.

.

الخميس، 16 أبريل 2015

المسابقات وقدرتك علي ارسال رسائل ايجابية لنفسك

اعتقد أنك تبرع في حاجه
لدرجة انك تقدر تتأهل لمسابقة
وتدخل وانت واثق في نفسك
حتي لو خسرت
فكرة أنك واثق في نفسك لا تقدر بثمن
أنك تقدر تعمل شيء
مع أن فيه ناس كتير احسن منك بتعرف تعمله احسن منك
ايت جست مذاكرة
هوو كير ذات ماتش
الفكرة أنك هتبقي مسؤل عن افراد حتي لو مسؤلية مش كاملة
بس انت علي الاقل بتفكر ازاي تتعلم وتصلح نفسك
وبتاخد كورسات وبتحب مجالك وبتقرأ فيه
ده في حد ذاته انجاز
حتي لو سقطت افر 
هو اكشلي مش مسائلة حياة او موت
طول ما انت بتتعلم حاجات جديدة
مهارات جديدة
وبتقرأ طول الوقت
لا يهم النتائج
لا يهم اي شيء
أنت لا تضيع عمرك
هناك اخرون يضيعون عمرهم اكثر منك
التعلم ليس اهدار اربع سنوات من عمرك
لو تعلمت معلومة واحدة جديدة 
ايت ورث الاربع سنين
رنيما تنفسي
اقدر اقولك ان الحاجات هتبقي كوبيسة
كفاية أني شايفة أني دلوقتي اقدر اكون ام كويسة
وعندي المستوي الكافي اللي علي الاقل ميخليش ولادي مرضي نفسين وسريل كليرز
حتي لو عمرنا ما هيبقي عندنا ولاد
كفاية ان ربنا يخليك تتعلم وتفيد الناس اللي حوليك
واعترف أني دلوقتي بعرف اساعد الناس احسن مع ولادهم
بيبقي عندي مليون فكرة ومليون حل ومليون طريقة
وده شيء يستحق نشكر ربنا عليه
ايت جست حالة من انك اكتشفت انك مش بتبرع في اي شيء بالدرجة الكفاية
ومش عارف تحسن من نفسك
لانك عندك مذاكرة
والكلية محبطة علشان بتحسسك انك عمرك ما هتكون كويس
وان عمر شغلك ما هيفيد حد
فبتبدأ تشك في كل شيء
واضافة علي الحاجات اللي مش بتبرع فيها
فبيبقي عندك شك في كل قدراتك
ضيف عليهم الرسائل السلبية اللي بتديها لنفسك
وضيف عليهم فرط التفكير في المستقبل
والخوف والقلق والفزع
ده بظبط اللي انا بحس بيه
اشياء مكلكعة كعقد بكرة الخيط
محتاجة حد يفكها ومش بتفك نفسها
وبتطلع عينك علشان تفكها
مع الخوف انها لو متفكتش 
تفضل كده للابد متعقدة
أنا مش شخصية متشائمة
ولا سلبية
مش بشوف الحاجات الوحشة اللي الناس بتعملها بس
أنا المفروض اني شخص لطيف
يدفع الجميع للامام بالحب
وبيفهم اللي حوليه اي شيء ويساعدهم حتي احتراق النجوم
بيصر علي الحاجات وبيعملها
وبيحبب الناس في الحاجات
بيخليهم عاوزين يعملوا حاجات جديدة حاجات مختلفة
بيوسع مدركهم وبيحسسهم انهم يقدروا يعملوا اي شيء ويبقوا اي حد هما عاوزينه
ازاي تبقي الشخص ده وانت مش بتدي نفسك كل الحاجات دي
اعتقد ان طريقة تعاملك مع نفسك بتنعكس علي طريقة تعاملك مع الاخرين
وطريقة اللي هتربي بيها ولادك والمشاكل اللي هتخلقها عندهم
أنا لازم ابطل سلبية وابطل ابقي شخص محبط يبحط من حوله
ده مش أنا وده مش شبهي 
الباريت سيد ركز عليه
كل شيء برايت اصلا
: ))))) 
بوست يوم الخميس لاننا يفصلنا علي يوم الحد الكثير
أنا مش مجنونة أنا بس بقول كلام مختلف لنفسي
علي حسب الحاجات المتلتلة اللي ورايا
ثكند ثوت أنا مش ورايا حاجات كتير اوي كده
متحاولش تححس نفسك انك عايش مشكلة حتي لو عايشها
وتعيش نفسك جوها وتقفل علي نفسك
وتتقوقز داخلها وترفض الخروج 
لحد ما تخلص
متخليش اسلوب حياتك هو الهروب وعدم التفكير في الاشياء
طلما أنها بعيدة عنك
حل مشاكلك 
ومتطلعش عيني 

رسالة ليا 

ليست هناك تعليقات:

إرسال تعليق

لا تقسوا عليّ .. وابتسم للحياة : )))))