.

.

الاثنين، 25 مايو، 2009

أجازة الهناء

أنا أخذت الإجازة قصدي رنيم هانم (سابقا) أخذت الإجازة ودي حاجة مهمة جدا بس.... للأسف ماي مازر (ماما) عيت وتعبت جامد وقاعدة في السرير مش قادرة تقوم واخواتي بيمتحنوا فمين يا تري هيعمل الأكل .... وكنت أنا المتطوع الوحيد لهذة العملية الفدائية .... وبدأت في التنظيف ونشر الغسيل وغسل الأطباق والأهتمام بالبيت وأختراع أكلات مختلفة لأهل البيت ميزهقوش(أهوه أنا مش حرمهم من حاجة ) المهم بدأت الست رنيم هانم (السابقة) طبعا مبقتش هانم خالص بعد ما نظفت المهم بدأت في عملية التنظيف الشامل أهل البيت بيوسخوا ورنيم هانم (سابقا) تنظف طبعا أرضاء لأمها وأبوها الوقت بيجري جري عقبال ما خلصت الأكل ألقي الساعة 5 وانا اصلا ابتديت أعمل الأكل الساعة 1 وأنا صحية قبل الظهر بربع ساعة وبداء يومي في المطبخ عقبال ما أخلص ألقي الساعة بقيت 6 أبتدي ألعب وقت قصير وأدخل المطبخ علشان أحط الأطباق في الغسالة وبعدان أكمل .
أحلي حاجة كنت مستمتعة جدااااااااا وبقيت اقعد بعد الظهر أدور علي المواقع الأكل علي أكله أعمل أن لما أختي تخلص أمتحان هتأخذ أسبوع تنظيف البيت و تطبخ وتنشر وتغسل الغسيل وده اللي مصبرنييي غير أن ماما مبسوطو مني وكل يوم بخترع حاجة جديدة والكل مبسوط حتي رنيم هانم (سابفا) ههههههههههههه أدعوا لماما تقوم بسلامة مش علشان أستريح لا علشان تخرج وتشم هوا وعلشان نزور آنة (جدتي) أدعولها ربنا يقومها بألف سلامة والحمد الله أن ربنا جعل ماما تمرض علشان أبقي المسؤلة علي الاكل كل يوم.


هناك 8 تعليقات:

  1. هههههههههههه رنومة بتدخل المطبخ
    مبرووووووووك أخيرا
    حد اعرفه بيدخل المطبخ كويس ده انتي على كده هتعلميني بقى ابداعاتك
    ونصيحة مني ليكي وانتي بتطبخي جهزي رقم الاسعاف عشان لو حصل اي حالات تسمم ترنيلهم رنة ييجوا ينقذوا الموقف
    وألبف سلامة على مامتك ربنا يقومها بالسلامة

    ردحذف
  2. هههههههههههههههههه
    ايه يارنيم هانم (سابقا)
    ايه يابت الحركات دي وبتطبخي كمان تبارك الله
    انا بقى في تالت ثانوي ومعرفش في المطبخ حاجه
    ههههههههههههههه
    والف مليون سلامه على مامتك
    وايوة كدا خليكي شطورة وعسوله عشان مامتك ترضى عنك

    ومبروك ياستي خلصتي امتحانات عقبالي واااااااااااء

    ردحذف
  3. ههههههههههههه الله بيارك فيكييي تخيليلي اسممهم هههههههههههه ويارب يقوم ماما بألف سلامة

    ردحذف
  4. بسمة صلاح ههههههههههههه عادي جداايه يعني المشكلة بس في يوم من الأيام طنط هتمرض وهتتطري لأنك هتكوني المتطوع الوحيد هههههههههههه انا خلصت امتحنات وانتي لا هههههههههههههه عقبالكم كلكم وشدوا حيلكم

    ردحذف
  5. ربنا يشفي والدتك يارب
    ومعلش استحملي امال لما تتجوزي وتبقي مسئولة عن بيت هتعملي ايه :D

    تحياتي

    ردحذف
  6. يارب ان شاء الله ههههههه بس طبعا مش هيبقي في اهل بيوسخوا جوزي ده همشي علي عجين ميلخبطوش هههههههههه
    ومرسي اويييي علي التعليق يا دندون

    ردحذف
  7. ربنا يقومها بالسلامة وانا عايزة ادوق من الاكل بتاعك اما نتقابل تبقى تعمليلى حاجة حلوة كدة

    ههههههههههه

    ردحذف
  8. ههههههههههههه استني البوست الجاي انا هنزل صور الأكل اللي عملتة والقصة بتاعته كماااااااااااان

    ردحذف

لا تقسوا عليّ .. وابتسم للحياة : )))))