.

.

الأحد، 28 سبتمبر، 2014

إلي مر وسعادة لا منتهية

إلي مر مر مر 
بعتذر أن ده رسمياً تالت عيد ميلاد مش بنقضيه سوا
اول عيد ميلاد 2012
لما كان بيفوتني كل حاجه علشان بنام كتير
و2013 لما روحت البينك بارتي من غيرك في يوم عيد ميلادك
والسنة دي : (
ولكن مش ده المهم 
المهم أني مبسوطلك من اعمق اعماق قلبي
وطلما أنتي سعيدة سو أنا هبقي سعيدة
وبمناسبة انك رسمياً صحبتي الوحيدة
وانك مزعلتيش امبارح ومقطعتيش علاقتك بيا
شكراً مر مر مر
ولذلك أنا بتمنالك حفنة من الامنيات السعيدة كتير
أمنيات بكل حاجه أنتي افر افر افر حلمتي بيها
ربنا يسعد قلبك اليوم يا مر : )))
ونعوض اليوم في يوم اخر
وناكل ماك ونشتري كتب وناكل كاب كيك
ونبات سوا 
شكراً انك السنة دي تتوجتي ملكة الرضا والتقبل 
التقبل بكل المصائب والتفائل
بشكل احيانا ً مزعج جدا والحق يقال
ولكن أنتي كنتي عظيمة السنة دي
وبرغم أن ال 18 مكنتش سوبر سعيدة من كل النواحي
جمينج سون 2015 
مر كل شئ هيبقي كويس 
وكل الاحلام هتتحقق
طلما أنتي متفائلة وراضية بكل شئ
أنا بحمد ربنا اني عندي صحبة زيك
ومنبهرة ان ال 18 خلصت
خلصت بكل الدراما والضحك
أعتقد أحنا بنعرف نخلي اخر السنة احلي
وكل ما هتيجي تفكري في ال 18 او 2014 
مش هتفتكري غير احنا كل يوم
مكرونة بطرق كتير
ومسلسل غبي وضحك كتير 
: )))))
شكراً مر علي الذكريات الكتير الكويسة
علي مدار كل السنين
علي الكلام في التليفون لساعات
والكلام علي كل حاجه 
وشكراً علي أنك صديقتي الوحيدة
وأني عارفة أنك طول الوقت هنا علشاني
علشان اقول اي حاجه انا عاوزة اقولها
سنة جديدة امنيات جديدة واحلام جديدة
وعهد صداقة جديد : )))
أعلن تحمسي
للاحلام القادمة
وأنا واثقة أن كل الاحلام هتتحقق
وأن كل شئ هيعدي 
وان شاء الله مهما حصل 
هنفضل كويسين للابد للابد
أنا بحبك يا مر 
هاف فان النهاردة .. انا استيل مضايقة
ولكن مفيش حد بيضايق النهاردة صح ! 
: ))))))))))

هناك تعليق واحد:

  1. رنيم دا احلي حاجه افر كتبتيهالي بجد انا مبسوطه اوي ان شاء الله كل حاجه هتبقي كويسه و هنحقق احلامنا و نعيش سعداء <3

    ردحذف

لا تقسوا عليّ .. وابتسم للحياة : )))))