.

.

السبت، 20 سبتمبر، 2014

بوست شخصي

بحب الوقت اللي أنا وبابا كنا صحاب
أنا فاكرة اني كنت بكلم كتير طول الوقت
مش فاكرة بابا كان بيقول حاجه
فاكرة أنا وانا بقول كل حاجه واي حاجه
أنا بفتقد الوقت ده
كان ممتع .. بكل الرغي والمغامرات والشقاوة
أعتقد أن اي حد باباه كان بيشجعه أن ميخافش من حاجه
ويعمل اي شقاوة واي افكار مجنونة تخطر علي باله
هو شخص محظوظ
أنا عارفة الوقت اللي في إبتدائي
كنت حرفياُ مش بخاف من حاجه
كنت سوبر واثقة في نفسي
ومش بعمل حاجات علشان الناس بتعملها
واحيانا كثيرة كنت بحسس الناس قد ايه هما ويرد
علشان هما مش شبهي او علي الاقل شبه كل الناس
إبتدائي كانت فترة عدائية
كانت سوبر عدائية
بس في الاخر
توصلنا اننا منعملش كل حاجه الناس بتعملها
ونبقي احنا زي ما احنا عاوزين نحلم
حالة اشتياق للطفولة شوية
مرسي مطروح والكثير من التشرد
أنا وعروستي وفرق من النص وتوكتين كلبس
يارا ومورا ولينا ورهف
اصدقائي الصغار ظلوا صغار
أعتقد أنك لما بتخلص فترات
بتعرف تلاقي كويس لحظات السعادة
بابا و أنا في القصر 
بنغامر بقتحام قصر مهجور
وبنمشي بالساعات علي البحر 
وبنخلص قري وندخل في قري
بابا في معرض الكتاب
والتشجيع المبالغ فيه
لشراء الكتب
أعتقد أن اي اب 
محتاج يحافظ علي علاقته بولاده
ومش يبطل يعمل معاهم مغامرات
او يوقف حاجات هما متعودين عليها
زي معرض الكتاب
معرض الكتاب حلووو
أنا لما اكبر هاخد الكون كله
معايا لمعرض الكتاب
اشتريلهم كتب : )
أنا بحب اخلي الناس يعملوا حاجات مفيدة
ويجربوا حاجات مجربوهاش قبل كده
أنا عندي مشاكل في الموضوع ده
بس مشاكل مش بضايقني
الناس لازم يبقوا كويسين
وسعداء و بيعملوا حاجات جديدة

ليست هناك تعليقات:

إرسال تعليق

لا تقسوا عليّ .. وابتسم للحياة : )))))