.

.

الأحد، 26 يوليو 2015

إلي أحمد

شكراً يا صديقي علي العيد
وعلي ايام السعادة
شكراً علشان سبتني اقرالك الكتاب * _ *
وشكراً علي السوشي 
وعلي الكلام باللغة العربية الفصحي
ولعب البلاي استشن بالرغم اني بسوق وحش
وانت عارف ومش بتقولي
أنا سعيد أننا بقينا اصدقاء تاني
بعد ما قضيت طفولتي كلها بعذبك
أنا كان نفسي تبقي اخويا حقيقي
وممتنة جداً لاهتمامك لتحقيق احلامي
واهتمامك اني اعملك قائمة للاحلام
أنت عمرك ما هتدرك سعادتي لما تحقق كل احلامك
وسعادتي للقائمة الجديدة اللي هنعملها 
بعنوان رنيما وأنا 
ونكتب فيها الحاجات اللي عاوزين نعملها سوا
شكراَ علشان سألتني اسافر معاك
أنا نفسي اسافر معاك
أنا بحبكم كلكم والاحلام أني اسافر معاكم
يسعد قلبك متخليش حد يضايقك
واصنع احلامك بنفسك
وانت عارف القاعدة متقتلش تحمس اي حد
وتحمس معاهم ولا تبخل
ودور علي اماكن تستحق المشاهدة 
ولف العالم
أنت عارف احلامي حتي لو مش هتعرف تحققهالي
حققهالي أنت 
يكفي انك تكون سعيد
وانك تقضي وقت سعيد مع للا الصغير وتفضلوا صحاب للابد
ابقي سعيد وصور الحاجات اللي هتبهرك وتخليك سعيد
وابعتلي طول الوقت واي وقت
أنا ممتنة جداً جداً ليك
فوق الوصف 
حقيقي فوق الوصف

ليست هناك تعليقات:

إرسال تعليق

لا تقسوا عليّ .. وابتسم للحياة : )))))