.

.

الجمعة، 20 مايو 2011

عطاء بلا حدود


عندما كنت صغيرة استحوذت عليَ فكرة بسيطة وهي طبع عدد أكبر من النقود وكنت أعتقد أن بذلك ستُحل مشاكل الشعب .....
وعندما عرضت فكرتي علي ماما تعجبت وقالتلي طيب ما بكده سعر الجنيه هينزل ومش هيكون ليه أي قيمة .... طيب يا ماما ليه مش بيطبعوا الفلوس من ورا الناس ؟؟ علشان كده هتبقي سرقة وكده هيكونوا بيخدعوا الناس .... بس يا ماما كده هيكونوا بيساعدوا الفقراء ... سكتت ماما وابتسمت وقالتلي طيب ساعديهم أنتي وبكده تاخدي ثواب ......
ولوقتنا هذا وأنا معجبة جداً بفكرتي نعم برغم من فشلها زي ما بتقول ماما ... ولكنها كانت فكرة رائعة
ولما كبرت شوية استحوذت عليَ فكرة المقايضة زي ما اجددانا زمان كانوا بيعملوا ....
وكلما عرضت افكاري النيرة علي ماما ابتسمت وقالتلي ساعديهم أنتي يا رنيم هتاخدي ثواب كبير ....
استحوذت عليَ أفكار كتير كلهم أعلنوا فشلهم ولم يبقي لي إلا فكرة المساعدة وبدأت في العمل لان هذه هي الفكرة الوحيدة التي لم تعلن فشلها حتي الآن .......

هناك 13 تعليقًا:

  1. ^_^
    بوست جميل
    والرسالة وصلت
    ..
    كلمتين على جنب كده
    اوحشتينى يا فتاه
    ^_^

    ردحذف
  2. طالبة مقهورة20 مايو 2011 12:56 م

    :)

    يسلام يا روني مكنا نسمع كلام مامي م الاول :D

    فكرت نفس فكرة طبع الفلوس ديه بس لحد دلوقتي مش مقتنعة بعدم جدواها

    ردحذف
  3. لان هذة هي الفكرة الوحيدة التي لم تعلن فشلها حتي الآن .......

    مش كل الأفكار اللى الناس بتصقفلها تبقى صح .... ولا كل الأفكار اللى بتهاجم بتبقى غلط

    بقالك كتير اوى مش بتكتبى يارنيم

    وحشتنا كتاباتك وماتتأخريش علينا (: (:

    ردحذف
  4. والله يارنيم الفلوس حاليا بقت الدولة والرئيس والشعب , ولو فعلا حصل وحد طبع فلوس هتلاقي الناس كلها بتتهافت عليه مش علشان ياخدوا شوية; لا دول عايزين يسرقوا الجهاز اللي بيطبع بيه :D

    بتروح وتيجي لكن بتفضل المشكلة الاساسية
    فلوس !! تعلي توطي :D

    رسالتك وصلت , وانا عن نفسي بجد اتمنى اننا نلاقي طريقة نقضي بيها على الفقر نهائيا..... لكن استحالة !

    ردحذف
  5. التعليق ده مش للنشر او للنشر زي ماتحبي :)
    مدونتك اسمها مبتسمة دائما
    ده شيء جميل
    لكن اني ادخل الاقي صورة حزينة ده بقى الغريب
    كنت على طول بقول لنفسي "يابخت رنيم بطفولتها" ماكنتش اتوقع انك هتكبري فجأة كدة !!
    ممكن ماتفهميش كلامي وده طبعا حقك لاني بخرف شوية :D لكن انا عايزاكي ترجعي تاني مبتسمة دائما لو حابه فعلا ان هدف صفحتك يتحقق .
    لان فاقد الشيء لا يعطيه
    ابتسمي دائما :) تحياتي

    ردحذف
  6. أحلَى حاجَه إنُّه يكُون عَندكْ فِكرهْ بتُؤمنِي بيهـآ .. :)

    ويمكن الفوكيره الصغيَّره اللي ابتديتي بِيها
    تِبقى حاجه كبيره بعد كِده ! :):)

    ردحذف
  7. سارة

    الحمد الله

    وحشتيني انتي ايضا يا فتاة جدااااااا

    ردحذف
  8. هههههههههههه

    رضوي : ولا انا وشايفة اني اول ما تولي منصب كويس ف اللدولة هطبع اكتر

    ردحذف
  9. رنيم مفيش منك اتنين تانيين بجد محتاجينهم :D:D
    بوست تحفة بجد ربنا يقدرنا ع فعل الخير و ع مساعدة الناس اد ما نقدر

    ردحذف
  10. دعاء العطار :
    معلش اصل كنت ف امتحانات وكده بقي بس ان شاء الله ارجع اكتب زي الاول نورتي بجد

    ردحذف
  11. دينا :
    مش استحالة اكيد دلوقتي لكل واحد مستعد يدفع عمره في سبيل وطن اجمل واحسن بكتير

    ردحذف
  12. دينا :
    بحب الصورة دي جدا
    ويحس انها حلوة
    لكن عمري ما توقعت انها تكون حزينة ولما ركزت لقتها حزينة اوي
    المهم هبقي اشيلها وطبعا معاكي حق
    بس اهو بحاول

    ردحذف
  13. البنوتة العسولة:

    اكيد اكيد اهو الواحد بيعمل اللي عليه

    ردحذف

لا تقسوا عليّ .. وابتسم للحياة : )))))