.

.

الأربعاء، 4 فبراير 2015

الاحلام هي نحن

الاحلام الشبه حقيقية
المليئة بالحب والذعر والقلق والاطمئان 
اعتقد اننا دايما بنبقي عندنا دوافع ومحفزات ننقذ الناس اللي بنحبهم من اي حاجه .. حتي لو كنا في حلم وكل الحاجات مكنتش حقيقة حتي لو كانت حقيقة بالنسبة لنا بكل المؤثرات ولو كانت احسن من اي فيلم ثري دي شوفته في عمرك ...
لدرجة انه يقدر يحركك ويخليك تعرف تعمل شيء شبه السحر حتي لو كنت بطلت تعرف تعمله من 8 او 7 سنين .. تعرف تفكر تفكير منطقي في حلم وتقدر تتامل كل السعادة اللي حوليك مع اكتر شخص كان لطيف معاك علي وجه الكرة الارضية وتكتشف قد ايه انت محتاج تصحي وتسيب كل السعادة .. وتصحي توثقها .. هارد دسجن .. اعتقد انك تفتكر السعادة وتوثقها اهم بكتير من انك تعيشها للحظات مؤقتة وتصحي في النهاية ومتفتكرش منها اي شيء .. فجاة تقدر تفتح عينك زي زمان ايام المجد .. تقدر تتحكم في احلامك . واول لما تلاقي ان حلمك بدا ياخد مسار مش عجبك تضطر تقرر هتغير فيه ولا جست هتقف في الحلم وتقرر تفتح عنيك .. 
احب افكر في الحلم علي انه ساين .. واحب افكر ان الحلم اتبعت لمر لما صحيت وانا شبه نايمة بعيون مش مفتحة بدور علي النوت في الموبيل بحاول افكر بسرعة البرق في كل التفاصيل في القلق والحب وكل المشاعر اللي حستها كل السعادة والطيران فوق السحاب .. كل السواد والرعب اللي كان بيحصل في السما .. كل الصور والمشاهد وتقرر انك تكتب الحلم وتندم انك مش نايم في اوضتك وانت مضطر مش تسجل فويس ركورد ومضطر تكتب وانت نايم وتكشف انك معندكش نوت في الموبيل
مكنتش صدفة انك من فرط النوم تفضل تدور وسط الوجوه المالوفة في الشات عليك ولما تلاقي مر تدخل وتكتشف بعد ما تخلص كل الكتابة .. رنيم انتي بتكتبي لمر حلمك رنيم ده مش انتي .. والمضحك انك بتكلم عنها مش بتكلم معاها .. 
سعادة الاحلام

ليست هناك تعليقات:

إرسال تعليق

لا تقسوا عليّ .. وابتسم للحياة : )))))