.

.

الخميس، 30 أكتوبر 2014

شكراً مر

علشان أنتي صديقتي المفضلة
اللي طول الوقت بضحك وانا بكلمها
وببقي أنا زي ما انا
مش بقكر قبل ما انطق اي كلمة
ومش باخد بالي من كلامي
علشان احنا اقرب من أننا نفكر الاول
علشان أنتي صحبتي اللي مش بتزعل مني
وبتتكبد عناء كل يوم أنها تصحيني 
لمدة 4 سنين وأنا بعذبها كل يوم الصبح
وهي مش بتضايق او بتعترض 
علشان بفضل ارخم عليكي
ونرخم علي بعض من غير زعل
وكل حاجه بترجع زي ما هي
علشان انتي صحبتي اللي عيوبها مش بضايقني
علشان بتشجعيني أعمل اي حاجه أنا عاوزاها
وبتسبيني اشجعك علي الفساد
علشان أنتي مش بتحسسيني أني فاشلة 
وعلشان أنتي علي طول متحمسة ومتفائلة
وعلشان السعادة المستمرة من 3 إعدادي
وعلشان الاشياء الكتير اللي بينا مشتركة
علشان بتحبي تقرأي وبتوافقي تحققي احلامي
علشان بتهتمي تحلمي معايا وتتجنني طلما المفروض نتجنن
علشان بتسمعيني برغي لساعات كتير كل يوم في الاسبوع
وعمرك ما بتزهقي مني .. وعمرنا ما مش بنلاقي حاجه نقولها
علشان أنت من الشخصيات القليلة اللي بتستوعب الكلام الغريب اللي بقوله
وعلشان بتفكري زي وبتحسي زي
علشان أنتي شخصية جميلة بتحب تساعد الناس 
وعلشان دايما وعلي طول ولحد دلوقتي بتساعديني
برغم أن كل سنة بنشوف بعض اقل
بس كل سنة أحنا اقرب من السنة اللي قبليها
أنا بحبك يا مر جداً 
شكراً علي كل الاشياء الجميلة
وأنتي مش محتاجة تجبيلي كادوة السنة دي
مش محتاجة تشيلي هم أنك تفتكري يوم عيد ميلادي
ولا تشيلي هم هتشتريلي ايه 
أتمني نتقابل .. ونقعد سوا 
حتي لو مكناش بنعمل حاجه 
حتي لو كنا بنذاكر
حتي لو كنا بنسمع البلاي ليست بتاعتنا
اللي سمعنا كل الاغاني اللي فيها قبل كده
: )))))
حب كتير كتير لمر
شكراً علشان النهاردة وامبارح
أنا ضحكت كتير اووي : )))

ليست هناك تعليقات:

إرسال تعليق

لا تقسوا عليّ .. وابتسم للحياة : )))))