.

.

الثلاثاء، 24 مارس، 2015

المعضلة الكبري

أوكيه أنا عارفة مشاكلي كويس
ومحددها وبحاول احسنها
الفكرة أن فيه مشاكل بتكبر
بتكبر..  استيل بتكبر
وأنا احتاج أن اقتلها
ك الرسائل السلبية
وفقدان الثقة في النفس
فجاة كده
العبيط في الامر أني لفترة كنت باصنف كشخص متفائل
وطبعا كشخص عنده عجب مفرط بنفسه
وفجاة بدأت اقلل من انجازات نفسي
واكثر النقض السلبي بشكل مش طبيعي
وبقيت حرفياً مش ببهرني
عملت حاجه حلوة 
ايه كل الناس بتعمل حاجات حلوة
كل الناس بتساعد الناس كل الناس بتعمل كل حاجه أنا بعملها ايه الجديد
بدأت احس أن أنا والاخرين مشابهين
وأن اي شخص حاسس أنه مختلف هو في الاخر
نسخة من اشخاص اخرين
يمكن مفيش حد فيه كل التفاصيل بتاعتنا
بس التفاصيل بتاعتنا موجودة عند كل الناس
سو لا شئ مبهر
وبما أنك مش بتدي اي سائل ايجابية لنفسك
الاشياء بتفقد معناها والاشخاص بيفقدوا ثقتي في ارائهم
-أنا رسمت رسمة
-دي حلوة اوي
أنا ببقي من جوه مش مقتنعة انها ذات ماتش حلو
اللي هو الناس بترسم أحسن من كدا
سو أنا مبعرفش ارسم احسن حد في الكون
رسمي مقبول بس كل الناس بترسم مقبول
سو لا شئ يبهر في هذا الامر

ليست هناك تعليقات:

إرسال تعليق

لا تقسوا عليّ .. وابتسم للحياة : )))))