.

.

الخميس، 2 أكتوبر 2014

احلم : ))))

مش تستني حد او حاجه تيجي تحققلك احلامك
أنت مش بتمثل في سندريلا
ولا بتمثل في تيمي تيرنر والولدين السحريان
مفيش جنيات هتطلع تسألك انت نفسك في ايه وتحققهولك
أنت مش عايش في فيلم رومنس
ولا في فيلم علاء الدين
مفيش جيني ولا مصباح ولا عصيان سحرية
فقط you against the world
محدش غيرك هيحلملك
ومحدش عيرك هيبدأ يحققلك احلامك
ابدأ وخطط واحلم لا مانع
لا مانع أن تساعد الناس كمان تحقق احلامهم
وتكون بالنسبة لهم  شئ شبه السحر
ساعد علي قد ما تساعد
لعّل تلاقي حد يساعدك
مفيش ناس ممكن تحققلك احلامك 
بس فيه ناس ممكن تساعدك ممكن تشجعك
وممكن تفرحلك
وده شئ يغنينا عن السحر
السحر عبارة عن كسل
أنت قاعد مش بتعمل حاجه حاطط رجل علي رجل
بتحلم بأي حاجه ممكن تحلم بيها
وفي غمضة عين بتكون قدامك
وده شئ عمره ما هيحصل هنا
هنا محتاج تتعب وتبذل وتحلم وتساعد
هنا محتاج تقوم من مكانك وتستغل 
تستغل كل الفرص المتاحة وتسعي 
علي قد ما تقدر تسعي
علشان تحقق حاجات تدخلك الجنة
وتقدر ساعتها تحط رجل علي رجل
وتحلم واحلامك كلها تحقق

ليست هناك تعليقات:

إرسال تعليق

لا تقسوا عليّ .. وابتسم للحياة : )))))