.

.

الأحد، 23 أغسطس 2015

مشاركة الاشياء وجمال الكون

أنا بحب الناس اللي بتشاركني
اللي حاجات اللي هما بيحبوها
اغاني، كتب، افلام
: )
شكراً ساريت علي كل الاشياء الحلوة 
امبارح : )
والموسيقي اللي تخبل * _ *
والرسومات اللي بتخليني اقعد اعيط جمبها
بحب اؤمن أن العالم في وقت ما
هيفرط في جمالة
ومش هيبقي عندنا اي حاجه قبيحة
والمحلات هتبقي كلها حاجات تخبل
وأنك مهما حاولت مش هتقدر تبقي 
هاوي جمع الاشيا الجميلة اللي في الكون
أنا مش بقدر القاوم my highly heart chakra
وبقيت متقبلة جداً أني بحب كل حاجه واي حاجه
وكل الناس اللي علي الكوكب
مش بقيت بفكر قبل ما ابعت لبنات معرفهومش كويس قلوب
أنت مش مضطر تقاوم الحاجات اللي بتحبها او اللي هتحبها
مش مضطر تقاوم الحب وانك تقول للناس اللي بتحبها انك بتحبها
مش مضطر تقاوم الجمال اللي في العالم
وتعترف ببساطة 
أنك بتحب الجمال
وبتمسبط لما الجمال يبقي من حد أنت بتحبه

ملحوظة : انا بطلت احاول انسق البوستات
واحاول اخليها بنتكلم عن نفس الموضوع
البوست منعكش علشان انا منعكش
زي مواضيع التعبير اللي بكتبها بظبط
وده مش شيء وحش

ليست هناك تعليقات:

إرسال تعليق

لا تقسوا عليّ .. وابتسم للحياة : )))))