.

.

الأربعاء، 6 أكتوبر، 2010

خانات كتير


شفني مرة واحدة وحطني في خانة غلط خانة مكنش ينفع ابقي فيها

اعمل ايه ما هو اللي اتكسر لا يمكن يتصلح

معدش يفرق معايا انا في انهي خانة عنده

أنا كمان هحطه في خانة غلط

ما هو ده جزائه اصله ميعرفش أن الجزاء من جنس العمل

2010/9/25

كل إنسان عنده شوية خانات بيقعد طول حياته يحط الناس في الخانات بتاعته , ساعات كتير الإنسان مش بيعرف يحكم علي اللي قدامه كويس أو يشوفه زي ما هو , فبيحطه في خانة غلط وعلي هذا الأساس بيدأ يتعامل معاه غلط وممكن يترتب علي الخانة غلط مشاكل كتير ... علشان كده قبل ما أحط أي حد في أي خانة بفكر مليون مرةهو يستحق الخانة دي .. وبركز أوي أحسن أحطه في خانة غلط .....

ناس كتير بيحطوني في خانات غلط أنا مينفعش أبقي فيها .

2010/9/28

هناك 8 تعليقات:

  1. الغلط من طبع البشر
    واقصد الغلط هنا بكل حاجة مش بحاجة معينه
    ونوع الغلط ده اللي هو غلط التقدير
    منتشر قوي بينا
    ونادر لما بتلاقي حد بيقدر صح وبيفهمك زي ما انتي من غير تجميل او تغيير
    النوع ده لما بنلاقيه لازم نمسك فيه لكن الاغلبيه هي العكس تماما
    وانا بتفق معاكي ان اللي يقلل منك لازم يتقلل منه
    لان ماينفعش الشمس تتحط في خانه النجوم مثلا
    وناس كتير بيبقوا شايفين كويس قوي بس مش عارفين يقيموا الانسان ولا يقدروا قيمته
    بس وقتها مش هيبقى سوء تقدير
    وقتها هيبقى عمى

    علشان كدة انا بتفق معاكي
    لازم قبل ما نرسم حجم حد نقيسه كويس قوي
    علشان مانطلعوش كبير قوي او صغير قوي
    لازم نحطه في اطار مقاسه

    تحياتي

    ردحذف
  2. دندونتي العزيزة

    بصراحة عجبني تعليقك اكتر ما عجبني البوست معاكي حق عجبتني : لازم قبل ما نرسم حجم حد نقيسه كويس اوي علشان مانطلعوش كبير قوي او صغير قوي

    مرسي يا دينا (بحبك اوي )

    ردحذف
  3. حكم
    اهو انا فجاة اكتشفت اني بحط اغلب اللي اعرفهم في خانات غلط
    او الحقيقة خانة كبيرة عليهم و هما ااقل قوي منها
    في حين هما ممكن يركنوني برة الخانات اصلا
    علي الويتينج ليست :)

    ردحذف
  4. عادل :

    لازم تعيد ترتيب خانات بتاعتك يا عادل كل واحد لازم يتحط في الخانة اللي يستحقها

    ردحذف
  5. بصراحه يا رنيم انا مش عارفه اقولك ايه بس انا جوايا كلااااام عايزه اقولو بس مش عارفه اقولو ازاى

    ردحذف
  6. تقي قوليه زي ما هو قولي بقي بأي طريقه كانت لازم تقووووووووووووولي اعترفي يا بنت انتتتتتتتتتتتتتتتتتي

    ردحذف
  7. :)
    مبدئيا انا مقدرش انشغل عنك يا روني انتي اكتر واحدة مش بقدر ارفضلها طلب..بس حقيقي مقرتش البوست ده غصب عني انا اسفة

    ووحشاني اوي انتي كمان يا مقطقطة

    ثانيا بقى وده اللي انتي عاوزاه

    لاحظت انك حاولتي تلخصي موضوعك ف كام سطر وده شيء كويس بس محتاج تلخيص اكتر من كده..ان شاء الله المرة الجاية هيبقى رائع
    والبوست نفسه فكرته جديدة ولونه جديد عليكي يعني محستش انك مسكتي وحللتي قبل كده تصرفات اللي قدامك بالطريقة ديه

    وانا معاكي ان ممكن حد يحطنا ف خانة غلط بس يكون ف علمك انتي ممكن تغيري مكانك وتحطي نفسك ف الخانة الصح وتثبتي ان اللي قدامك فهمك غلط :) فمتعتمديش على انطباع حد الاولاني عنك

    تسلم ايديكي يا روني هانم..حلوة هانم ديه ^_^

    ومعلش انا اسفة لو غصب عني مش بعدي ابقى قوليلي ع الفيس لو نزلتي بوستات جديدة لاني بتواجد ع الفيس اكتر وطبعاااااا ادخل واقولك رأيي

    ردحذف
  8. رودي :
    كنت مستنية تعليقك من زمان كان نفسي اشوف شكلك وانتي بتقرأيه حستي بأيه انا حسه اني كبرت في تفكيري اوي يا رودي حسه ان في حاجات كتير اوي اتغيرت

    عادي يا رودي انا مقدره انك ثانوية عامة وانك اكيد عندك مذاكرة قد كده غير انك كمان بتروحي المدرسة فأكيد مشغولة ... شكرا يا رودي يمكن انا بستغل الحته دي وبطلب كل حاجه انا عاوزاها ...
    ثانيا ::
    اها يمكن علشان كنت مصدومة ساعتها بس اوعدك فعلا المرة الجاية يبقي احلي ...يمكن يا رودي مكنتش بحلل تصرفات اللي قدامي علشان مكنتش بحس ان الموضوع ليه علاقة بيا لكن هناكان لازم القي لنفسي حتي مبررات ... معاكي حق كل واحد فعلا يقدر يغير الانطبع ده بس لو الشحص اللي قدامك ادكي فرصة ... وتسلم ايديكي انتي كمان يارودي .... كفايا انك سمعتي اكلام ..... حاضر يمكن كده نختصر الوقت

    بجد بتسفيد منك في حاجات كتتتتتير بحبك

    ردحذف

لا تقسوا عليّ .. وابتسم للحياة : )))))