.

.

الخميس، 17 فبراير 2011

اضحك الثورة طلعت حلوة

إلي التغير :))
قبل الثورة دايما كنت بحاول أغير نفوس الناس إلي الأحسن و الأحسن لكن عمري ما فكرت أغير النظام علشان نعيشش ف سلام ورخاء وميبقاش فيه ناس تحت خط الفقر وحان الآن دورنا ف التغير فلقد خلعنا رائيسنا وناقص الأربعة والاربعين حرامي . حان الآن وقت تعمير بلدنا بجميع انواع النشاطات تحسين اخلاقنا اكننا ف الميدان بضبط يمكن مرحش التحرير وقت الضرب لأنه مكنش مسموح بس دلوقتي وقت المشاركة لبناء اجمل بلد .بلد الأمان . بلد الحب . بلد الرخاء . بلد النظافة .الآن استطيع قول أن شعبنا شعب جميل محب للسلام الآن استطيع القول أني بجد فخورة بيكم إلي اقصي الحدود

ميدان التحرير:))
اجمل الاماكن ف العالم والأكثر ازدحام لما كنت بروح كنت بحس أن الميدان ده عالم لوحده بحس جوه أن كلنا اخوات بجد أن كلنا بنحب بعض وبنخاف علي بعض من غير ما حتي نعرف بعض . كنت بحسه حتة من بتنا كل الناس فيه بتتعامل براحتها . هناك عملنا حاجات حلوة كتير من تنظيف الميدان والشوارع والتصورير وتعرفنا ع ناس جديدة كويسين بجد ناس قلبهم بيضا وروحهم شفافة إلي حد النقاء
هناك حسيت ان كل حاجات اللي كنت دايما بغيرها ف الناس حاجات صح وقيم حلوة وجميلة
الآن سأبدأ التغير ( دهن الارصفة والحوائط تنظيف الشوارع التبرع بالدم كفالة اسرة تبرع بالاموال والمجهود )

إلي التغير إلي مصر الجديدة النظيفة الجميلة

فخورة أني مصرية

* اسفة يا بلدي اني مش هقدر انزل انتخب هههه اصلي حتي معيش بطاقة

* دورنا دلوقتي بعد الثورة تعمير بلدنا

هناك 4 تعليقات:

  1. قريته امبارح وجيت اعلق النت فصل
    ههههههههههههههههه
    البلوج ده فيه حاجة غلط

    اولا احب اشفق عليكي عشان انا معايا بطاقة وانتي لأ ^_^
    طب صحيح كنتي بتدخلي ازاي التحرير بدون بطاقة؟؟

    الناس الحمد لله اتغيروا كتير اللي بس لسه غايظني
    ان الناس مش بتطلع المترو وتنزل من الابواب الصح

    بيستفزووووني ومش بلحق اقولهم يروحوا ع الباب الصح
    بس هما اكيد عارفين وبيستعبطوا :))

    بلاش رغي كتير عشان مصدعكيش
    بحبك يا مبتسمة

    ردحذف
  2. ههههههههههههههه فين عطف الكبير ع صغير المفروض تديني بطاقتك كنت بقولهم مش معايا بطاقة كانوا بيدخلوني عادي

    مترو اكيد اصبوري عليهم شوية بس اكيد بيسطعبتوا

    وانا بحبك يا وردتي

    ردحذف
  3. حاسس إن موضوع البطاقة ده عاملك أزمة

    يا ستي اتمتعي باليومين دول وانتي صغيرة

    بكرة تكبري وتكرهي نفسك

    على العموم ممكن تفيدي مصر في الحاجات اللي قولتيها دي وحاجات أكتر كمان

    ومن غير بطاقة يا ستي

    ردحذف
  4. محمود : بحاول اهو هو فعلا عاملي ازمة بس عادي فاضل كده 3 سنين علشان اعرف انتخب اي حاجه

    ردحذف

لا تقسوا عليّ .. وابتسم للحياة : )))))