.

.

الخميس، 15 أكتوبر، 2009

إزاي تكون في عز غضبك وتفتكر حاجه تخليك تسخسخ من الضحك ؟

1) غمض عينك وتخيل اللي قدامك بودان ميكي مواس



2) غمض عينك وتخيل اللي قدامك لابس لبس البالية والجازمة كمان



3) غمض عينك وتخيل اللي قدامك ..........



أهم حاجه انك تكون نفسك متفضلش مضايق . لو متعصب من شخص ما تخيل أن مثلا ونش جه شالة من قدامك , لو أنت مش عاوز تنتقم منه لكن متعصب منه تخيله مثلا في مطش مصارعة , بجد الطرق دي مفيدة أوي وبتشفي غليل أي واحد , بس اهم حاجه تخلي باللك وتمسك نفسك من الضحك عشان لو اللي قدامك كمان متعصب وأنت ضحكت قدامه هتبقي في خبركان . نتخيل مثلا أن مدرس العلوم هو اللي مضايقني هغمض عنيا وتخيله لابس لبس البالة وعمال بيرقص يعني بنفس شكله ده بيرقص باليه , دلوقتي كل واحد يتخيل مدرس العلوم بتاعه لابس لبس الباليه , هتلقي نفسك تلقائيا فتسط علي روحك من الضحك تخيل أخوك أو أختك بودان ميكي مواس ههههههههه , تخيل لأزم يكون عندك الموهبة دي , تخيل مثلا أبوك بيتكلم زي بطوط (دونل داك) هاهاهاهاها تخيل صوتك جدك أتحول لصوت واحدة ست هاهاهاهاهاهاها أنا عندي احساس أنكم بتضحكوا , في حاجات كتير تخلي الواحد في عز غضبة ميت علي روحه من الضحك أنا عرفه انه عيب اتخيل بابا بيتكلمزي دونال داك (بطوط) بس ده أفضل من أني أفضل متنكده , أي حد مضايقة منه بتخيلة أي حاجة تضحك . معلومة : يمكن استعمال الطريقة دي مع كل الناس أه حتي جبربوا كل واحد يشوف هو دلوقتي مضايق من مين وفورا اتخيله بيلعب مصارعة أو اتخيلة شجرة صبار بس شجرة الصبار مش بيضحك أي حد غيري .لازم يكون عندك استعداد تام أنك تطلع من الحالة دي وأنت هتموت علي نفسك من الضحك بجد دي حاجه لأزم طول الوقت تعملها لأن دي حاجة هتطلعك من اللي أنت فيه أكيد (حكاية دي أنا مجربها مع مديرة المدرسة - صحابي- اخواتي) وكل الناس دي طريقة حلوة أوي جاربوا وقولولي .