.

.

السبت، 28 ديسمبر، 2013

#امنيات

خلينا ندور علي بيتنا ونلاقيه دافي
الليل مش علي قد اكتافي
والصبح بعيد
اجعلني سعيد
اجعلني في العيد كحكاية او لبس جديد

عن الكتابة

مش مهم احلامنا اللي بتضمن الكتابة
المهم اننا لسه بنكتب
المهم ان الكتابة لسه تاني وسلية لتعبير بعد الكلام
مش مهم اسلوبنا حلو ولا لأ
المهم انه هيتحسن ان شالله بعد 20 سنة
احنا هنا والبلوج هنا ومحدش هيروح في حته

الأربعاء، 11 ديسمبر، 2013

رسالة للشتاء

للشتاء ارجوك لا تقسو علينا
فاطفالنا يتما 
وابطالنا في السجون
والوطن ليس لنا

الأربعاء، 4 ديسمبر، 2013

عن اليوم

يوم مع الاصدقاء : ) : )
عندما يتجمع اصدقائك المفضلين سويا في مكان واحد
هل يكون امامك الا ان تسعد من القلب #حب


الجمعة، 29 نوفمبر، 2013

ما بعد عيد الميلاد #حملة_عرفنا_بوجودك

I remember it was a sad day and I was at home goggling things that would make me feel 
less upset maybe.. and thaaaan I found ur blog!! I m not sure which post it was but I 
remember Ive lost myself through it for about two hours I read everything!! I felt in love 
with you and your spirit :):) u just made my day :):) since that time it became like a
 habit.. whenever m down I know where to go :):) so Thank you :):) u are special Ranim

من عبير إلي قلبي : ) 

رنيم لما جيتي تعملي البلوج ما كنتيش عارفة ان انتي هتدخلي السعادة علي كمية بشر كتير صح ؟ انا بعترف بجد ان البلوج بتاعتك بتخليني مبتسمة طول ما انا بقراها والبوستات اللي بتتعلق بالذكريات بتخليني ادمع بحب البلوج اوي اوي اوي وبحب افضل اقراها كتير كتير
من تقي ممدوح إلي قلبي : )

حملة عرفنا بوجودك : ) : ) 
انا بمبسطت لما بخلي الناس تمبسطت ومش عارفة انا بخليهم يمبسطوا علشان انا امبسطت اكتر ولا هما يمبسطوا : ) : ) : )
يارب حقق لي احلامي وجعلني مصدر اشعاع سعادة
احلام بتتحقق 
لما تيجي يوم القيامة تلاقي حسنات كتير وانت مش عارف دي جت منين وتلاقي انها كلها جاية من البلوج
يبقي انا كنت بعمل حاجات مهمة وانا مش واخدة بالي وسط الكثير من العبث والعبث والعبث 
ربنا بيبعتلي محزون سعادة مش من تقي وعبير بس 
من كل شخص في حياتي ويتضح في الاخر اني مش عندي غير ناس حلوة : ) : ) : )
الحمد الله : )
لكل الناس اللي انا ساعات بقدر اميد زير دايز : ) انتم بتفرحوني اضعاف اضعاف
لكل الناس اللي اعرفهم واللي معرفهومش اللي نفسي اعرفهم ولسه برضوا معرفهومش للناس اللي بتخليني اصدق ان فيه ناس حوالين العالم بتدخل علي البلوج وللناس اللي من حوالين العالم لو انتم موجودين 
ربنا يرزقكم ايام حلوة وحاجات حلوة كتير
 
#حب #حب #حب #حب

الثلاثاء، 26 نوفمبر، 2013

عيد الميلاد part two

شكراً لكل الناس اللي اهتمت بيا واللي لسه بتهتم لحد دلوقتي 
لكل الناس اللي افتكروني السنة دي
وادخلوا السرور علي قلبي 
بامنيات ودعوات جميلة <3 font="" nbsp="">

لآلاء أيمن : شكرا يا للا انك دايما اخت جميلة وبتجبلي هدايا حلوة وبتخليني اجرب اكل مش جربته قبل كده ،شكرا علشان بتحققي ليا احلامي ،وبتبقي دايما اختي الكبيرة <3 font="">

لهندا : شكرا هندا علي التفكير الكتير في الهدايا والاماكن والحاجات اللي عاوزانا نعملها سوا : ) شكرا علشان احنا اخوات : )

لماما : شكرا مام علي كل حاجه بتعمليها ليا وعلي كل حاجه بتبقي عاوزة تعمليها ،اسفة اني مش كويسة اوي زي ما انتي كان نفسك : ) ،شكرا علي السهر والمذاكرة معايا : )

لبابا : شكرا علشان بتهتم : )

لعبير :شكرا انك خلتيني اعرف انك موجودة وان فيه ناس بتقرأ البلوج ،شكرا علشان خلتيني اعرف ناس مختلفة من مكان مختلف في العالم : ) شكرا علي اهتمامك ،شكرا علي الاهتمامات المشتركة والرغي الكتير 

لسالي أحمد : شكرا يا سال علي الحاجات الجميلة اللي حصلت قبل عيد ميلادي ،شكرا علي اننا بقينا صحاب : ) ،شكرا علي الركورد : ) ،شكرا انك عرفتيني اننا اتقابلنا قبل ما نتعرف ،شكرا علي الدعوات ،والكلام اللطيف ،انت جميلة يا سال ،شاوري لقلبك اوعديني انك تبقي صاحبتي لحد الآخر

لنانا : شكرا علشان مش بتنسي عيد ميلادي : ) شكرا علشان انتي بتحبيني وعلي فكرة انا كمان بحبك اوي : ) : ) شكرا علي كل الحاجات اللي بتقدميهالنا واللي لسه بتقدميهالنا ،مين يتمني خالة اجمل من كده !

لمر : شكرا يا مر علي كل حاجه : ) علي كل الحاجات الكتير ،شكرا علشان انتي صحبتي ،شكرا علشان بتهتمي ومش بترخمي ،شكرا علشان احنا مش بنتخانق ،شكرا علشان بتتحمسي بسرعة،شكرا علشان بتقضي ساعات ترغي معايا علي التليفون ،شكرا علشان انتي صديقتي الصدوقة ،شكرا علي قبولك لكل الافكار المجنونة اللي بقتراحها ،شكرا علشان خلتيني ادمن مصارعة ، شكرا علشان عملتي كراسة معايا ،شكرا علي شراء لبس البابي سوا ،شكرا علي الخروجات والوقت الممتع ،شكرا علشان بتبقي دايما موجودة في الوقت الصعب ،شكرا علشان بتقبليني زي ما انا ،وبتخليني الناس تتقبلني زي ما انا ،شكرا علشان بتفهمي التناقض ومش بيهمك ،شكرا علي كل الحاجات اللي حصلت واللي هتحصل

لإناس : شكرا يا إيناس علشان احنا صحاب من زمان شكرا علشان بتهتمي وبتكلمي معايا طول الوقت شكرا انك بتفرحيني وبتديني امل في ان ممكن يكون فيه امهات كويسة في الكون ده : ) شكرا انك بتقوليلي ان مفيش مشكلة اكون متعقدة وان كل حاجه هتبقي تمام لما اكبر : ) شكرا علشان عزمتيني علي حفلة يويو بتاعت السنة دي والسنة اللي جاية : ) شكرا علشان بتحبني وبتبقي مامتي : ) شكرا علشان عرفتيني ان بوستات الفيس بتونسك وبتملي وقت الفاضي ،شكرا علشان احنا صحاب للابد

لأحمد ممدوح : شكرا علشان انت اخ حلو : ) : ) دايما حلو ،شكرا علشان دايما بتسمعني حاجات دايما ولازم بتعجبني : ) شكرا علشان كنت بتذاكر لي ادب في ثانوي وكنت بتفضل ترسملي الكلام : ) شكرا علشان دايما بتديني اربع جنيهات احتفظ بيها وروسمات ،شكرا انك حلو : ) وشكرا علشان جيت مخصوص علشان ترجعني انا و آلا من العين السخنة الصيف اللي فات #امتنان

لتقي ممدوح :مفيش حاجات كتير اشكرك عليها في عيد ميلادي انتي محتاجه مش مجرد شكر انتي محتاجه بوست يحكي حاجات حصلت : ) شكرا انك مش بتزعلي لما ابقي رخمة او في الموود الغلط شكرا علشان استحملتيني السنة دي كتتير : ) شكرا علي الحاجات المشتركة بنا المتبقية : ) شكرا علشان دايما بتخليني اضحك واعمل حاجات غريبة شكرا علي الذكريات الكتير ،شكرا انك موجودة في حياتي

لهند الجندي : شكرا علي الكلام الجميل : ) شكرا علشان كنتي صديقة المعارك : ) وكل ذكرياتي معاكي ايام محمد محمود : ) شكرا علشان بتلعبي ماركت لاند وبتتفرجي علي المصارعة : ) شكرا علشان انتي اهتمتي تقوليلي انك بتمبسطتي لما تشوفينا علي التايم لاين

لآية رجائي : ) : شكرا يا آية علي ذكريات البحر الممتعة : ) وعلي الموسيقي الجميلة اللي لسه بفتكرها لحد دلوقتي ،شكرا علي انك علي طول بتبقي موجودة ،وبرغم انك صحبة اختي إلا ان انتي صحبة كويسة اوي : ) وانا اقضي وقت كتير معاكي ممتع اكنك اختي ال3 : ) <3 font="">

لمعاذ ممدوح : برغم اني خلاص بقيت بلبس الإيشارب قدامك : ) الا ان دايما بتسبني احس اني عندي اخ صغنن شكرا علشان سبتني اجبلك الوان كادوه شكرا علشان دايما لما بطلب منك اي حاجه بتعملهالي ،شكرا علشان بتحسسني انك بتحاول تبقي شخصية كويسة بتضحي علشان الاخرين : ) مش دايما بس علي الاقل بتحاول : ) ،شكرا علي الطواف كل سنة سوا : ) شكرا علشان بتهتم اقرأ الشعر بتاعك وشكرا علشان سبتني اجبلك كراسة الشعر اللي بتقدر تحطها في جيبك علشان هي صغيرة  : )

لسمية طاهر : صديقتي الصدوقة : ) شكرا علشان احنا مختلفين اوي وشبه بعض اوي شكرا علشان انتي صحبة حلوة وانا بحبك ،شكرا علشان انتي بتعملي جوافة حلوة اوي : ) شكرا علي كل رمضان سوا وكل الذكريات الطبخ سوا ،شكرا علشان انتي دايما موجودة وشكرا انك بقتي بتهتمي بحاجات جديدة : ) : ) شكرا علي المكالمة وعلي المج اللي زي بتاعي : ) : ) شكرا علي كله كله كله ،انتي احسن بنت عمة ممكن تبقي عند اي حد : )


لتقي علام طبعا : ) : ) : تقي شكرا علشان دايما بتسبيني احكيلك واقرالك وبتسبيني اقول وارغي  وافرح واضحك : ) برغم اننا بعاد بهبل عن بعض الا ان انا دايما بفكر فيكي : ) انا بحبك يا تقي : ) انتي صديقة حلوة اوي : ) وشكرا علشان بتيجي معايا كل حته وبتنزليني اخرج غصب عني وبتسبيني احكيلك قصص غريبة وشكرا علشان طلعتي معايا الجبل ،شكرا علشان بتيجي كل مصيف : ) شكرا انك صديقتي اه وشكرا علي الجواب اللي بعتيه ليا في البريد وعلي انك فتحتي المحفظة علشان تدوري علي الجواب : ) شكرا علشان انتي عارفاني كويس  

لنرمينا : شكرا يا نرمينا اننا اتعرفنا علي بعض السنة دي : ) انتي عسولة اوي يا نرمينا وهتبقي فنانة عظيمة جدا : ) اتتوق اقابلك السنة الجديدة 

سارة طالب : شكرا علشان ظهرتي تاني في حياتي : ) وشكرا انك كويسة : ) شكرا علشان انتي جميلة اوي يا سارة : ) شكرا علي كل الذكريات الحلوة : ) شكرا علشان بتحبيني ،وبتمني لابنك الجميل : ) امنيات كتير وبدعلكم انتم الاتنين كتير : ) مش بنساكي يا سارة في شخصيات جميلة مينفعش تتنسي : ) 

لتوتا : شكرا علشان بتحبيني يا توتا ،وسيباني احبك وابقي مهتمة اوفر بيكي واعملك اي حاجه تطلبيها انتي بنت خالة كويسة اوي : ) : ) برغم من كل حاجه بس انا بحب احكيلك وبحب ردك علي الحكايات : ) شكرا علشان انتي عارفة ليه : ) شكرا علشان ادتيني امل وسمعتيني من غير نقض : ) انا بحبك يا توتا 

لسارة مسلم : ) : سارة شكرا علشان انتي دايما هادية وفي نفس الوقت مش هادية خالص : ) شكرا علشان انتي دايما جميلة : ) وشكرا علشان انتي بتحبيني وعلشان احنا صحاب منذ الصغر : ) شكرا علي هدوئك الجميل ووجودك في حياتي ،شكرا علشان متحمسة كده وبتيجي في اي حته : ) : ) شكرا يا سارة : )


لسالي نادر : شكرا علشان انتي دايما مهتمة بكل حاجه وبكل التفاصيل وخاصة رجل البنك برغم ان الناس كلها بطلت تهتم : ) شكرا علشان بتعجبك حاجات عجباني : ) وبتحسسني اني مش لوحدي : ) شكرا علشان انتي صحبة كويسة : ) وان شاء الله نتقابل يوما ما : ) شكرا علشان بتقرأي كل حاجه ،انتي شخصية جميلة 

لبسمة : ) : انا منتظرة بفارغ الصبر ليلة : ) انتي حلوة يا بسمة واكيد هتبقي ام كويسة ،شكرا علشان انتي بتحبيني ،وبتتحمسي للجوابات اللي بعملهالك ، شكرا علي الذكريات : ) وعلي الاهتمام : ) شكرا علشان عزمتيني في الفرح : ) واني كنت جزء منه : ) انا بحبك يا بسمة وبحب اقضي وقت معاكي : ) صحبة آلاء ولكن : ) انتي جميلة يا بسمة

لرضا ومحل الكاب كيك : شكرا انكم عملتولي احلام جديدة حتي لو كلها بعدين اتفتفتت ،شكرا للتحمس ،والتفكير في خطط الصيف ،شكرا اني لقيت محل احسه شبهي : ) شكرا علشان محلكم جمب بيت جدو ،شكرا لان المحل حلوو اوي وشكله ساحر : ) شكرا علي الروكومند بووكس علي الجود ريد : ) #محل_الاحلام

نرمين نزار : ) : ده مكنش متوقع ولكن شكرا يا نرمين انا عارفة انك دايما بتحسي اني مضايقة واني بكرهك ومهما حاولت اقولك انه اتس اوكيه جدا شكرا علشان مش مخلياني عارفة اموت الحلم ولا عارفة احققه وانا قلقانة منه ،اكنك سايباني اخد قراري براحة ،اكن قدامي وقت بهبل افكر ،،انا عارفة ان محدش بيعجبه اسلوبي ده : ) بس انا مبسوطة وعارفة ان ربنا هيعملي الخير واكيد ده الخير ،حبيت تحمسك للامر حتي لو مش كملناه حبيت اهتمامك ،والمسدج اللي بعتيهالي زمان علي البلوج <3 font="" nbsp="">

شكرا لبيت جدو اللي استقابلني السنة دي وعمل لي ذكريات جديدة  : )

لكاثرين بيرس : شكرا انك بقتي الحاجه الجديدة اللي بفكر فيها وافضل اتابع التورز واحلم اسافر علشان احضرلك حفلة : ) شكرا علشان سبتيني ارسملك رسمة عظيمة في عيد ميلادك  ،شكرا انك رديتي عليا : ) شكرا انك دايما بتحطتي صور جديدة ف عمري ما بزهق ولا عمري بخلص الصور : ) شكرا علي الاحلام الجديدة وانتظار الالبوم الجديد : ) شكرا انك حد جميل : ) : )

to Nina : thank you Nina for the new things to do ,the good books ,and the stencile that i am still in love with it, thank you for make the girl in the stencile look like me ,thank you for give me happiness when i was so depressed ,thank you for let me write for you or about you Thousands time ,and for tell your mum about me ,thank you for the talking a lot ,thank you for let me knowing you this year ,thank you for the gift and for being so nice person <3 font="">

عيد الميلاد part one

الحمد الله
 علي كل حاجه جميلة في حياتي
 علي كل الحاجات الجميلة اللي هتيجي
علي كل الحاجات الجميلة اللي بتحصل واللي هتحصل
علي كل الناس اللي اتعرفت عليهم جديد
وعلي كل الناس اللي مش بيمشوا من حياتنا
علي الاشخاص اللي يستحقوا كل خير
علي اننا لسه عايشن 
علي اننا كويسين 
علي امل في السعادة
علي الاحلام والحاجات اللي عاوزين نعملها مهما كانت تافهه وعبيطة
علي البدايات الجديدة 
سنة جديدة بداية جديدة 
هذا كل ما نحتاج
يارب امنيتي السنة دي القرب 
يارب قربني منك شوية
وسامحني علي الحاجات الوحشة اللي بعملها
امنيتي السنة يارب ارزقني سعادة والرضا
شكرا يارب علي الفرص اللي لسه بتديهالنا بالرغم من كل حاجه
شكرا يارب علي السنة الجديدة

السبت، 23 نوفمبر، 2013

الجمعة، 22 نوفمبر، 2013

ملعون ابو ده وطن

لا احد ينسي الشهداء
فهم لنا ماتوا لنعيش

فليرحم الله اهالي الشهداء
وليميتهم كابنائهم شهداء
وليهون عليهم

الشهداء سعداء
يارب ارزقنا سعادة الشهداء
وامتنا شهداء

هون علينا يا رب
هون علينا
الطف بنا وبأهالي الشهداء

الم يحن الوقت فقدان الامل في هذا الوطن
ارهقنا الموت
ارهقنا الحزن


الثلاثاء، 19 نوفمبر، 2013

رحلت ورحل ورحل العالم

رسالة اخيرة
كان هذا وداعهم الاخير
لكِ التوفيق
ولكَ ايضا 
وسار كل منهما في طريق مختلف
ومنذ ذلك الحي 
وهو مختفي عن العالم
كانت نافذة علي العالم
رحلت ورحل ورحل العالم 

الحياة بسيطة

الحياة بسيطة 
اللي عاوز يعمل حاجه يعملها 
واللي مضايق من حاجه يغيرها
واللي مضايق من حاجه ومش عارف يغيرها يتقبلها
اللي بيكره الحاجات نفسه يحبها يبدأ يحبها 
واللي بيحب حاجات نفسه يكرها يبدأ يكرها
اللي مضايق يفرح
واللي فرحان يفرح اكتر 
اللي راح راح 
واللي جاي جاي
واحنا هنفضل كويسين
اللي قلقان يطمن 
واللي بيحلم يحقق احلامه 
الحياة بسيطة مفيهاش تعقيد
اللي بيحب حد يفضل معاه
والصحاب يفضلوا صحاب للابد
اللي بيخاف يبطل يخاف
الحياة قصيرة 
ولو ممتناش دلوقتي هنموت بعدان
عيش بجد 
سيب السعادة تخدك لبعيد

الأربعاء، 13 نوفمبر، 2013

كلية واشياء بايخة كتير

لاننا لسنا بخير
لاننا نتردد في كل شئ
لاننا نتغير فلا ندري انصبح نحن ام كنا نحن قبل ان نتغير
لان الاماكن الجديدة مرعبة
ولانك لا تدري كيف تتصرف
لانك تريد ان تظل كما انت ولا تعرف من انت
لان حياتنا سيئة
فلا نتوقع ان يكوون كل شئ بخير الان
سوف يكون غدا وقبل الغد لا تحدثني
عن ان كل شئ بخير
كل شئ ليس بخير ولا خطأ في ذلك
ان نعترف ونكتئب لا ضرر في ذلك
ولكن ديب داون احنا عارفين ان كل حاجه هتبقي كويسة
مهما الدنيا اتقلبت كتير
مهما الدنيا باظت
مهما توهنا وعملنا حاجات غلط
كل حاجه هتبقي كويسة
ومحدش عارف دي حاجه كويسة ولا لا
تحس ان فيك طاقة بتخليك تعمل اي حاجه تحت عنوان ان كل حاجه هتبقي كويسة
بس هي فعلا كل حاجه هتبقي كويسة
يمكن ده اللي بيطمنا ان بكرة او بعده او السنة الجاية كله هيبقي كويس 

السبت، 9 نوفمبر، 2013

From New York to my heart


the beauty of things that come from another continents
the beauty of friend who becomes suddenly your friend
the People who friendly diespite of everything
they change your status and entering new things in your life
Unusual people
They have a different way of living and thinking 
Different from that we used to
Despite all the differences, but we made ​​something beautiful
something make me proud
It was a beautiful day, happy and funny
:)
Thank you, Nina 
 From New York to my heart
Nina a beautiful person :):)

من نيويورك الي قلبي ،،من اصدقاء لا نعرفهم

وجمال الاشياء التي تأتي من قارات بعيدة
جمال الاصدقاء الذين يصبحون فجاة اصدقائك
الاشخاص اللطفاء برغم من كل شئ
 ويغيرون حالتك ويدخلون اشياء جديدة في حياتك
اشخاص غير معتادة
لديهم طريقة مختلفة في العيش وفي التفكير عما اعتدنا عليه
برغم من جميع الاختلافات الا اننا صنعنا شيئا جميل
افخر به : )
كان يوماً جميلا ،،سعيداً ،،مضحاً
: )
شكرا يا نينا ،، من نيويورك الي قلبي
نينا حد جميل : )  : )

الأربعاء، 6 نوفمبر، 2013

أغنية من تأليفي : ) #ضحك

he 's a bad guy
he feels good when he sees people die
he sets the place on fire 
a lot of people die
he watches them burn and laughing
he's completely insane and lost
he sets the place on fire 
he burns all his friend 
he watches them burn 
and playing on his new Guitar
he sets the place on fire he doesn't care at all
#ضياع #ضحك


الأحد، 27 أكتوبر، 2013

بيت مدينة نصر

وكنت تحسه بتاعنا مش احنا مجرد ضيوف فيه
البيات هناك سوا سوا 
البلكونة اللي في اوضة جدو مكان الحفلات بتاعي انا وتقي 
الطرقة الطويلة اللي اتعملت علشان نجري ونتزحلق ونضحك
انا وتقي والضحك
 السفرة الطويلة اللي كانت بتقضينا كلنا
 اول يوم وصور نشارة الخشب
احنا كلنا والزحمة اللي مش بنحس بيها
 المكتبة اللي قدام البيت
محل الكاب كيك وهوس جديد : )
الجيران : )
 القعدة سوا  كلنا في سعادة : ) 
كل حاجه كانت حلوة ساعتها : )
 سعادة تحضير البيت : ) 
وتعبهم في شرا الحاجات : ) 
الساقعة المبالغ فيها والدفيات اللي بتنور في الضلمة : ) 
الاماكن اللي تحس انها كلها قريبة : )
الاسانسور اللي فيه مرايا : )
الناس اللي تقي بتحب تراقبهم : )
المرايا في اوضة جدو : ) التصوير هناك
شوفت بعضنا طول الاسبوع مش يوم واحد : )
الشبابيك الكبيرة اللي بتدخل نووور 
الشبابيك اللي من غير ستاير
الاكل : ) 
البيات سوا انا وتقي بعد محيلات كتير علي اهلنا : )
مذاكرة العربي : /
الفرجة علي التلفزيون واحنا قاعدين ورا كل الناس علي السلم
السلمة اللي اتعملت علشان وانتي بتتزحلق تنط ثم تكمل زحلقة
البيوت القريبة وكل الناس بتروح وبتيجي
دفا البيت الصبح
الرقص في نور الشمس
الشباك اللي في المطبخ : )
الضحك الحفلات الفديوهات الصور
انا وتقي ولي لي
تقريبا اخر لقائتا بتقي علام
الاماكن الكتير 
بيت مدينة نصر فتقدك : )

الجمعة، 11 أكتوبر، 2013

السبت، 5 أكتوبر، 2013

الي ابو كمال

شكرا انك علي طول مبتسم ومبسوط
شكرا انك مش بتموت
شكرا علشان سايبني ارعاك للابد
وعندما اقول للابد فأنا اعني حقا للابد : )

محزون تفاؤل

لان الحياة ستظل قاسية
لاننا نحاول ونبذل الكثير لنكون سعداء
و لان ليس كل شئ بسيط وغير معقد
ولان كل شئ معقد
لاننا نحاول ان نتأقلم
ولاننا نكبر والاشياء من حولنا تتغير
لاننا نتغير
لاننا لسنا في افضل اوقات حياتنا 
ولان الاشياء ليست ثابته ولن تظل كما هي
لذلك فلابد لنا من محزون تفاؤل

الخميس، 3 أكتوبر، 2013

انا ....

الفكرة بس اننا لسه صغيرين
ومش مستعدين لاي حاجه
مهملين بطريقة مبالغ فيها
مش لاقين حاجه بنحبها وبارعين فيها
قراءة مش بنقرأ اوي
مش زي زمان علي الاقل
مستوانا بيقل كل فترة اكتر من اللي قبلها
الكتابة مجردحاجهه بنعملها عشان نعبر
مش نلاقي الكلمات بسهولة وساعات كتير مبنعرفش نعبر
ايه الرسم بنحب نرسم بنحاول نرسم
بس ده مش فن ده مجرد محاولات فاشلة
مبنعرفش نخيط ومش عندنا لغة بنحبها
بكره الترجمة او بقينا بنكرها علشان بتحتاج اننا نعبر بطريقتنا
مش بنعمل اي حاجه في حياتنا
وعلاقتنا بربنا مزرية
صحبتي المفضلة بعيد
مش حاسة اننا هنبقي كويسين علي طول
ايه الفكرة اننا ندخل رياض اطفال واحنا مش هيبقي عندنا اطفال
تحس اكنك جزار نباتي
نفسنا نسافر وبنخاف من السفر
مليون تناقض وتناقض
خايف تموت ومش عاوز تعيش
تحس ان ياريت مكنتش الدنيا ابيض واسود وكان فيها تريكواز
الحاجات بتحبطني والناس اللي عارفة هي بارعة في ايه بتحبطني
اناحتي مش بحب المات وبضايق اني مش بجبه
مش بحب المات ومش بحب النحو
بحس اننا المفروض نحبهم بيعملوا شوية حماسة في حياتنا
شخصيات مملة  يالهوي شخصيات مملة
مليئة بالهراء
المفروض ان ده الوقت يمكن قبله بشوية اللي بنقرر فيها
احنا بنحب ايه وبنكره ايه وبنعرف نعمل ايه
واتضح اننا مش بنعرف نعمل اي حاجه
احنا كويسين احنا كويسين
بس عندنا حاجه كل ما نبصلها هنحبط
ونكئتب لااايام
#كيل_مي

هل ؟

هل نستحق بدايات جديدة !؟

احلام

احلام بعيدة عمرها ما هتتحقق
احلام بعيدة من غير ما نقول بنبقي عاوزينها من غير ما حتي نقول لنفسنا
نتمني ان تكون احلام مرحلة وتنتهي
احلام لا تلاحقنا لما تبقي لنا في الحياة
ونكتشف اننا نحن م نلاحقها
ونجري ورائها ونجري في اتجاه المعاكس
ومهما قربنا منها بنبعد عنها
احنا بنبعد واحنا بنقرب وهي واقفة مكانها
واقفة مكانها في حياتنا
ونتمني ان لا نرغب فيها بعد اليوم
ونعلم اننا سنرغب فيها مدي الحياة
ولكننا فقط نتمني 
نتمني ان نكون اشخاص مختلفون باحلام مختلفة .

لعل الحياة لم تكن ملكنا من البداية

لعل هذا اليوم لم يكن يومنا من البداية


الاثنين، 26 أغسطس، 2013

TO SARAH TALEB

سارة النهاردة كان يوم حلو بكل المقايس
برغم انه لسه في اوله
بالرغم من قصر المكالمة
انا مبسوطة بس كده
عارفة يعني ايه تفكري في  حد لمدة 4 سنين
انا كنت صغيرة اوي يا سارة
وكنت بحبك اوي
انا مبسوطة اني سمعت صوت محمد الصغنن
انا حبيته حقيقي حبيته اوي 
كان نفسي كنا نتكلم من قبل علشان كنت اشوفك لما جيتي من 4 شهور مصر
سارة انتي من الشخصيات الرائعة اللي بنقبلهم في حياتنا فنفضل فكرينهم للابد
انا كنت فاكرة صوتك
فاكرة اخر مرة شوفتك يوم الفرح
لمدة 4 سنين بفكر
هو انا عمري هكلم سارة تاني
لمدة 4 سنين بدعي بس انك تبقي كويسة ومبسوطة حياتك
سارة انتي  غيرتي اليوم
انا مبسوطة انك كويسة 
مبسوطة اننا اتكلمنا
مبسوطة اننا هنتكلم تاني
شكرا يا سارة  : )

الخميس، 1 أغسطس، 2013

عبث

ما فائدة ان نسقط 
ما فائدة ان نغفل
حياتنا عبث
ونعرف نهاية العبث
ونتظاهر بعدم الاكتراث
خطوات معروفة نهايتها ومازلنا نمشي فيها
مازلنا نتظر احيانا نتائج مختلفة
واحيانا لا نتظر شئ ونتوقع الاسوء 
وفي الحالتين لا نتوقف
مازلنا نغرق ونعلم اننا نغرق ولا نقاوم الغرق ونتظاهر بعدم الاكتراث
ولا تعرف اين المشكلة
ولا تعرف كيف تجد حل لمشكلة لا تعرفها
ولكنك تدري جيدا انه هناك شئ خطأ
عبث حياتنا عبث 
عقولنا عبث
انفاسنا عبث
ولو سلبت منا حياتنا قد لا يشكل هذا فرقا
عبث بعدم الاكتراث 
وعبث بكل شئ تعبث به
حياة فاشلة لا تستحقها 
وتدري انك لا تستحقها
وتنتظر الموت في كل وقت
وتعلم ان النهايتنا لن تكون سعيدة
اخطاء كثيرة تعرف انها ستغفر لك لو استغفرت
ومع ذلك لا تستغفر كثيرا وتخطأ
حياتنا تمر امام اعيننا
ونحن جالسون لا نفعل شئ
نمارس عادة الملل
تعرف انك متأخر ولا تحاول ان تسرع
كانك تغرق نفسك بنفسك
وتدري انك انت نهاية نفسك
ستقضي علي نفسك في النهاية
ثم تحرق في الجحيم
لانك لم تفعل شيئا صحيحا طول حياتك
فحياتك كانت مجرد عبث واستهتار

السبت، 6 يوليو، 2013

بوست من الدرافت 6-7-2014

كم الحب الذي اشعر به الان لك .. قد يغرقك
اقلق الا تدري ما يدور حولي
مازل الوقت يفصل بيننا
مازل كل شئ يقف بيننا
الوقت ، المسافات 
وحيائي يقف بيننا يستعرض قوته
وأنا مازلت احتمي به واقف خلفه
قلبي ذائب من الحب
اكتب لمحو مظاهر الوقت من حولي
ومازل الوقت لا يمر 
رفقاً بنا أيها العالم

الاثنين، 3 يونيو، 2013

قصة في الدرافت * _ * سحقا للزمن والدرافت

كانت طفلة 
كانت صغيرة
وكان هو كل شئ
سافر وتنقل
ليأتي إليها
ليرها 
كما يريد أن يراها
كما هي 
بتفصليها الصغيرة
تعهدوا  إلا يتفرقوا
احبها إلي حد الجنون
وهي كانت مجرد طفلة
كان لها كل الاشياء وتفاصيل
كان يغني لها بالساعات
تفاصيل كثيرة وكثيرة
كلها تؤدي أنه يحبها بجنون
وهي كانت مجرد طفلة
اغلقت هاتفها 
لعدة ايام وكلما فتحته تجده يتصل
عذبته
كما لم يتعذب احد من قبل
كانت قاسية
كانت مجرد طفلة
مرت عام فالاخري
وهو مازل يحبها
هي تحاول إلا تقسو
ف تقسو اكثر
كان يحبها
كان يتحملها
وهي كانت قاسية
وكانت مازلت طفلة
وبعد 5 اعوام
كبرت
واكتشفت انه كان يحبها بجنون
كان بسيطا ولم يكن معقد
لم يكن يفهم اغلب ما تقول
كان بسيطا بكل ما تحمله الكلمة من معاني
بعد 5 اعوام 
اكتشفت ان الحياة معه كانت ستكون اجمل
فهو يحبها بجنون
لا يرهقها يعرف ماذا يريد وكيف يريده
يعرف ما يكره وما يحب
قادم ومعه في يده كاتلوج التشغيل
اليست هذا كل ما تريده بعد 5 اعوام
مجرد رجل بسيط
يعرف كيف يحب
وكيف يسعدها
بتفاصيل صغيرة يعرف انها تحبها
شعرت بالذنب
وعلمت بعد 5 اعوام أن الكون
يعاقبها علي قسوتها
المبالغ فيها

الثلاثاء، 19 فبراير، 2013

أنا ...

والجزء المفقود ظل مفقوداً للوقت الحالي

الصعب في السفر هو  ان تفتقد الرجوع
والصعب في الرجوع ان تفتقد السفر
من الصعب أن  تذاكر قبل السفر من فرط التحمس
ومن الصعب أن تذاكر بعد السفر من فرط العبث
ولانك تعبث طوال الوقت فانك بالتأكيد لا تذاكر
ولتذاكر تحتاج الكثير من الوقت لتتأقلم
ولو تأقلمت لنتهي كل شئ
مأساة بشر

قبل السفر نرتب كل شئ
ولا تعرف بعد الرجوع من اين تأتي الفوضي
تبعثر اشياء وانفجارات وفي النهاية فوضي عارمة
حياتك فوضي عارمة
ولا شئ فيها يبقي كما هو 
إلا شئ واحد فقط

سعادة آبدية وموود واحد ولا تذمر
لا شتاء، السنة بدون شتاء
واعتقد ان هذا افضل
لا ملابس تقيلة 
لا برد وكسل
الكسل موجود طوال السنة
لكن هناك فرق ان تكون كسولاً 
وان يجعلك الشتاء كسولاً رغماً عنك
فرق كبير جدا
سعادة آبدية حاضرة
وكل يوما تتسائل هل انت حقا تستحقها
وتتمني ان يأتي الغد لتكون افضل
لتنام ولو ليوم واحد دون ان تتسائل
يارب اجعل سعادتي الآبدية حاضرة حتي النهاية
:)

الجمعة، 15 فبراير، 2013

الجزء الثالث من رحلتنا

قلت لكِ انني لن اكتب عنها
وتعرفين كيف كانت احداث المدينة ترهبني حتي البكاء
ولكن انا الان اتخطها
فلا خوف مادمت مع الله
مادمت تسير علي الطريق الصحيح الي الطريق الصحيح
الرائحة مازلت قاتلة ! ولكن سأستمر في الكتابة
برغم ان احنا مش قعدنا جمب بعض في الطيارة 
ولكن اظنك اعتادتي الامر : )
برغم من كل شئ سئ 
برغم من انظر حولك يا ذوق لحد ما ذوق انتحر #نيمو
برغم من كل الاشياء السيئة
الا انني اعرف انك سعدتي بالامر
سعادتي بالشوبينج العظيم
وبالباب الذي يوصل بين غرفنا
سعدتي مثلا برحلة الرجوع الي الديار :)
برغم ان المسجد كله كان بيوشوش 
وبرغم اني قعدت اعيط في مرة علشان مش لاقية مكان قريب اصلي فيه لان كل الناس بتوشوش
برغم من كل شئ 
اعرف انكي وانني نرغب في تكرار الرحلة
،،،،، تقي علام افتقدك الرحلة دي اوي  حقيقي حقيقي اوي
بس هتتعوض السنة الجاية هنروح فين !
يارب الهدية البسيطة تعجبك : )
لكل من لم يحضر ولكل من رغب بالحضور
السنة الجاية ،ربنا يجمعنا ان شاء الله 
،،،،،،سارة عادل ورضوي طارق انا دعيت لحد لما وصلت اني مش لاقية حاجه جديدة اقولها وتأكدوا انكم حتي لو مكنتوش قولتوا ادعليكم وش كده كنت هدعيلكم في حاجات مش بتتنسي : )
فاتني معرض الكتاب وفاتني اني اشوفكم وعاوزة تعويض
،،،،،، مريم ماهر اجمل حاجه اني عارفة انتي عاوزة ايه ولو كنتي هنا كنتي هتدعي بأيه مفوتش حاجه انا عارفة انك عاوزاها وبتتمنيها وان شاء الله ربنا يزقك العمرة علشان الحقد وحش
*جزء مفقود

الجزء الثاني من رحلنا

قبل الرحلة انتظرنا كثيراً
وعند مجئُها جاءت سريعة 
كانت طويلة لتفتقد وطنك ومنزلك
وكانت قصيرة جدا لنتعبد 
كانت غير منظمة وعشوائية
وهذا ما جعلها مزيجاً من المغامرات ومفاجأت
برغم من ساعات الشوبينج المعدودة
لان الشوبينج ليس هو ما ذهبنا له
وبرغم الوقت الضيق في المدينة بين العشاء ووقت اغلاق المحلات
إلا اننا اشترينا الكثير 
برغم أن المسجد لا يفتح من بعد العشاء حتي الساعة 3
إلا أن عندما تدق الساعة 3 تجدنا هناك
رحلة متعبة ولا تعرف لماذا!
رحلة ستغيرك كثيراً وتعرف ذلك
الكثير من العادات السيئة والاخلاق التي ابداً لا تليق بنا
سنغيرها وليشهد الله علي ذللك
فالغرض ليس في الذهاب
ولكن الرجوع لتكون افضل
حتي تستحق أن تذهب ثانياً
واتمني أن اذهب 
أثني عشرة يوماً فانتهزهم
كن مع الله ولا تبالي
عبادتنا ليست ممتازة
اما قلوبنا فتحتاج بداية جديدة 
فننظفها جيد ونعود لنحاول حتي ننجح ولا طريق امامك غير النجاح

اول جزء من رحلتنا

رائحة المكوك كال... العفن ولك أن تتخيل الرائحة!
وكلما تذمرنا اكثر كلما حصلنا علي المزيد
لعل المفتاح الرحلة هو الرضي وعدم التذمر
أن تقبل بالاعمال الغير كاملة وسوء التنظيم
وتكف ولو ليوم واحد فقط عن التذمر
كانت رحلة مضحكة ومازلت 
نفتقد الكثير وينقصنا الكثير
ومازلنا نتذمر ،ولكن كل شئ مر في النهاية
وهذا هو الدرس التذمر لا يفيد ولا يغير شئ
التأقلم من احد اسباب الهدوء وعدم الغضب
وفي النهاية ان الحياة تمر بسوءها كله ،،وعليك أن تستغل الفرصة ،لتنظر في المستقبل الي الوراء فتراها لحظات مضحكة في النهاية
2013\2\11

الأربعاء، 23 يناير، 2013

الثلاثاء، 15 يناير، 2013

أنا وابو كمال :)


سكت ابو كمال قليلا واستجمع شجعاته وقال :
في حد يسيب الدبدوب بتاعه في الشتا من غير بلوفر
أنا : سامحني يا ابو كمال يو نو لبسك كله في الغسال
#استعداد للسفر

ابو كمال :انتي مش واخدة بالك اني اسمي ابو كمال
انا : لا طبعا واخدة بالي انا اللي مسمياك
ابو كمال :طيب نفسي اعرف من ناحية الفساتين اللي بتلبسيهالي
أنا :صدقني بيبقي شكلك جميل
ابو كمال :ده مش مبرر !
انا :بس انا عمري ما خرجتك بفستان
ساعات في البيت بس بلبسك فساتين مش تظلمني ساعات
وبعدان بيبقي شكلك جميل
وبعدان انت كبير كفاية انك تلعب دورين
دور ابو كمال ودور دبدوبة
#ده بيعذب اللعب علشان يتسلي
انا :مش تبصلي كده
متحاولش
انت عارف الناس الطبيعة بيسيبوا لعبهم في البيت
ده لوكان عندهم لعب
مش بيسافروا بيهم ،المفروض تبقي شاكر اصلا

أنا :تخيل أنت كعب وشنط سفر ودبدوب 
شوفت مش انت لوحدك اللي بتعاني :)
ابو كمال :ان مش مقتنع ولكن احترامً لرغباتك أنا هتنازل المرة دي
أنا :طيب بلاش فيس الموتي الاحياء #وبفيس يشبه الموتي الاحياء يبتسم
ابو كمال :عاوزة اوضحلك اني معنديش غير فيس واحد وانتي اللي بتقرري تشوفيه ازاي 
أنا :ايه اللي انت بتقوله ده!
ابو كمال :انا فيسي محايد لا زعلان ولا فرحان ولا شبه الموتي الاحياء #مونليزا استيل يعني 
انا :خدني علي قد عقلي
علي اساس مثلا انك بتكلم يعني
ابو كمال :دي اهانة لا استحقها
انا : مش تزعل اوي كده
بس الاعتراف بالحق فضيلة
مش اي حد بيكلم دبدوبه يبقي لازم يكون دبدوبه بيتكلم
ابو كمال :وبرضوا مش لازم يبقي مريض عقلي

أنا :هههههه انت متأكد انه مش لازم يبقي مريض عقلي
ابو كمال :متأكد
أنا : ابو كمال سارعاك للابد 
أنا :أنت عارف اني من السنة اللي فاتت عاوزة اعملك كوفية او بلوفر او شراب علشان الشتا
ابو كمال :الفكرة مش في انتي عاوزة تعملي ايه الفكرة خلصتي ايه
أنا :متبقاش قاسي كده
ابو كمال :احيانا القسوة مطلوبة
انا :ابو كمال انت عمرك ما حكتلي عن حياتك قبل ما امتلكك
ايو كمال :حياتي كانت بائسة
أنا :اضحك ساخرة ،ودلوقتي ؟
ابو كمال :علي اقل ستراعينني للابد
أنا :مضايقك فكرة انك عمرك ما هتكبر
ابو كمال :الواحد اتعود
أنا :أنت عارف ان كل مرة اونكل ممدوح بيشوفني بيسألني 
ابو كمال : بيسألك ايه ،ده راجل لطيف اوي ،فكرة في المطار لما حب يتصور معايا ،انا بحبهم هو ولي لي
أنا :بيسألني هو ابو كمال مش هيتعلم يمشي بقي؟!
أنا تاني :أنا نفسي تمشي اوي
ابو كمال :وأنت بتقوليله ؟
أنا : أنا مش برضي اقوله الحقيقة
بقوله يوماً ما اكيد
ابو كمال : ده يفسر سلوكك من كام يوم
لما مسكتي ايديا الاتنين وفضلتي تمشيني
أنا :امم نوعا ما
ابو كمال : يا بنتي ده عيب خلقي اصلا
أنا اصحح له :عيب تصنيع تقصد
يقول هو :أنتي صح
ابو كمال :أنا مش بحب احمد
أنا ساخرة :خخخخ علشان كان بيضربك بلقلم
ابو كمال :دي برضوا اهانة لا استحقها
أنا :أنا اسفة
ابو كمال :وهند ايمن برضوا فاكرة يوم البيتزا لما قررت تتغبي عليا
أنا :أنت صح
ابو كمال :عائلتك مش كلها ملائكة
أنا :أنت هتقولي !
أنا :اهم الحاجه الرضي
ابو كمال :ده مبدأ حياتي
أنا :وااااو ده أنت راجل صاحب مبدأ بقي
هو :طبعا أنا افضل ما ابدو عليه
مش مجرد دبدوب دماغه فاضية
أنا :أنت تتحدث مثلي
ابو كمال :لا عيب في اتحدث مثلك
أنا :انا مقولتش حاجه يعني
ابو كمال :متفكريش حتي هه
أنا :دي اهانة أنا لا استحقها
ابو كمال :أنتي تتحدثين مثلي
أنا :لا عيب في ان اتحدث مثلك
ابو كمال :مش اسلوب معاملة
أنا :انت استعملته اولا
ابو كمال :علي احدنا ان ينهي هذا الحوار السخيف
أنا :ويشرفني أن تكون أنت من يفعل ذلك
ابو كمال :قوليلي يا رنيم
أنا :ها أنت عارف أنا إنسان خالي من الاسرار
ابو كمال :اشمعنا أنا ولو مكنش أنا هيبقي مين؟
#تيمون استيل ،لما كان بيقول لشنزي تقبلي تتجوزيني
أنا : أنت عارف اني معرفش اشمعنا أنت
اما بقي لو مكنتش انت معتقدش كان هيبقي فيه حد تاني
أنا :أنا مش بحبك وبسفرك معايا علشان مش لاقية حد تاني وانت لازم تبقي فاهم ده
ابو كمال :اقسمتي ان تقولي الحقيقة ولا شئ غير الحقيقة
أنا :اسكت ايه مثلا انا عمري كدبت عليك
ابو كمال :رنيم انتي فشلة في الكدب
أنا :انا مش فاشلة اوي زي ما انت متخيل
ابو كمال ساخراً :امم وماله
أنا :عامة يعني بمناسبة الحقيقة ولا شئ غير الحقيقة
انا بحبك لذاتك
ابو كمال :ده كلام جميل
ابو كمال :يعني مش مجرد دمية ؟
أنا :لا طبعا مجرد دمية
ابو كمال :بتقوليها ببساطة كده
أنا :مجرد دمية دي حاجه عظيمة
بص لنفسك أنت دب عظيم ، ذو شخصية عظيمة ، اشيك دب في الدببه كلها
قولي مثلا انت عمرك شوفت دب لابس بلوفر ؟
ابو كمال ساخر :الحقيقة ولا شئ غير الحقيقة ، لأ
أنا :شوفت وبعدان كمان أنت دب ذو مبادئ  مش بيكبر ،شخصية مختلفة عن اللي بنشوفه عامة
ابو كمال :انا حاسس نفسي غريب في وسط الدببه
أنا :يا سيدي سيبك منهم
دول كائنات غريبة اصلا
ابو كمال :حاسبي الفاظك
أنا :سوري يعني بس يو نو اقسمنا أن نقول
ابو كمال :عارف عارف الحقيقة ولا شئ غير الحقيقة
ابو كمال :والدمي الاخري
أنا :غيرة عمياء
ابو كمال :اعترفي
أنا :ايه مضايق من خنفزة مثلا؟!
ايه دي اسمها شبه خنفسة وبتبقي ساعات مخدة
وبعدان دي حمارة (مش شتيمة )
أنا بحبها اه بس يو نو عادي يعني
ابو كمال :ولوسي؟
أنا :ابو كمال لوسي دي صغغنة اوي
بعدان انت مش فاكرة هي راحت فين اساسا
ابو كمال :بتعذبي لعبك علشان تسلي
أنا :القسوة دلوقتي مش ضرورية
ابو كمال أنا عندي صداع
ابو كمال :هههه من ايه وانتي اللي عمالة ترغي
أنا : تقصد مثلا لا سمح الله اني انسانة رغاية
ابو كمال :انتي انسانة غريبة وساعات بتبقي شخصيات كتير
ابو كمال أنا تعبت من الرغي ،مش عاوز تنام بقي؟
ابو كمال :أنتي عاوزاني انام ؟
أنا : اه متبصليش كده عندي مذاكرة يا فتي
ابو كمال :هتسقطي بكره
أنا :بحاول مش اسمعك
ابو كمال :انا صوت الشر اللي جواكي
أنا :انت كده مرعب
ابو كمال :ههههه هنام وانتي هتذاكري
أنا :نام وانا هذاكر
ابو كمال :مش مسامحك علي الساقعة
هتبقي ام قشلة لو قررتي في يوم تغسلي هدوم ولادك كلها
أنا : هنبقي نشوف الموضوع ده بعدين
وبعدان ايه أنت دب والمفروض يستحمل الساقعة
ابو كمال : نفسك انتي اكون دب قطبي
أنا :اسكت اصلا ،مفيش دب لونه بين الاصفر والاورنج
ابو كمال :دي سلالة عريقة
أنا :واوووو ترعرعت كمان مع سلالة عريقة
ابو كمال :يا ستي لم اترعرع ولا حاجه انا اتصنعت في مصنع
انا بتكلم علي الدببه اللي لونها بين اصفر وارونج في نفس الوقت
أنا :امم وماله
أنا :أنا بغطيك ومولعة لنا الدفاية
ابو كمال :استيل ذا سيم
أنا :مش تعيط هنبقي نجيبلك لبس بكرة
ابو كمال: الحقيقة ولا شئ .. انتي عارفة الباقي
أنا :اتغطي ونام اقصد هغطيك ونام
ابو كمال :عرفتي غلطك لوحدك
أنا :دبدوب جميل بينام مفتح عينه
ابو كمال :متكلمنيش زي ما بتكلمي اطفال بخاف
أنا :كنت هتمنالك احلام سعيدة اذا كنت تمتلك احلام اساسا
أنا :عندي دبدوب جميل اسمه ابو كمال لالالاااااا
ابو كمال :انا سمعك لسه بتتكلمي بطريقة مرعبة
أنا :نام بقي :)
النهاية .

الاثنين، 14 يناير، 2013

الحياة لم تفقد مباهجها

الحياة ابداً لن تفقد مباهجها
كن في مزاج جيد
وستتأكد 
ستجد اشياء جيدة
ابداً لم تراها
واشياء تستحق أن نستمر ف الحياة
بحثاً عن السعادة
:)

انا كام يوم فاتوا وانا كام يوم جايين وانا النهاردة

*مبسوطة 
الشتا ده من غير حزن
مش هسيب البرد يخليني اكتئب
الاكتئاب ملوش معني وانت مش عارف انت مكتئب لية
الدنيا تمام ،ماشية تمام
بضايق شوية ولكن السعادة باقية 
*فكرة السفر بتبسط لوحدها
انك دلوقتي هنا وكمان كام يوم مش هتبقي هنا
السفر لسة فاضل عليه شوية وقت 
ولكن احنا فعلا كنا محتاجين وقت
علشان نجهز نفسنا ونضور علي حاجات نعملها تخلينا احسن
*الدنيا هادية شوية هدوء مقلق
حتي أنا هادية نفسياً
*كوابيس النهاردة كانت وحشة
مشاهد مرعبة صور ولكن كل صور كأنها بتكلمك
وانت في كل الصور طالع خايف
المشاهد كلها انا مش ببخاف منها لاني عارفة انا بخاف من ايه
*جددنا عهد الصداقة
مع طقوس غريبة لم اجربها قبلاً
استمتعت :)
*عندي شوية امتحانات وايه يعني
اكتشفت ان احنا لازم نتعلم نسيطر علي نفسنا اكتر من كده
الموضوع مش موضوع امتحان الموضوع موضوع مبدأ
انك تقدر تعمل اللي انت عاوزه وقت ما انت عاوزه
وتقدر تمنع نفسك من حاجات انت عاوزها
لحد ما تتعلم تسمع الكلام وتفهم 
مش لازم اي حاجه انتي عاوزها تخديها
ومش لازم دايما اسمع كلامك وانتي لازم تسمعي كلامي
#صراع نفسي
*بدأت اكتب مذاكراتي السنة دي
كالعادة مختصرة ومفيدة لكل يوم صفحة واحدة بس
مش عاوزة رغي كتير :)
*كلما ازاد عمرنا ازداد حجم ذكرياتنا
انا حاسة اني تقيلة بذكريات تقيلة 
ذكريات مادية 
محتفظة بحاجات كتير 
عارفة في يوم من الايام هرميهم
بس مش النهاردة ولا بكرة ولا بعده
مينفعش الانسان ميكنش له ذكريات
ومينفعش برضوا انه يبقي عنده ذكريات كتير
الفكرة انه لو اتنظموا بطريقة احسن مش هيخدوا مكان كتير
وهيبقوا متقاسمين صح ،الاجازة اتعملت علشان ارتب ذكرياتي
*لماذا يقل الادمان لماذا لا نظل نحب الاشياء للابد
*اذا اصابتنا الرتابة تذمرنا واذا تركتنا ورحلت عنا افتقدنها
*‘واكثر ما يقلقك في حب الاشياء انك ستكرها ذات يوم #كابوس
*افتقد القراءة في الظلام علي ضوء الموبيل وصويت ماما والصحيان الصبح كالموتي الاحياء والقراءة في اتوبيس المدرسة حتي الاصابة بالغثيان
*هناك بشر لا يُجنّون أبدًا. أي حياة تعيسة يعشونها هولاء. (شارلز بوكوفسكي)
*طيب بلاش سيدني وبلاش بيروت عاوزة يوم 24يناير ابقي في كلفورنيا :) #ضحك

السعاة مازلت مستمرة
إلي متي لا ادري
فقط اتمني أن تظل
تظل للابد :)