة
بحضر مع مامتي شنتطها
قولتلها
ماما انا مكنتش بحبك زمان
ماما الشخص اللي بقدر اقوله
حاجات مبقدرش اقولها لحد
زي اني مش عاوزها تموت
او زي اني مكنتش بحبها زمان
الناس بتبقي شايفة
انك طبيعي تحب اهلك
بس ده مش طبيعي بالنسبة لي
انا كنت بخاف وانا صغيرة اوي
لما اسيب ماما
وكنت بحس اني هموت قبل ما اشوفها
وانا في رابعة ابتدائي
فضلت اتحايل علي ماما
توديني ابات عند تقي اللي هو اكتر شيء متعودين عليه
ولما روخت هناك كنت بفضل اعيطلها في التليفون
واخر يوم قضيته في السرير 
تقي وتقي بيجروا وبيرشوا علي بعض ماية
وانا بقرأ قرآن وبدعي ربنا مموتش قبل ما اشوف ماما وفضلت اعيط لحد ما روحت
انا مؤمنة ان محدش في الكون
يقدر يستحملني
ولا يستحمل الحب القاتل
والتعلق الشديد
بس ماما مستحملة 
شكرا ماما
اعتقد ربنا بيعلمنا نكون اقوي
وانا حقيقي مش متاكدة 
اني هقدر اعدي المرحلةدي
امتحانات قلق ومفيش ماما
ممكن حد يتبناني؟

الأحد، 27 ديسمبر، 2015

أنا

انا رسائل شكر
رسائل حب
وجوابات
ظروف بني 
وطرود في البريد
انا رسومات 
ولوحات من حول العالم
انا حب الغرباء للغرباء
والكثير من الامنيات السعيدة
انا السعادة
وانا التحمس 
انا فرع كهارب
بينور وبيطفي
وبيحلم في يوم ينور علي طول
بيحلم في يوم ينور القلوب
انا بحلم
اكون محبة
والكثير من الذكريات السعيدة
ان اكون سعادة تقذف في قلوب الاخرين
وان يكون لي اثر وعلامات في الطريق 
انا بحلم اكون
خفيف 

انا وماما

امبارح استغليت 
ان ماما بتكلم مع جدو
وفضلت اضفر لها شعرها
خصل صغننة كتير كتير

فاضل 18 ساعة
وفاضل 15 يوم
ويرجعلي اكتر اتنين 
علي كوكب الارض بحبهم


رنيم هتعمل ايه

للا كانت بتقولي
انها لما تبقي زعلانة 
او مضايق 
بتفضل تفكر
رنيم كانت هتعمل ايه؟

انا بحب اكون 
جوي في انسيد اوت
بحب اكون سعادة
واقتنع اني  انا السعادة
وكان من الطبيعي جداً
اني اعدي مرحلة
القلق، الخوف والحزن
اني الاقي الطريق من جديد
بدون قلق بدون خوف
واتخلص مالاشياء اللي بتقلني

وابدأ فعلاً اكون زي ما للا 
شايفني .. واللي هو ابعد ما يكون عني
بس احيانا بنحاول نبقي الحاجه اللي الناس شايفها فينا
حتي لو هي مش فينا

انا كويسة في اني 
احط لنفسي صور ، واشياء المفروض تبقي فيا
واخليها فيا 
ف انا حبه ارجع تاني انا
بالسعادة والبلاهة والتفاهة
بحاجات عاوزة احققها
وناس عاوزة اعرفهم
ونعيد من اول تاني 2014

السبت، 26 ديسمبر، 2015

عن يوم الجمعة

اللحظات اللي بتكتشف فيها
انك احيانا بتفقد قدرتك 
علي ارسال حب للاخرين
لانك وببساطة معبء بالمشاعر السلبية
انت بخير ولا تشعر بالحزن
وبتصدم في مدي عدم قدرتك 
علي ارسال لمن حولك من الغرباء حب
ويديك مثلجة تماماً

انا ممتن لكمية الاحضان اللي اخدتها
ولكمية الحب اللي اتلقتها
ولكمية الحب اللي حاولت ارسلها

انا عادة مش بواجه مشاكل في ارسال الحب للاخرين
ولا اواجه مشاكل في الوقوع في حب الغرباء
واني احب لهم الخير

متفقدش تركيزك مع قلبك
ومع مدي نقاء قلبك
مع قدرتك انك تحب الناس متعرفهومش
وقدرتك علي ارسال الحب للاخرين
قدرتك علي التسامح وترك الاشياء
تعود الي حيث تنتمي

للتجارب المميزة القليلة التي نمر بها
وبنمر بيها لوحدنا

انا مكنتش مكسوفة وانا بعيط
ومكنتش عارفة اقاوم اعيط
ولا عارفة ابطل اعيط
ومكنتش بحاول اوقف عياط 

العياط الغير مبرر
اللي كان مزيج
من التعاطف الشديد
والمسئولية
والمشاعر السلبية
الغضب
وعدم نقاء قلبك

مزيج من عدم التسامح
وعدم الرضا عن النفس

عدم قدرتك علي حب الكون 
في هذه اللحظة
وانت من فرط ثقتك
في قدرتك علي سحب 
الحزن من الناس
تكاد تتاخذها كمهنة لك

ربنا ساعات بيبعتك للناس
تطبطب عليهم 
وتحبهم وترسلهم سعادة 
ساعات بيبعتك ناس
تحط ايديهم علي ايدك
وتحضنك من غير ما تبعد
احضان طويلة 

كرر امنياتك للكون
ومتفوتش يوم من غير ما ترسل
حب ودعاء للغرباء
وتقبل تعاطفك 
مع كل شيء يؤلمك
تقبل تعاطفك
مع كل التفاصيل الصغيرة
وكل الظلم الواقع علي هذا العالم
ولا تقاوم البكاء
ابكي حتي تسقط في النوم
من فرط البكاء
علي اشياء لا تستطيع تغيرها
علي اشياء تتعاطف معاها
رغم صغرها، وبساطتها
رغم أنها لا تخصك أنت
تقبل أن تبكي للاخرين
ولا تقاوم أن تفتح قلبك 
علي هذا العالم
لا تقاوم أن تبكي الاخرين
في محنهم وأن تتعاطف معهم
تمني للكون من حولك
الخير اياً ما كان
ولا تدع نفسك تمتلئ
بالكره والغضب


** كلاس اليوجا 


الجمعة، 25 ديسمبر، 2015

انا وكاثرين

عادة انا الشخص
اللي بيحب يتكلم كتير
وبيحب يبقي عنده قصص كتير
واغلب الحاجات اللي بقرأ عنها
غريبة ومريبة 
بقرأ عنها علشان اتكلم فيها
ودلوقتي اكتشفت
ان كاثرين 
عندها مغامرات كتير
وتفاصيل كتير في حياتها
انا بحب اتكلم عنها
انا بمبسط وانا بحكي عن كاثرين
وانا بفتكر التفاصيل
وابدي دهشتي لاشياء مدهشة
انا بحب ان حياة كاثرين مختلفة
واني بالهوس بقي عندي حكايات مختلفة
حكايات مختلفة عن كاثرين

الخميس، 24 ديسمبر، 2015

un pas, deux pas.


un pas, deux pas, fais- toi des ailes!
une main, deux mains, va vers le ciel!
une jambe, deux jambes, vas-y décolle!
un bras, deux bras, ça y est, tu volés!
انا في شريط الفيديو
صغيرة جداً
يادوبك بمشي
ولابسة فستان احمرطويل
وبنط علي رجل واحدة
وبدور علي الاغنية
وبغني معاها
بطلع فوق الطرابيزة
وبنط 
وبطلع تاني
بمارس اكثر شيء مفضل عندي
اللي هو النط : )

اسوء شيء حصالي ان الشريط ده
ضاع
ومش لاقية الاغنية علي اليوتيوب
انا لسه بسمع صوت  ماما 
وانا وهي بنغني سوا 
وبشوفني بالفستان الاحمر المريب
منعكشة كالعادة 
كعادتي في طفولتي 
وبستمتع : ))))

catherine pierce

شكراً كاثرين
علشان قضيتي معايا وقت كتير
وقت كتير عصيب
علشان مش سبتيني لوحدي
انا ممتنة جداً ليكي
لكل الحاجات الحلوة اللي فيك
وكل الحاجات الحلوة اللي 
اكتشفت انها فيا
شكراً علشان  بتوقعينا في حب كل حاجه
كل حاجه في الكون
انا ممتن جداً
لكل التفاصيل الصغيرة
وللهوس
لكونك جزء من احلامي
وجزء من يومي
وجزء من كتاباتي ورسوماتي
وجزء من الاغاني اللي بحبها
شكراً علي الحاجات اللي شبهي
والحاجات اللي بقيت شبهي

الأربعاء، 23 ديسمبر، 2015

Rivers and roads

A year from now we'll all be gone
All our friends will move away
And they're goin' to better places
But our friends will be gone away

Nothin' is as it has been
And I miss your face like hell
And I guess it's just as well
But I miss your face like hell


Been talkin' 'bout the way things change
And my family lives in a different state
If you don't know what to make of this
Then we will not relate
So if you don't know what to make of this
Then we will not relate


Rivers and roads
Rivers and roads
Rivers 'til I reach you

ارزقهم بقلوب من الحب

الحاجات اللي بتخلينا نعيط
والمواقف اللي بنبقي قاسين فيها
زيادة عن اللزوم
الحاجات اللي بنحاسب نفسنا عليها
هي هي كل يوم
وبنام ندعي ربنا
ميخلناش قاسين
وميخلناش نكسر قلوب
ويخلينا طيبين
حتي واحنا عارفين 
اننا ابعد ما يكون عن الطيبة
الحاجات اللي بتوقعنا
والحاجات اللي بنقتلها
والحاجات اللي بتصحي تاني
وتجري ورانا
تطلع لنا في احلامنا
للاحساس بالذنب اللي مش بيروح
والطرق اللي كانت ماشية صح
لحد ما فضلت تدور تدور تدور
وفجاة فتحت عينك لقيتها
ماشية غلط
الاشياء اللي بتبان من اولها
والحاجات اللي بتجري وراها
ف بتجري وراك
وبتجري وراها لما تكون هي 
مش عاوزة تجري ناحيتك
وبتجري وراك لما انت 
بتكون لفيت لها ضهرك ومشيت

يارب 
متكسرليش قلبي 
ومتخلنيش اكسر قلب حد
وابدل الناس اللي 
كسرتلهم قلوبهم علي طول الخط
بقلوب من حب


الكتب

انا ليست
كتب عاوزاها
ودارات ملهاش منافذ بيع
في مصر
انا ليست 
كتب بحلم بيها موقعة 
ومش عارفة اشتريها
ولا عارفة اوقعها
انا ليست 
كتب 
بحلم بيها 
ومش بلاقيها



أنا

انا اكتشفت النهاردة
انا مجموعة احداث مهمة
حصلت في حياتي
الاحداث دي 
مش عني تماما
ولكن جزء من تعريفي لنفسي
اشياء بتعرفها تعرفني
قصص وشخصيات 
بتمحور حولها

وكان السؤال 
أنا امته هعرف نفسي
كمجموعة احداث 
كمجموعة اشخاص 
كمجموعة اشياء 
بتفقد اهتمامها

السنة دي

السنة دي انا قرأت
4 من كتبي المفضلة
اكتشفت مزيد من الكتاب المفضلين
انا سعيدة جداً بالكتب الحلوة اللي قرأتها
الكتب اللي كلها انا اللي اشترتها لنفسي

شكراً رنبو علشان كنتي كاتبة السنة دي
وبثينة العيسي علشان عمرها ما بتكسر قلبنا
 * _ *

fangirl
elenor and park
كبرت ونسيت أن انسي
قيس وليلي والذئب

مشاعري

الاشياء 
اللي مش بعرف اوصفها
ولا بعرف اتكلم عنها
الاشياء اللي مش بعرف سببها
ولا بلاقيلها مبرر
الاشياء اللي ببقي عاوزاها اوي
ومش عارفة هي هتجيلي ازاي
الاشياء اللي بفكر فيها كتير
وبحاول اتجاهلها
الاشياء اللي بقرأ عنها
من كتير ما انا بفكر فيها
وبفتح تابز كتير
ومبقفلهاش
بقرأ الحاجات نفسها مليون مرة
وبغمض عيني كل يوم قبل ما انام
وافضل ادعي تجيلي
مش عارفة ازاي هتجيلي
بس الكون ممكن يتشقلب
وتجيلي
الحاجات اللي مواقفنا فيها
بتتصاعد بسهولة جداً
ورغبتنا فيها بتطلع وتنزل في لمح البصر
للحاجات اللي بنقرأ عنها في ويكبيديا
وبنقرأ عن عكسها
انك تعوز كل شيء
او لا شيء 

الثلاثاء، 22 ديسمبر، 2015

الثقة بالله

الثقة بالله وبنفسك

الحمد الله : )
شكراً ربنا
علشان الحاجات بتخلص
بتخلص وبتمشي ومش بترجع تاني
شكراً علشان بتطمن قلبي
ومش بتخلي الخوف يجي
وبيتخليني مركز اطمئننان للاخرين
: )))))

الاثنين، 21 ديسمبر، 2015

انا والحب والناس

الناس اللي بنحبهم
اللي مش بيعبروا عن حبهم
مش بيعبروا كفاية
الناس اللي مش بنبقي 
عرفين مشاعرهم
ومحتاجين منهم دايما
انهم يثبتولنا ده
او يقولولنا

الشخصيات دي
انا مش بحبني وانا معاهم
مش بحبني وانا متعلقة
وانا متطلبة

يارب ارزقنا 
المزيد من الشخصيات
اللي بنبقي متأكدين منهم
اكتر ما احنا متأكدين 
من نفسنا

ماما

أنا عاوزة ماما
بس ماما لسه مش سافرت
طيب فين ماما
ماما نامت
طيب انا عاوزة ماما
هو مينفعش 
نصحي الناس 
علشان عاوزينهم

الأحد، 20 ديسمبر، 2015

happiness

فجاة سعادتها 
خبطتها 
زي جردل ماية ساقعة
سقط من الدور ال 30
علي دماغك في الشتا
فضلت تجري
فضلت تحاول تخبيها في اركان البيت
تحاول تخبيها تحت السرير
تحاول تخبيها تحت الماية
شافتها بتغرق في حوض المطبخ
وقفت تراقبها
وهي عمالة تدور في دوامة
تبعد وتختفي 


honest man

She thinks that she could have it all
So she holding on for something more
She sees the writing on the wall
But she still has her doubts

من صديقتكم مبتسمة دائما

انااااااااااااااااااااااا بقول لكم كلكم اهلاااااااااااااااااااااااااااا نورتوا مدونتي الضغيرة البسيطة المبتسمة