.

.

الاثنين، 5 نوفمبر، 2012

تبعثرت افكاري


نعيش فقط املاً ف الغد 
املاً ان نكون افضل 
املاً في ان يكون الغد
ليس كاليوم 
ولكن افضل بكثير 
املاً في ان تتقبلنا الحياة


انا مش عارفة
اذا كنت انا كبرت فعلا
ولا انا بس عاوزة احس بكده
لاحظت فجاة 
اني من وانا صغيرة
عاوزة اكبر
مش عاوزة افكر دي اللي في سني
ولا اتصرف زيهم
انا كنت عارفة كده
وكنت شايفة ان دي حاجه حلوة


انا مش عارفة
ساعت بحس اني قوية اوي
وساعات بحس اني مكتئبة
لدرجة تخليني قاعدة يوم بحاله
ببحلق في السقف 


انا مش عارفة
اذا كان في شئ في الدنيا كلها
انا واخدة فيه قرار نهائي
ولا كل الحاجات اللي بحبها وبكرها
مجرد تقلبات مزاجية


انا مش عارفة
لما بعمل تصرف غريب
 هل دي  انا
ولا ده مش الوضع العادي


ساعات بحس ان انا فاهمة الكون كله
ومش عندي اي مشكلة معاه
وساعات بحس اني مش فهماني
ودي مش حاجه كويسة مش كويسة خالص


انا كل اللي بطلبه اني افهم
واتصالح مع نفسي 
اعرف ايه الحاجات اللي انا عاوزها بجد
مش الحاجات اللي بعوزها في التقلبات المزاجية

انا حتي مش عارفة
 اذا كان انا فعلا بمر بتقلبات مزاجية
ولا ده انا الطبيعي بتاعي

انا مش عارفة 
اذا كنت انا لسه بكون شخصيتي
ولا انا اتكونت ومش عاوزة اعترف

الدنيا ملغبطة 
ولا انا اللي ملغبطة الدنيا

في حاجات بتلعب في دماغي
وانا مش حاسة اني ثابته 
حاسة ان كل حاجه هتتغير مع الزمن

انا خايفة لما اكبر مكنش زي ما انا متخيلني
ولا انا مش المفروض اتخيل
علشان مخفش !

مش عارفة 
اذا كانت قرراتي
كلها نابعة من داخلي
ولا اصلا مفيش حد قرراته نابعة من داخله

فكرة ان حاجه صغيرة 
في عمرك تتغير
ممكن تغيرك دلوقتي
تغير مستقبلك وقرراتك وافكارك
دي فكرة مرعبة

دماغي ترابيزة بلياردو: أفكر فكرة...تخبط في باقي الأفكار وتبعزقها يمين وشمال...آجي اضرب فكرة منهم علشان تنزل في البوكيت...تقوم تفلت وتخبط في فكرة تانية ما كانش قصدي أخبطها...وفي الآخر كل الأفكار على الترابيزة ومفيش ولا واحدة متأكدة من إنها خلاص في البوكيت ومش هاشوفها تاني أبداً. لرحاب بسام

هناك تعليقان (2):

  1. امممم
    عارفة..
    كتير كنت بحس زيك كده وبخاف اوي
    بخاف مبقاش على اد توقعاتي واحلامي
    بس لما كبرت لاقيت ان الدنيا فيها كتير اوي والسكك مفتوحة فانا هبقى اللي انا عاوزاه ومش هخذلني ابدا

    ......
    مش مهم تحسي انك مكتئبة ساعات المهم انك عارفة ان على الارض ما يستحق الحياة وان فيه ناس بتحبك وحاجات بتفرح مالية الكون حواليكي

    ......

    على فكرة كلنا لسه بنكون في شخصياتنا فبنتوه كتير ..كتير اوي
    طبيعي تحسي بكده يا روني متخافيش.. وقت وهيعدي محتاجين نصمد وندي نفسنا طاقة نور تدفينا

    بس عارفة الممتع
    انك بعد التوهان ده واللخبطة ديه بتوصلي فبتقفي تبصي على التوهة ديه وتكتشفي انك اتعلمتي منها حاجات كتير اوي :)

    روني انا بحبك

    ...
    رضوى طارق وهي مكسلة تعمل log in
    :)

    ردحذف
  2. وانا كمان اصلا

    ردحذف

لا تقسوا عليّ .. وابتسم للحياة : )))))