.

.

السبت، 25 أغسطس، 2012

أنا النهاردة


كل ما نحتاجه هو ان نتنفس
ان نهدئ ونستلقي
لا مزيد من البكاء
لا مزيد من التعرض للمصائب
قد نتجنب المشكلات لفترة
وحتما سنبتعد عن الكوارث
هل تعرف عندما تكون 
نصف سعيد ونصف حزين
قد لا ترغب في الكثير من السعادة
او الكثير من الحزن
فقط ترغب ان تظل كما انت
حتي تصبح حالتك مستقرة
فتنفتح علي العالم
كما كنت تحلم
...............................

ما فائدة المصائب اذا كنا لا نتعلم منها شئ 
ما فائدة ان نضل الطريق
اذا كنا لن نهتدي يوما
القليل من الثقة لن يضر
ثق انه لا يكرهك
وانه انعم عليك بالكثير
فالتثق به
فهو اعلم بما تحتاجه وبما تريده
.......................

تقي .. انا هربت منك النهاردة 
يمكن علشان مكنتش مستعدة

مريم ..امبسطت علشان حققتي حلمين من احلامك
كنتي اول حاجه حلوة تحصل من اول اليوم

رضوي ..شكرا علشان نورتي ليا الطريق
مش عاوزة اعرف المفجآة
عاوزاكي تخفي ..هدعيلك
وكسرت الحاجز الغريب 

سارة ... شكرا علشان سبتيني افضفض 
يمكن كنت محتاجاكي اكتر ما انتي متصورة
كعلاج لاضرار متراكمة

تقي ..برغم انك معملتيش حاجه
بس وانا بطمئنك النهاردة حسيت اني بطمئن نفسي
...............
ثق ان دائما النهاية ستكون علي ما يرام
مهما اصابك قبل النهاية
................
فيه ناس في حياتنا 
بينوروا  وبيلمعوا
مهما قابلنا ناس غيرهم
بيفضل ليهم مكان في قلبنا
............
انا بحبكم

الخميس، 23 أغسطس، 2012

هل من الممكن ان تلقي نظرة علي إميلك
تدخل علي الهوت ميل
فتجده ملئ برسائلي
:D :D :D :D

الاثنين، 13 أغسطس، 2012

محتويات محفظتي

البوست شخصي بهبل
انا بس عاوزة اكتبه علشان لما يبقي عندي سنين كتير ابقي اضحك عليه
حاجه متستحقش القراءة ولكن احتمال تستحق الكتابة

معايا ريالات من ال3 مرات اللي روحت فيهم العمرة وكلهم مكتوب عليهم ان ده اخر ما تبقي معي من اموال
معايا انصاص وارباع وجنيهات ورق مكتوب عليهم عملة نادرة ..قررت اني هدي كل حد انا بحبه عملة منهم
معايا طبعا بطاقتي علشان انا بقيت انسانة محترمة دلوقتي ..وجو ابناء ما فوق ال16 بقي
معايا كرنهات ..في الاول كانوا كتير قوي ..وبعدان تقلصوا لبتوع السنة دي بس فبقوا 3
معايا كارت الشريحة التانية ليا اللي بابا جبهالي بعد ما ضيعت موبيلي ده كان مثلا 2010 
معايا كارت جمعية خيرية اسمها سنابل الخير!
معايا صور ..صور كتير قوي ..كاعادتنا نحن البنات
معايا صورة لماما وهي صغيرة
معايا وصفة حاجه انا مش عارفاها تقريبا اكيد حاجه حلوة بخط آلاء
معايا خل سنان
معايا نمرة صديقي لي
معايا كلمات اغنيتي المفضلة ..احم انا وسارة ..كانت اهداء منها ..انا بحب الاغنية دي قوي .زنو واي ارمي الوقة 
when you say nothing at all ..ronan keating 
كنا بنغنيها ..وبنقعد نسمعها في حصص الرسم واحنا بنبدع ..او واحنا قاعدين في منتصف الحوش في عز الشمس
معايا رقم جلوس سمية احمد الطاهر ..بنت عمتي ..تعتبر من اصدقائي المقربين
معايا ورقة بخط سارة عادل دراز كتبتهالي اقصد انا خلتها تكتبهالي اول مرة شوفتها في معرض الكتاب
معايا بلستر علشان التعويرات
معايا كارت من رضوي طارق يوم 14 شهر 7 سنة 2011 ..جبتهولي مع الكادوه اللي فعلا شبهي جدا ..بالمناسبة الكادوه كانت عروسة
معايا جواب من تقي ..فضايح ..كتبتهولي 2011 لما مكنتش بكلمها ..انا بحبه قوي ..كانت ساعتها اول مرة اشوف خطها كده ..بحسه دايما من وانا صغيرة انه شبها ..خطها شبها جدا
معايا ورقة نتيجة 2012 مكتوب عليها باسورد النت بتاع فندق ايلاف السد في السعودية مش فاكرة مكة كان ولا المدينة
معايا رسمة من احمد 2101 ...كانوا في المحفظة القديمة اكتر من رسمة 
معايا تذكرة اتوبيس برضوا بتاعت احمد ادهاني في نفس اليوم اللي رسم ليا الرسمة
ايه ده في رسمة كمان من احمد ..بس دي الولد اللي رسمة بيشرب سجاير 
انا فاكرة كان في واحدة تانية كان راسم بنت بس انا شلتها ..انت كنت معترف انها معوقة جدا
معايا ورقة من رندا ..البيت العسولة التي نرها مرة واحدة  في افطار العائلي  في رمضان كل عام
معايا ورقة من مريم بنت خالتي الصغيرة شفرة سرية ..مطلق عليها تقريبا شفرة الفراعنة حاجه شبه كده
معايا ورقة بخطي فيها اسمي ورقم موبيلي ..وهي رسالة توسل للهيلاقي المحفظة علشان يجبهالي تاني 
اذا يوما قدر ربي أن تضيع محفظتي وتقع في يديك 
فارجوا أن تكون ذو اخلاق كريمة وتردها اليفأنها تعني لي الكثير 
.ولا اعتقد انك يوما قد تجد فيها مال فمنذ وقت طويل امتنعت عن وضع الاموال داخلها
لذا لن تفيد في اي شئ ..ولكن اذا رددتها اليَ
ستكون حتماً شخص عظيماً
وارجوا ان تكون 
هههههههه بضحكني جدا ..الفكرة في ذاتها اني اكتب رسالة للشخص اللي هيلاقي المحفظة مجنونة شوية
كان معايا في المحفظة القديمة شوية اذكار  ..
وكان فيه كمان ويبس 
وكان فيها قطعة من الشمعة اللي انا وسمية وسارة ولعنها سوا 
وكان فيها قلم صغيرة 
وطبعا ورق
بس المحفظة الجديدة او كل محفظاتي الجديدة ضيقة شوية
المحفظة اللي بفضلها الايام دي ..تقي ممدوح جبتها ليا ..لازم افكرها كل ما تشوف المحفظة بتاعتي ان محفظتها اللي زيها ضاعت ..وافكرها برضواا انها الاسبوع اللي قبلها مرضتش تديني صورة ليها وفي الاخر المحفظة ضاعت بكل الصور
المحفظة عليها شخصيات الكارتون شبه المفضل winx 
المحفظة مكتوب عليها من جوه مبتسمة دائما 
ولزقة ورقة صغيرة تذكرة مكتوب عليها تبسمك في وجه اخيك صدقة 
النهاية