.

.

السبت، 2 مايو 2015

مخططات الاجازة 2015

انا متحمسة للاجازة
كعادة كل انسان علي وجه هذا الكوكب
ان شاء الله
هنلون رفوف المكتبة البنية القبيحة
ونعزم مر وتق عندنا ونرسم علي الحيطة بتاعت الاوضة
بالوان زاهية
نركب ستاير للا المبهجة 
ونرسم علي مدخل البيت بالاسود
زي جابي محققة الاحلام
نرتب المكتب كعادة كل عام
ولكن المختلف هذا العام
ان ماما مش هتسبنا نسيب حاجه في المكتب
هننقل كل الكراسات والورق
والاجندات والكركيب ونرمي اشياء كتير
هنبيع الكتب 
ونشتري كتب بنحبها : )
وهنرتب دولابي ونحط الهدوم الصيفي
*_*
نعمل ورشة للاطفال علشان نعلمهم يعملوا بوب اب للكتب
مع دكتور عمرو عز 
وهنحاول نقنع رنيما تيجي معايا
ونروح نسأل اذا كنا ينفع نتطوع مع المتوحدين
وناخد آي ورنيما ونروح نشتغل في حضانة
ونبدأ نعمل وسايل كتير
وكروت ونزل بي دي اف حتي احتراق النجوم
انا متحمسة اوي السنة دي اختم
وحاسة انها ممكن تكون ذا وان : )
ومتحمسة لرمضان كمان
وتشجيع الاصدقاء 
والصحبة الصالحة
انا متحمسة لشوفت للا الصغير
واننا نلعب معاه بجد ونخرج ونتفسح سوياً
نفتقد للا ونتسائل مين هياخدنا مدينة نصر هو رايح الشغل كل يوم
وبعدان هناخد العربية 
ونسوق ونقتل الضحايا
هنقضي وقت مع ماما
ومش هنفوت ولا كلاس يوجا
هنبقي انا وهندا اخوات
ونقعد نتشارك الرسم في الليفنج
واحنا فاتحين الشباك علي مصراعيه
وبنلون بأدينا
هناخد كورسات تربية
ولن ننسي كورسات الخياطة
امال مين هيعمل فستان فرحه
وهيخيط لاصدقائه لبس لولادهم : )
هنشوف مر * _*
وهنعرف نبقي اصدقاء بحق
نفضل نتكلم في التليفون كل يوم
ونقضي طول الوقت سوا 
بناقش وبنقرأ حاجات غريبة 
وبنعوض كل شيء فاتنا
حتي يفرق بيننا السفر
انا متحمسة لمر 
وهيبقي احلام لو سافرنا الساحل
واخيراً هنشوف تقي علام 
اللي هتكون رسمياً خلصت ثانوية عامة ان شاء الله
* _ *
وهنطبع رجل البنك اللعين : )
ونخرج مع رنيما
امنيات نتقابل في الصيف
نكتب قصص اطفال
ونرسمها وتبقي رسومات تافهه
نعمل عرايس 
ونعمل كام بوب اب بوك : )
*_*
يارب يارب يارب يارب يارب يارب

ليست هناك تعليقات:

إرسال تعليق

لا تقسوا عليّ .. وابتسم للحياة : )))))