.

.

الأربعاء، 30 سبتمبر، 2015

الاوضة

بقي رسمياً
أنا بنضف الاوضة
كل يوم اتنين
المعضلة
ان الاوضة امبارح
كانت المعني الحرفي للفوضي
وها انا يوم الاربع بنضف اوضتي
من نقطة ما بعد الصفر

الجانب المشرق ان النهاردة يوم الاربع
الاربع مش في حد ذاته مشرق
عدم الذهاب للكلية ووووين
: )))
رسمياً انا عندي 3 مكتبات
سوبر مبهجين ولونهم تيركواز
واهلي لسه مش طردوني من البيت

لدرجة اني كنت ماسكة علبة الالوان
وبقول الانسان لازم يلون الشباك والباب
ابيض مش لوني المفضل

ونتمني نوصل للرسم علي الحيطة
لولا اننا بنرسم وحش
* _ *

الأحد، 27 سبتمبر، 2015

بحث عن حلول للخوف المفرط والفزع

الخوف

انا بكره الخوف
دلوقتي اكتشفت
ان بطني مش وجعاني
علشان اي سبب غير 
اني انا خايفة
رجعت في لحظة
في اولي ابتدائي
قبل امتحان الفرنسيه
بعيط علشان بطني وجعاني
من الخوف
وبروح للدكتورة المرعبة في المدرسة 
وبتديني دوا لونه فوشيا

انا مش بحب اخاف
بعد سنة كاملة مليئة 
بالخوف ووجع البطن
لطفلة صغيرة في اولي ابتدائي
قررت اني ابطل اهتم
وعلشان كده دي كانت اول واخر سنة
اطلع فيها من الاوائل
انا بحاول دلوقتي ابطل اهتم ومش عارفة
بحاول اصنع خطط جديدة
وابتهج
بس الخوف دايما بيلاقيني
وبيوجعلي بطني 
وبيخليني اقعد اعيط
اكني بظبط في اولي ابتدائي

امنيات مضحكة

انا بحب اغني بصوت عالي
وكنت همبسط جداً
لو أنا شخصية في فيلم غنائي
ولو كان صوتي 
سوووبر سوووبر حلو
ولو كان عندنا
خشبة مسرح في البيت
شكراً لحسن تعاونكم

معضلة القوائم الفاضية

المعضلة 
اني معنديش ولا حاجه عاوزة اعملها
انا قايمة فاضية
اما بكره القوائم الفاضية
انا معنديش خطط 
ل 3 شهور الجاين
المفروض الواحد بيبقي اكبر 
من اننا هندخل الكلية
رنيم فاضل سنتين 
مفيش اي شيء نفسك تعمليه
خطط جديدة 
اماكن جديدة 
ناس كتير
كتب تخلص؟

انا محتاج خطط 

لا تخاف

لا تخاف يا رنيما
كل شيء سيكون علي ما يرام
لا شيء يستدعي الخوف 
لا شيء يستحق الخوف

السبت، 26 سبتمبر، 2015

الكتب : )

لان فيه حب عميق
بيني وبين ترجمة جوجل
علشان بتقرألي كل شيء
لما اكون مكسلة اقرأ
مكسلة افكر
النهاردة اكتشفت اننا نسمع الكتب
شيء لطيف جداً
لو انت في ايديك الكتاب
قمة عدم بذل المجهود
: )
قمة السعادة
reading pride and prejudice 

الجمعة، 25 سبتمبر، 2015

الكتب

لما تلاقي كتاب جيد
وتبدأ تقرأه
ارجوك متسبش الكتاب من ايديك
غير لما تكون قرأت كفاية
كفاية أنك تكمله

اللعنة علي الكتب الحلوة اللي بنقرأ
منها قليل ومش بنكملها

عيدكم سعيد مثلكم بقدر السعادة التي تجلبوها للاخرين

قدر السعادة التي تجلبها 
لهذا الكون المشؤوم
هو نفس قدر السعادة الي ستحصل عليها
قد يكون اكثر
فاذا كنت تعيس
ولا تجد  سعادتك
فابدأ باسعاد الاخيرين اكثراً
فلن تحصل علي اقل
مما تهبه للاخرين

اتخاذ القرارات الصائبة وفعل الخير

فقط 
اتخد القرارات الصائبة
وافعل الخير
اذا كنت تريد أن تكون من اهله
لا تقسوا علي احد
خاصة من يحتاج الا تقسوا عليه
حياتنا مجموعة من القرارات
و بناخد قرار جديد كل ثانية
وقرار اليوم
انك تشوف الخير في الناس
وتوريني الناس الخير اللي فيهم
تبعت كل يوم حب لكل الناس اللي في الكون
حتي من لا يستحقوا
لانهم أكثر الناس احتياج للحب
لانك اكثر الناس احتياجاً لافعل الخير
لا تكره احداً
ولا تتحدث عن احد بسوء
لا تدير ظهرك عن محتاج ابداً
فقط لان لديك اشياء لا يملكوها
اشياء قد تفقد منك في اي لحظة
اذا لم تفعل شيئا للحفاظ عليها
الحياة مليئة بالتحديات
واحياناً كل ما هو مطلوب منك
أن تصنع تحديك بنفسك
وتنجح 
: )
عيدكم سعيد

الثلاثاء، 22 سبتمبر، 2015

Queen forever

-مر عاوزة الاقي باند شبه queen
-رنيم queen عاملين البومات كتير 
من كترها مش محتاجة تلاقي باند شبها

دي حقيقة بتغرق في اي البوم 
وخاصة الالبومات اللي بتجمع الاغاني
من البومات مختلفة 
كل مرة بتعجب بحاجات مختلفة
وبتحب حاجات مختلفة
وبتسمع الحاجات لاول مرة
الباند الغير متوقعة
اللي مفيش اغاني فيها شبه بعض




10 things i hate about you

I hate the way you talk to me, and the way you cut your hair.
I hate the way you drive my car. 
I hate it when you stare. 
I hate your big dumb combat boots, and the way you read my mind. 
I hate you so much it makes me sick; it even makes me rhyme. 
I hate it, I hate the way you're always right. 
I hate it when you lie. 
I hate it when you make me laugh, even worse when you make me cry.
I hate it when you're not around, and the fact that you didn't call. 
But mostly I hate the way I don't hate you. Not even close, not even a little bit, not even at all.























الفيلم المفضل من 2010
اللي بيخلينا دموع دموع 
عيون قلوب قلوب

عن عمي البصيرة وعدم القدرة علي الحكم علي الامور

انا بكره اعبر عن الاشياء
من حولي بمجازات
واشياء غير مفهمومة
بس حقيقي
احيانا بيبقي عندك مراية كبيييييرة اوي
متعلقة علي الحيطة
المراية دي مشروخة 
مليون حته
بس انت مش شايفها
علشان انت جواها
ده مش معناه انك انت اللي مشروخ 
ده معناه بس ان احيانا 
لما بنكون جوه الاشياء 
مش بنشوف حقيقتها
مهما كانت واضحة للاخرين
وده بيعمي بصيرتك 
ولو مؤقتاً
وبيشل قدرتك علي الحكم علي الامور
لا تنجرف كثيراً في الاشياء
وحكم عليها في كل خطوة
لا تدع الاشياء البسيطة تمر
فكر في التفاصيل كلها
واحكم صح علي الامور
ومش تكذب علي نفسك

james levy and the blood red rose

انا بحب الالبوم ده
لسه بحبه
لسه بحب صوت 
جيمس مع السون سوا
بحب الاقينا جوه الاغاني
جوه اصواتهم
الاقي الكون كله جواهم

انا بحب اصواتهم
بحب ازاي هما 
حرفياً بيقدروا يطبطبوا علينا
في الاغاني 
بس بصوتهم

: )))))
الحاجات اللي بنفضل نحبها


الأحد، 20 سبتمبر، 2015

الحب، الخوف و آلة الزمن

الالبومات بتبان
من اسمائها

بوست من الدرافت

كل عام وانت تحاول ان تكون اقرب إلي الله

الحياة سلالم
واحنا في الحياة 
بنطلع السلالم 
بسرعة البرق
وبعدان بنقع من علي السلالم
والجاذبية الارضية بتلعب دورها
فبتخسف بينا الارض
في ثانية 
بعد ما بنقع
بنموت شوية تحت 
بدون اي رغبة في تسلق السلالم
مرة اخري
ساعات بيفوتنا حاجات مهمة
زي الايام دي
اننا صايمين والمفروض نعمل كل الحاجات
اللي ممكن تتعمل
بس بننام وننسي كل شيء
كل السنة مش شرط نبقي احسن من السنة اللي قبلها
ساعات كتير بنبقي اسوء
بس أنت اللي بتقرر
تسلق السلالم قبل فوات الاوان

السبت، 19 سبتمبر، 2015

الخوف والقرارات المصيرية

طبيعي أنك تخاف
أنك تشك
وأنك متعرفش 
انت عاوز تعمل ايه
انت بتحب ايه
تحس أنك محتاج لسه تكتشف الكون
وتقرأ اكتر بكتتتير من اللي انت بتقرأه
نقرأ كتب مفيدة
بدل ما دماغتنا عبارة عن ماية بطيخ
محتاج بدأ تعمل الحاجات اللي بتحبها
علشان تتأكد انك بتحبها
وتستبعد الاشياء اللي بطلت تحبها
تتقبل بسهولة انك ممكن تبطل تحب حاجات بتحبها
ومتكسلش تحارب في شيء انت مش بارع فيه
وان داي يو ويل
مرحلة التحديد المصير مش بتبدأ ابداً خالص
بعد ثانوية عامة 
هي بتكمل معاك

قدامنا سنتين من الفرص لتجربة الاشياء
وعدم اتخاذ قرارات مصيرية 
: )))

اولادنا

ليه مينفعش يبقي عندنا ولاد
يفضلوا بينبهروا بسرعة
بيبسطوا من اشياء صغننة
من اي حاجه وكل حاجه
بيحبوا الحاجات الجميلة
ومعندهمش اي ميول دموية
او امراض نفسية غريبة

بوست برقم 101 في الدرافت

السعادة

السعادة 
لونها 
تيركواز

الاوضة

تنضيف الاوضة
اي يوم واغلب الايام
اللي بنضف فيها اوضتي
بيتنهي الحال دايماً
بسرير زحمة
ونوم في حته صغننة
مهما نضفت في شيء بيحصل
في اللحظة الاخيرة
بيخلي كل شيء علي السرير 
: ) 
انا بحب زحمة السرير
حتي لو بتخلني 
انام وانا مركزة

تيركواز

الشباك الغريب
اللي عادة مش بفتحه
علشان بسمع صوت 
تخبيط المعالق في الاطباق
من المطبخ
مدخل نور الشمس
وانا ببص علي الاوضة
لقيت بهجة
المكتبة اللي بقيت رسمياً 
تيركواز
وبقيت رسمياً
احلي حاجه في الاوضة
انا شيلت يوم الاتنين رسومات إيزابيل
وكنت حاسة ان الاوضة تغرق في التعاسة
النهاردة
انا والاوضة غرقنا في التيركواز
انا فخورة بنفسي
الحمد الله

#تيركواز

أنا بلون الاوضة
عادة أنا والالوان مش علي اتفاق
وعادة انا بلون وحش
هو انا المفروض
استأذن
قبل ما اوقع الاوضة
في علبة الوان؟
لا صح ؟
#مفاجات

الخميس، 17 سبتمبر، 2015

للا

علشان أنا لسه بفتقدك
حتي وأنتي هنا
علشان أنا لسه بعيط
لما اجي اكتب عنك
او اكتبلك
علشان أنا ببقي عاوزة
اقضي معاكي وقت
واشبع منك
علشان لما تمشي ومش تاخدني
معاك
كل شيء يبقي كويس
كنت بحب وأنت هنا علي طول
أنك مش محط اهتمام الاخرين
طول الوقت
واني علي طول بلاقي وقت
ازنق نفسي فيه
ودلوقتي اكتر شيء حزين
أني مش لاقية وقت ازنق نفسي فيه
فاضل 8
مش عملتلك اي شيء عاوزة تعمليه
او نفسك تعمليه
فاضل 8 ايام 
ويبقي فاضل
3 شهور
انا مقولتش اني مش عاوزاك تسافر
بالعكس
أنا بحب أنك عندك حياتك
وأنك لسه بتحقق احلامي
وأنك بقيت كبير وناضج وحلو
انا عاوزاك تسافر
تسافر كتير جداً
بس عاوزة قبل ما تسافر
اقضي وقت معاك
علشان اقدر اسيبك تسافر
: )
يسعد يومك يا لو 
اخر يوم شغل
#سيطرة

إلي نانا

أنا بحب نانا 
بحب التفاصيل 
اللي شوفتها فجاة
بحب لما الاقي
أننا بشكل او باخر 
شبه بعض
في التفاصيل الصغننة
أنا بحب اقضي وقت مع نانا
وببقي مستعدة اعملها اي شيء
اي شيء يخطر علي بالها
علشان تبقي سعيدة
بحب أنها مش تضايق مني
أنا بتعامل معاها 
علي طرتيف صوابعي
بحذر شديد 
مش ببقي عاوزة اكون
الشيء اللي هيضايقها
او يفسد يومها 
وبتعامل معاها بحب شديد
بيبقي نفسي كل حاجه تمشي
زي ما هي عاوزاها تمشي
أن كل الناس تحبها أكتر مما هي بتحبهم
وأنها تحب كل الناس اللي بتحبها
وأن العالم يبادلها الحب
أن محدش يعكر يومها
او يضايقها 
أنا بحب نان حب عميق
وبتمني أن السنة دي تكون مختلفة
كان نفسي أنها تكون مختلفة بوجودي
مش مهمة تبقي مختلفة ازاي
او بوجود مين 
المهم أنها تبقي سعيدة
أن قلبها ينور 
وأن محدش يبوظ ايامها
كل سنة وانتي حلوة يا نان 
: )))))))))

تحت اقدام الامهات

علشان انا دايما لما بتزنق في ريفيو كبير
مش بلجأ للجودريدز
لان الجودريدز مش بيتسع
أني اقول كل شيء أنا عاوزه اقوله
من غير ما افكر قبل ما اقوله
البلوج بتبقي هي المكان المناسب
لكل العك اللي في دماغي

بثينة دايما بتكتب عن حاجات غريبة
قصص استحالة تخطر في بالك 
أنها ممكن تحصل اصلا
دايماً بتعرف توصل لقلوبنا
مهما كانت بعيدة
ودايماً بتخلينا
نقع في شخصياتها
ونصدق أنهم حقيقة
ونتعامل معاهم ببساطة
علي انهم موجودين

القصة بتتمحور حول الاختيارات
والاختيارات الخاطئة
واغلب الاشياء التي تشغل بالك
انا حبيت نورة جداً
الشخصية الوحيدة المنطقية
وسط كل العبث اللي في القصة
أنا حبيت نورة هي ام كويسة في النهاية
اعتقد أننا بنحب الشخصيات اللي بنحسها
وانا كنت حاسة نورة 
حاسة قد ايه هي كانت محتاجة 
بنتها تبقي ليها بس
وقد ايه هي كانت شايفة الحاجات بوضوح تام
وبصدق تام
الشخصية الوحيدة الوقعية في القصة
الرواية بتكلم عن مجموعة من الشخصيات المفرطة في الجنون
وانا بذلت مجهود لاصدق
أن شيئا كهذا قد يحدث
أن هناك اشخاص في هذا العالم
قد يتقبلوا ان طفل يقتل الحيوانات
ويحتفظ بجثثها 
أن يتقبلوا ان يتفنن في الايذاء
وبعد هذا يعطوه مسدس 
كهدية لسوء سلوكه
ويصدموا لما سيحدث
عن قاتل يقضي 3 سنوات فقط في السجن
عن طفل يدفع ثمن جنون جدته
وعندما يخرج من السجن يستقبل كأنه 
قادم لتوه من الجنة
أن تقول له جدته بكل بساطة 
"المرة الجاية إذا قتلت .. ادفن"
أنا حبيت شهلة 
تعاطفاً مع قرارتها الخاطئة
غالباً الامهات دايما بيبقوا عارفين 
الصح فين .. 
وغالباً أنت محتاج تسمع كلامهم
أنا بحب اشكر بثينة
أنها مخلتش مضاوي تتجوز فهادي
لانها ببساطة تستحق افضل منه
لانها ببساطة افضل من أنها 
تتخانق مع صحبتها الوحيدة
علي ولد كان بيستمتع 
بتعذيب الحيوانات 
بولد شايف أنها مينفعش تكون
اي شيء هي بتحلم تكونه
تستحق حب أكبر من مجرد حب مرهيقين
وولد اول لما تلف 
يكتشف ان اي بنت حلوة
واي بنت ممكن يتجوزها
تستاهل اشياء اكثر بذلك بكثير
دايماً كنت متفقة مع نفسي
ان الكسبان دايماً 
هو اللي بيطلع بره التنافس
اللي مش بيقبل يكون له منافس
انك ببساطة تنسحب 
لانك متستحقش ان حد 
يحطك في كفه واي شيء في الكفه التانية
الكسبان هو اللي دايماً بيقول
عجبك خديه
تستاهل اكتر من انها تعيش بقيت عمرها
خايفة لحسن فهادي يحب فطوم
تستحق بيت احسن مع ناس
عندها عقل في دماغها

بثينة دايما بتوصل بالقصص لقلوبنا
وبعد تقريبا طول القصة
وانا مش شايفة بثينة
مش شايفة حتي طريقة كتابتها
اخر50 صفحة
كانوا شبها جداً
أنا سعيدة بالنهايات السعيدة
وبنورة : )
ومضاوي وقرارها الصحيح
مكان زي ده وناس زي دي
مينفعش تعمل اي شيء غير أنك تهرب منهم
حبيت اخطاء التربية اللي مالية القصة

أنا وقعت في حب رواية مش شبهي 
مش شبهي خالص

الثلاثاء، 15 سبتمبر، 2015

قلوبنا بتتعلق

قلوبنا بتتعلق
بالناس الغامضة
اللي مش بتحكي الحكاية كاملة
اللي مش بتسألهم عن الحكاية كاملة
اللي وجودهم بيبقي سريع
وبنفضل فاكرنهم طوول الوقت
حتي لو مكناش نعرفهم كويس
بنفضل ندعيلهم
وبنبقي واثقين أن قلوبنا متعلقة 
بناس ملناش اي اتصال بيهم
الرسايل اللي بتتعلق في الهوا
وعمرها ما بتوصل

تحت اقدام الامهات

بثينة العيسي
من الكتاب
اللي عمرهم ما بيخذلونا
: ))))

للاحلام

للاحلام التي بدأت 
وكانت بداية البداية
خاتم بيبرق في الضوء الشمس
سلسة من 6 7 سنين
ونهاية كل البدايات
قلوب مكسورة افري وير

it's not a true love song

في الاغنية
كاثرين بتحاول 
تقنعنا انها اغنية 
عن الحب بس الحقيقة
أنها اغنية دموية

all this time I was running blindly
I wanna see you on the other side
so come and find me 

هي فعلا كانت بتتخبط في الحاجات
وفعلا مكنتش عارفة هي عاوزة ايه
غير أنها تشوفه في الازر سايد
بمعني اخر ميت
وبتطلب منه انه يجي يدور عليها
ويسند راسه علي كتفها
علشان بسباطة تقتلع قلبه
وتقتله
وبكده احلامها كلها تتحقق
ف أنها حرفياً هتشوفه في الازر سايد
هي مكنتش قادرة تعرف
اذا كان اصلا شخص كويس
شي جست كانت تل

كاثرين متتهوريش


قلة مصادر التوثيق

النهاردة جيت اوثق
بعد ايام كثيرة من عدم التوثيق
وكالعادة الذاكرة لا يمكن أن تعتمد عليها
أكتشفت قلة مصادر التوثيق
وأن تقريباً مفيش اي مصادر
لا فيس بوك، ولا توتز
لا ركوردز ولا اي شيء في اي حته
ولا حتي صور

أنا كنت بحب مصادر التوثيق المتنوعة
اللي بتساعدك توثق
وأنت فاكر صفر اشياء
بحب الاشياء الغريبة اللي بكتبها في كل شيء
بكره ان الناس 
بتبقي شايفني كائن فضائي
ولكني ابداً لم اهتم


الاثنين، 14 سبتمبر، 2015

انا لم اكن ابداً لطيفة

النهاردة 
أنا اكتشفت
أني مش بحبني 
لما كنت صغيرة
بغض النظر 
عن اني كنت بحب اضرب الناس جداً
بس انا
مكنتش لطيفة
مكنتش لطيفة علي الاطلاق
ولما بفتكر الحاجات القاسية 
اللي عملتها كطفلة
مش ببقي فخورة بنفسي

الحمد الله
علي المنعطفات الصحيحة


زيت الزيتون والزعتر

أنا بحب أكتب عن الحاجات اللي بحبها
وانا في المرحلة دي بحب زيت الزيتون بالزعتر
الفطار زيت زيتون وزعتر
العشا ء زيت زيتون وزعتر
أنا بقضي وقت بحلم بوقت الاكل
علشان ناكل زيت زيتون بزعتر
انا اصلا لا بحب زيت الزيتون
ولا الزعتر
بس الاشياء اللي بنعتادها
بنقع في حبها عادي

الأحد، 13 سبتمبر، 2015

الموود التيركواز

انا بقع في حب كل شيء
بدون تفكير
بدون مقاومة تذكر
أنا بحب البيوت
كلها 
الحاجات الجميلة كلها
وغالبا الناس كلها
او بحاول احب الناس كلها
أنا بحب أحب كل حاجه
وبحاول ابقي في 
الموود التيركواز للابد

بيت الاباما

مامت كاثرين 
النهاردة
حطيت صور لبيتهم 
علشان هيبيعوه : (
أعتقد ده دايما
خبر سيء
البيوت بتتغير
وأحنا لسه زي ما أحنا
البيوت الحلوة
احنا مش عاوزين 
نروح نعيش في
الاباما؟!

السبت، 12 سبتمبر، 2015

كوين، انا ورجل البنك اللعين

أنا لا استفيد من الافاكار
التي تملئ رأسي
وهذا قمة الغباء

أجلس أنا واللاب
وكوين بيغنوا 
بعدل في الكتاب
أنا مازلت أنا 

الاشياء نفسها تشبهني
وأعرف أن الكتاب 
لا يشبهني كثراً 
ولا اهتم

الكسل لا امان له

كاثرين بيرس وعيد الميلاد

واحد اتنين تلاتة اربعة
عيد ميلاد سعيد لكل الموجودين
ياريته عيد ميلادنا علشان نحتفل بيه
عيد ميلاد سعيد ونكمل المليون
ياريته عيد ميلادنا علشان نحتفل بيه


النهاردة عيد ميلاد كاثرين 36


الجمعة، 11 سبتمبر، 2015

فرط الطاقة

الواحد حقيقي
مش بينام
من فرط التحمس
زي الاطفال
اللي مش بيبقوا عاوزين يناموا بالليل
ولما بيناموا بيصحوا بعدها
يفضلوا يجروا
ويتنططوا فوق  كل حاجه
انا دايما ببقي في دماغي
الولد في فيلم ايمجن ذات
لما باباه شربه ريدبول
وعمال يجري حولين 
النار ويصوت 
من فرط الطاقة

الثلاثاء، 8 سبتمبر، 2015

10 things I hate about you

Why do you come here
When you know I've got troubles enough
Why do you call me
When you know I can't answer the phone
Make me lie
When I don't want to
And make someone else
Some kind of an unknowing fool
You make me stay
When I should not
Are you so strong
Or is all the weakness in me
Why do you come here
And pretend to be just passing by
But I mean to see you
And I mean to hold you tightly

صوت الست * _ *
البوم الفيلم المفضل
لازم يكون فيه 
اغاني حلوة 
: ))))))

العك ك عك

الواحد بطل يقرأ
البوستات قبل ما ينشرها

بطل يحاول ينسف افكاره

او حتي يبطل يكتب افكاره المكررة

الكتابة بقيت توثيق 
للعك زي ما هو 
ك عك 
: )

لا أحد يقرأ
غيري
فلماذا اهتم 

تحت عنوان تقبل الاشياء 
زي ما هي
بدون محاولة تغير اي شيئ 

النطاطة

حتماً 
لو كانت 
اوضتي أكبر
كنت نقلت 
النطاطة للاوضة

we can do what kings do

عارف لما تفكر
اذا كنت عاوز
تعوز الحلم ده يسيطر عليك

أنا ممكن اسيب حلم أني يبقي عندي
ماي اون بيزنسس يسيطر عليا
وممكن لا
ممكن امشي في الطريق المرسوم في سلام

ممكن اروح اشتغل مع ناس 
بيعملوا فستانين فرح هند ميد

ممكن اعمل حاجات كتير اوي
أنا مش حبه افصح عنها
من كثرة ما قولتها

الكسل بيخليك 
مبتمشيش 

الاثنين، 7 سبتمبر، 2015

الأحد، 6 سبتمبر، 2015

للا وعبد السلام

سعادة اليوم
شكراً ربنا
علي كم الهائل من السعادة اليوم
بالرغم أنني كنت اتذمر بطرق غير مباشرة
وابكي، ولا اعترف أنني اتذمر 
اغلب الوقت
: )))))
للناس الحلوة
ولاكتر اتنين بحبهم
علي وجهة الكرة الارضية
للا و عبد السلام
ما تتبنوني : )))
شكراً جداً 
ليوم كان بائس في اوله
والرسالة صنعت فرق في اليوم
الكثير من الحب 
والامنيات بالسعادة الابدية
البؤس
بداية السعادة

السبت، 5 سبتمبر، 2015

أين السعادة

ألم تتوقف من قبل
تتسائل
وسط كل هذا الهراء
أين هربت السعادة
من 5 ايام
أنا كنت افرط في السعادة
استيقظ كل شيء يسعد
ويبقي هكذا إلي اخر اليوم 
والان
الاشياء لم تعد مذهلة كما كانت
وده شيء بائس

الموود الحالي

زي النهاردة السنة اللي فاتت 
أنا كنت في الفيوم
مع كل الحلوين 
: )))
النهاردة أنا حاسة بحفرة من الفراغ
جوايا
الايام شبه بعض 
أنا بدون احلام ، بدون خطط
بالكثير من القلق والخوف
والكثير من الاشياء التي ارغب فيها
ولا افعل اي شيء لاجلها
لا شيء تحقق هذا الصيف
حرفياً لا شيء
تقريباً
أنا لا اقرأ كثيراً
لا اكتب 
ولا افكر
اقلق وارتعد
لا اصنع اي شيء

لعل الاشياء تختلف هذا الاسبوع

الخميس، 3 سبتمبر، 2015

انا افرط في الخوف

أنا خايفة
أنا حرفياً معرفش الاحساس ده بيجي منين
أنا قلقانة 
ومش عارفة افكر

اكتر شيء بكرهه

أنت شخص يميل للسوء
عأنا لما مزاجي يكون متعكر
بعامل الناس سيء 
#سحقاً
ده اللي اكتشفته النهاردة
والمشكلة 
ان الناس دول بيبقي سو كيوت بعد ما بعاملهم وحش
حتي بعد ما بتأسفلهم
بيفضلوا كيوت علي المدي البعيد
ده رسمياً اكتر شيء بكرهه فيا

الأربعاء، 2 سبتمبر، 2015

التيركواز

اطلي اظافرك 
بلونك المفضل اللامع
كن في افضل موود لديك
لان اظافرك ملونة
ويوماً ما سيكون شعرك
بنفس لون اظافرك
لا احد يستطيع أن ينكر الان
أن الشعر التيركواز
يخبل عليا 
ويخبل في حد ذاته
شكراً مر : ))))
* _ *
في حب التيركواز

fangirl

الكتاب مازل يجلب لي 
المزيد من الاحلام السعيدة
لمجرد 
أن احدهم استطاع 
أن يجعلني أقع في حب كتاب 

الكتاب اللي كنت بقول اني استحالة اقرأه تاني
واكتشفت أن ده عكس بظبط اللي هعمله 
: )))))

شكراً عقبال بقية الكتب * _ *

تكتب أنك ليس لديك اي شيء تريد أن تكتبه

من الجيد 
أن تكون علي وفاق مع نفسك
تجلس في صمت
ليس لديك اي شيء يشغل بالك
وليس لديك أي شيء ترغب في أن تقوله
لذا تقرر أن تكتب 
تكتب أنك ليس لديك اي شيء تريد أن تكتبه
القرارات الجيدة 
تؤدي إلي نتائج جيدة
وكونك تستيقظ كل يوم مؤمن 
أنك ستكون علي ما يرام
تعرف ماذا تريد وكيف تريده
تعرف مالا تريد
تعرف الاشياء التي يجب أن تفعلها
والاشياء التي لا يجب عليك ان تفعلها
تعرف أننا الان
علي وفاق مع هذا الكون

الثلاثاء، 1 سبتمبر، 2015

Maybe you believe in love

أعترف 
أنني بالرغم من أنني احاول طوال الوقت
إلا أنني فشلت
الحب موجود
لانه مازال يخذلنا
ومازال يكسر قلوبنا نصين
أنت مازلت تؤمن بيه
يمكن ده مش علشان تحصل عليه
ولكن علشان تديه للكون
النهاردة اكتشفت أني اشبه كثيراً
الشخصيات في القصص الخيالية
اللي بيؤمنوا طبعاً بالحب
وبيؤمنوا أن الاحلام بتتحقق
وبيؤمنوا بالنهايات السعيدة
ده مش شيء سيء
يمكن أنت المفروض تخلي الناس يؤمنوا
بكل الاشياء الحلوة اللي علي الارض 
ونحاول نؤمن شوية أن مش دايما الحب بيخذلنا
ومش دايما احلمنا بتهرب منا
نحاول نشوف أن مش كل الحاجات وحشة
وأن كل الناس وحشة
وتوري الناس ده
أنت تقدر تحقق احلام الاخرين
وتساعدهم يجروا ورا احلامهم
تقدر تدي حب لكل الكون
وخصوصاً اللي قلوبهم مكسورة
أنت تستطيع ان تصنع نهايات سعيدة 
: )
your high active heart chakra
you can do anything