.

.

الثلاثاء، 22 سبتمبر، 2009

الفوضي التكوين

البوست ده عند رحاب بسام هي نزلته في الكتاب كتاب رز بالبن لشخصين


الكلام اللي هيبقي لونه روز دي الحاجات اللي عجباني في البوست ده أما الكلام اللي بالون ا لموف فده أسمه حته من قصيده رحاب كتباها والحاجات اللي تحتيها خط بتكون القصيده ذات نفسها .


الضباب الأصفر الذي يحك ظهره على إطار النافذة,


______________________


الدخان الأصفر الذي يحك أنفه في إطار النافذة،


____________________


لعق بلسانه أركان المساء،


____________


تريث قليلاً عند البحيرات الصغيرة في البالوعات،


______________________


ترك رماد المداخن يسقط على ظهره،


________________


وعندما وجد أنها إحدى أمسيات أكتوبر الناعمة


____________________


التف حول المنزل، وراح في النوم.


_______________





تعرفي إيه عن الخيانة؟
من السهل على الإنسان...
واحدة واحدة!
من...
واحدة واحدة!
ميم...نون
أنا كبايات عصير قصب مليانة ع الآخر أنا كبايات عصير قصب مليانة ع الآخر أنا كبايات

_______________________________________


عصير قصب مليانة ع الآخر أنا كبايات عصير قصب مليانة ع الآخر أنا كبايات عصير


_______________________________________


قصب مليانة ع الآخر


__________


من قصيدة " الأرض زهرية فاضية " للشاعر بهاءجاهين- مالك تنحتي كده ليه فجأة؟
- هه؟
- تنحتي كده ليه؟
- باكتب
- بتكتبي فين؟!
- في دماغي.
والخلق ما بتشربش.


بقية قصيدة " الأرض زهرية فاضية " للشاعر بهاء جاهين
- ...حاسة إنه مهجور...


- لا أبداً...هو شوية إضاءة ويبقى كويس أوي


!- أنا كنت باتكلم عن قلبي...
أنا بحب الأبيات دي أوي...ودايماً لما باقراها باحس إنه بيتكلم عن قلبه...
فيرجينيا وولف كانت بتسمع أصوات...ما فهمتش إيه المشكلة يعني لما تسمع أصوات...لكن أول ما بدأت اكتب فهمت...وما بقتش أشيل حاجات تقيلة في جيوبي...
حاسة إني تلاجة...مقفولة...ومخزنة الحاجات جواها...وبتفتح حتة صغيرة أوي...تديك حاجات باردة ومالهاش طعم...وكل اللي بتاخده بتبرده وتشيله.عارفه إن
إليوت كان في مصحة عقلية؟
- ساعات بابقى نفسي ادوس بنزين على الآخر واسيب الدركسيون واغمض عيني
ا


- ودلوقتي من الساعات دي؟


- ها ها ها...لأ...أنا عندي اجتماع مهم بكره عاوزه أكون موجودة فيه بشحمي ولحمي.
"كتابة علاجية؟ هأو أو أو...شي الله يا علاجية!"
حلمت إني جيت اروح الشغل الصبح، نزلت لقيت عربيتي اتسرقت، قعدت أعيط أعيط أعيط ومحدش في الشارع شايف إني باعيط...وصحيت لقيت عينيا منفخة...
"لأ لأ...حاسة زي ما أكون حتة خشبة ناشفة...عندها استعداد تام للاشتعال في أي لحظة."
- سامع الصوت ده؟


- صوت إيه؟


- صوتي...وأنا باتفتت...حتت صغيرة...صغيرة...أنا مش باحبك...بس باتبخر


نفس قصيدة للشاعر بهاء جاهين
بيقولوا إن مضاد الاكتئاب بيخليكي تقومي من السرير وتروحي الشغل...إزاي يعني؟ هيلطشك قلمين طاخ طيخ ويديكي شلوت ويقول لك قومي فزي من السرير عيشي حياتك؟ إلا هيصحيكي من كتر الزغزغة؟
دماغي ترابيزة بلياردو: أفكر فكرة...تخبط في باقي الأفكار وتبعزقها يمين وشمال...آجي اضرب فكرة منهم علشان تنزل في البوكيت...تقوم تفلت وتخبط في فكرة تانية ما كانش قصدي أخبطها...وفي الآخر كل الأفكار على الترابيزة ومفيش ولا واحدة متأكدة من إنها خلاص في البوكيت ومش هاشوفها تاني أبداً.
...اللي اتجوز واللي خلف واللي "اطلق لحيته" واللي بقت دكتورة في الجامعة...ولما سألوني وإنتي عاملة إيه قلت لهم أنا زي ما أنا...وحسيت إن في صاعقة هتنزل من السما على راسي علشان دي أكبر كدبة كدبتها في حياتي...أنا أكيد مش زي ما أنا...


فجأة لقيتني في عز حياتي


___________


ضاعت مني ثواني كتيرة


___________


(أمين حداد – "ثواني كتيرة")


- مش عارفه إيه الحكاية...المدير شكر فيا في الاجتماع...حلمت يومها بليل إنه مات...اداني ترقية...حلمت إن أمه ماتت! وفي الحلمين قعدت اعيط اعيط اعيط وباحاول اصرخ ومحدش سامعني.


- مش ملاحظة إن الحلم ده اتكرر بتنويعات كتير؟


- أنا ماعنديش أحلام بتتكرر...هو بس حلم النمر اللي بيجري ورايا وبيت جدتي في أبو قير اللي بيتحرق.
في عمر بيولوجي محدد لجسم الست.
أنا فكرت في الدوا ده فترة...بس بيقولوا إن مفعوله بيبدأ بعد تلات أسابيع...مالوش لازمة...أنا عاوزه حاجة تعمل مفعول فوري...
والدمع اللي في عيني بيوجع

ما بينزلش...وما بيطلعش
(
أمين حداد – "ثواني كتيرة")
"بتعيطي على إيه؟


! هه؟!


أمك ماتت؟


هه!


ردي عليا!"
-...وفي نغزة في قلبي مسمعة في كتفي، وكتفي أصلاً كله شادد!


- أحسن حاجة تعملي إكس راي


- على القلب؟


- على الكتف يا بنتي!
لاحظت إني دايماً باقول الحاجات مرتين: أيوه أيوه...ياللا ياللا...لأ لأ...أو تلاتة: اعيط اعيط اعيط...اصرخ اصرخ اصرخ...اضحك اضحك اضحك...تفتكر ليه؟
- أنا عاوزاك تجيبلي شتلة ورد.
.......
- شتلة الورد ماتت.


- ما تشوفيش الميتافور في كل حاجة.
أنا أكو
ن


أنت تكون


هو يكون


هي تكون


نحن نكون


أنتما تكونان


أنتم تكونون


هم يكونون


- تفتكري هنبقى زي الست دي لما نكبر؟


- لأ...أنا هابقى مختلفة أوي...كحل أسود...روج أحمر...شعر أسود ليل...طويل شوية...كعب عالي على طول...حريقة سجاير...نضارة سودا...مانيكير أحمر للأبد...شخصية صامتة كده وعدوانية وغير اجتماعية


- امممم...أنا مش حابّة الصورة دي ليكي في المستقبل...هنبقى أصحاب ساعتها يا ترى؟


- لأ...قدامي كتير علشان أوصل للمرحلة دي...ساعتها هيكون في ناس كتير أوي لعبت لي في دماغي...وشخبطت لي على أحلامي...وهاكون خسرت ناس كتير...بس هيكون لسه عندي قطة...
روح العالم يا سيدي إديتني بمبة المره دي. موضوع السفر اتلغى. لقوا مترجمة محلية عندهم وده طبعاً أرخص بكتير. أُحبطت أنا جداً طبعاً. يعني هو أنا مش زعلانة بس محبطة. بس أنا غلطانة إكمني عشمت نفسي أوي يعني. حقتي كنت تظاهرت باللامبالاة فروح العالم تفتكر إني مش مهتمة فبالعند فيا تديني اللي أنا متظاهرة إني مش عاوزاه.
الشعر عيرة
والكحل عيرة


___________


والورد فوق الخد


________


ولحد الضفيرة عيرة


_________


الصبر عيرة والضحك عيرة


_____________


من قصيدة عيرة للشاعر علي سلامة و التي لحنها وغنها وجيه عزيز




والفرح والأحزان كمان وحاجات كتيرة


حتى الحنان جوه البيوت


حتى الكلام...حتي السكوت


حتى الهتاف جوه المسيرة برضه عيرة...


ما بقيتش شايف إيه اللي جاي وإيه اللي فات


ما بقيتش افرق


ده أزرق ده ولا أحمر رمادي


ودي كارثة ولا ده وضع عادي...


وده إحنا ولا الكل حاير




...فسألني إنتي ليه بتكتبي بالإنجليزي؟ هل علشان تحطي مسافة بينك وبين اللي بتكتبيه؟ سكتت ساعتها خالص...وبعدين قعدت وقت طويل أوي أفكر في المسافات التانية...اللي حطتها واللي لسه باحطها...بيني وبين الناس...بيني وبين نفسي.
"فاكر في فيلم "
آميلي"...لما بص لها قامت ساحت واتدلدقت ع الأرض؟"فليم فرنسي من إخراج جان بيير جونيه وبطولة أودري تاتو


عاوزه أقف فوق الجبل ده واصرخ بعلو صوتي: "فلتحل الفوضى على العالم...وليخرس الجميع إلى الأبد!"








من كتاب رز بالبن لشحصين لرحاب بسام بجد أنا بحب أوي البوست دهههههه اغلب الناس مش عجبهم قوي بس أنا بحبه جدااااااااااا وكنت الصبح عماله أحفظ فيه مش عرفه ليه بس كنت بحاول اصمها فماما جت وقالتلي أنتي بتكلمي نفسك يا رنيم أصل أنا كنت قاعده في اللفنج (غرفة التلفاز) لوحدي والكل نايم وعمالا أسمع بصوت عالي رحت قالتها لا ياماما أناكنت بحفظ حته من كتاب قلتلي من كتاب ايه قالتها رز بالبن قالتلي أنا لسه مقرتهوش لما تخلصيه أديهوني قالتها طيب وقرتلها مقالة الفوضي التكوين راحت قالتلي ده عمرو طاهر أرحم ههههههههههه قالتها دي تحفه بس مش عجبتها بس قراتها كام وحده كده عجبوهااااااااا بس معجبها المقالة دي أنا أكترحاجة عجبتني ان فيها حاجات كتيرررأوي ملهاش علاقه ببعض وبجد عجباني جدااااااااااااااا وبجد تحياتي ليكي يا رحابببببببببببببببببب علي البوست الرائع عاوزه أعرف رايكم في البوست ده متقولوش ماما عندها حق وأنعمرو طاهر أرحم هههههههههههههههههههه أصل ماما متعقد و تفضل تقولنا ايه الهبل ده مش عرفه بتحبوا علي ايه طبعا كان قصدهاعلي الكتاب مش علي عمرو طاهر هههههههههههه هند بتقول عليه الكتاب المقدس ههههههههههههههههههههههه أحنا كلنا حفظينوا حتي اسالو هند هههههههههههههههه

هناك 15 تعليقًا:

  1. حلو اوى البوست يا رونى واحلى حاجة فية انه فعلا كل الكلام ما لهوش علاقة ببغضة بس حلو اوى يا رونى (انا اول واحدة كاتية كومنت اهو عشان تغرفى )

    ردحذف
  2. طبعااااااا هو أنا ليا مين غيرك؟

    ردحذف
  3. :) انا بحب الكتاب ده اوي

    حلوة اوي فكرة البوست ده

    تقبلي مروري

    ردحذف
  4. شكرا على التعليق

    ردحذف
  5. ابتسمت وانا بكتب اول تعليق فى مدونة البهجة
    رحاب دى مشكلة
    طاقة طلعت فجأة
    كتاب صغير
    انعش خيالى ..جايز
    حببنى فى الحياة اكتر..ممكن
    بس اللى متأكد منه
    انه رجعلى طفولتى تانى بعد ماكنت عمال اكبر سنة ورا سنة ورا سنة لغاية مكنت قربت انساها
    ومن يوميها وهو مبيفارقش شنطتى
    اتمنى ان اصبح كاتب مثلها
    لا بلاش كاتب دى ..دمها تقيل
    امنى ان اكتب اللى فى بالى دايما زيها

    البوست بتاعك جميل
    قولى لماما بذمتك مبيفكركيش بأيام لمت العيلة
    وشوفى رأيها ايه؟ (ده لو قرت الكتاب كله)

    ردحذف
  6. انا دوخت وتهت خاااااااااالث

    ههههههه

    وبعدين انا جيت اهو علشان متزعليش يا قمر

    بجد اسلوبك ما شاء الله عليه


    ربنا يوفئك

    ردحذف
  7. حمستيني اجيب الكتاب واقراه يا رنيم :)

    وحشاااااااااااااني

    ردحذف
  8. همس عندنا يا مرحبا يا مرحبا فين تعلقكك من بدرييييييييييييييي منصدقيش انا مبسوطه قد ايه بتعليقك وحشيني

    ردحذف
  9. هههههههههههههههههههههههههه يارب ديما يا هاجر بجد وانتيكمان وحشاني بقالي كتير مدخلتش عندك هدخل دلوقتي

    ردحذف
  10. البوست جميل
    جزاكم الله خير
    والمدونه وحشتني من زمان مش جيت عليها

    ردحذف
  11. يارب يكون نال اعجابك فعلاااااااااااااا وكمان وحشتني تعليقاتك اللي مش موجوده هههههههههههههههههه

    ردحذف
  12. بسم الله

    وأنا تايه وسط المدونات

    وقعت عينى على مدونتك الهاديه المرحه الجميله

    وقلت لازم أسيب بصمتى وأكتب تعليقى هنا

    لأن بجد عجبنى قوى جو المرح والسعاده المنشور فى مدونتك

    أول زياره ليا عندك وان شاء الله مش الأخيره

    دمتى بكل الخير أيتها المبتسمه الحالمه

    ردحذف
  13. بوست جميل اووووووووووووى وتسلم ايدك بجد ويا رب من بوست حلو لبوست احلى يا رب وربنا يوفقك ومن قلبى بجد بتمن لك كل خير وسعاده وصحه وتفيق وفر ح وابتسامه تدوم يا رب طول العمر

    ردحذف
  14. بصى بصراحه بدون ما اقرا الموضوع
    بس الى شفته فى الاول ارز بلبن لشخصين
    بصراحه الكتاب ده جميل جدا
    وانا بقراه كذا مره لانه حلو اوى

    ردحذف
  15. الحمد لله رب العالمين يا رنيم كلاامك كلو متناقض بس تفففففففففففه اوووووووووووووووى ........ (يا كوبايات عصير صب مليانه ع الاخر)

    ردحذف

لا تقسوا عليّ .. وابتسم للحياة : )))))