.

.

الثلاثاء، 7 أكتوبر، 2014

رنيمات

طاقة التحمس : ))))
أنا عندما أتحمس
أملك الطاقة لأي شئ
اقفز اقفز 
واصرخ وافرط في الجري
افرط في كل شئ : )))
النتيجة 
الكلام مع ماما مفيد
علشان هي فنانة
وعلشان أنا هبقي او ببقي زيها 
في الاشياء الحلوة علشان انا عارفة الاشياء اللي بتضايقني
تاني حاجه انا بهتم بالاجرائات 
ومش بهتم بالنتائج خالص
خالص خالص 
لما حد يقولي عملنا مجهود وسقطنا
بقول مش مهم عملنا المجهود
تالت حاجه أنا في مرحلة إنتقالية
من اللا مبالاة للمبالاة والنجاح
وأن الحاجات  بتبقي مرهقة او متعبة
بس مش شرط تبقي بائسة 
رابع حاجه أني مينفعش اقعد اكلم نفسي كتير
ولازم اشارك الناس في الكلام معايا
ومينفعش اقول كلام اسود لي واسمعه واناقشه واعيش فيه
وأن عندي مقاومات كويسة
وأن سنة تانية هتبقي اسهل مليون مرة من سنة اولي
لأن سنة أولي كانت عبارة عن حد بيزقني اعمل حاجه
أنا مش عاوزه اعملها وانا لو مضطرة اعملها
لازم ابذل اقصي مجهود
وأكتشفت أن فعلا مشكلة كل الناس
أنهم مش عاوزين يقعدوا مكانهم
ومش يعملوا اي شئ
او يخلصوا كل شئ بسرعة
علشان يستريحوا
طول الوقت بيجروا ورا راحتهم
أن اليوجا بتعلمنا حاجات كتير
منها أننا لازم نضغط علي نفسنا اوووي
علشان نرتاح
وأن جسمنا عارف كده
وساعات بنتعب علشان احنا مرتاحين
بنتعب من الراحة 
وأننا لازم نبطل نحط شروط علشان نبقي كويسين
ونبطل نبعد كل شئ ونجري ورا راحتنا

ليست هناك تعليقات:

إرسال تعليق

لا تقسوا عليّ .. وابتسم للحياة : )))))