.

.

الجمعة، 30 أكتوبر، 2015

three wishes - the pierces


We'd be so less fragile
If we're made from metal
And our hearts from iron
And our minds from steel
if we built an armour
For our tender bodies
Could we love each other
Would we strive to feel 

And you want three wishes:
One to fly the heavens
One to swim like fishes
And then one you're saving for a rainy day
If your lover ever takes her love away

You say you want to know her like a lover
And undo her damage, she'll be new again
Soon you'll find that if you try to save her
It will renews her anger
You will never win

And you want three wishes:
You want never bitter
And all delicious
And then one you're saving for a rainy day
If your lover ever takes her love away

You want three wishes:
One to fly the heavens
One to swim like fishes
You want never bitter
And all delicious
And a clean conscience 
And all it's blisses 
You want one true lover with a thousand kisses
You want soft and gentle and never vicious
And then one you're saving for a rainy day
If your lover ever takes her love away

ليس لدي وقت

ليس لدي وقت
لتأنيب الضمير
لقضاء الوقت في البكاء
في السهر لوقت طويل
والبحلقة المستمرة في الحيطة
لهدر الوقت
لدي اشياء افعلها
اهم بكثير من الاكتئاب
مذاكرة 
وتجهيز لبرامج المدرسة
الكثير من الاحلام
الاستيقاظ مبكراً
ببتسامة تجعلي اكمل اليوم
حتي نهايته
الكثير من الطاقة الايجابية
والكثير من الشغف
والكثير من المقاومة للخوف والقلق

البقاء في السرير لوقت طويل
مضر للصحة
وقاضي علي الاحلام
لدي الكثير افعله 
غير التجمد في هذه الغرفة 

تأنيب الضمير

ضميرك
لا يتسع 
الكون كله


تجلس ليلاً 
تبكي بدون 
ادني بذل 
للمجهود
تبكي الاخرين
ومعاناتهم
والساقعنين
في بداية الشتا
تبكي 
انعدام الفرص
انعدام فرصك
في تغير اي شيء
سوء وضع
للاطفال في بلدك
تأنب ضميرها بستمرار
علي اشياء لا تفعلها
لا يد لها فيها
وتفكر انها لا تريد
لا تستطيع أن تكمل حياتها هنا
ضميرها فقط لا يتسع ولا يتحمل

موضوع تعلم المهارات وعدم الاعتماد علي اشياء لا يعتمد عليها

موضوع اليوم تعلم المهارات وعدم الاعتماد علي اشياء لا يعتمد عليها
اهمية أنك تعلم اولادك
مهارات يقدروا يستعملوها
علشان يعيشوا او علشان يقدروا يصرفوا عن نفسهم
طبعاً التعليم في المدرسة واحد منه
انت تقاس بكم المهارات التي تتقنها
ومدي اتقانك للمهارة دي
انت بدون مهارات لا شيء
لا تضيع الوقت في عدم التعلم
وعدم اكتساب اي مهارات جديدة
انت محتاج تتقن مهارات كتير


الاحباط اللي بيجيلك
انك عندك صفر مهارات
تقدر تعلمها لاي حد
وانك ملكش لازمة في الكون

مآساة الكتابة

احنا عمرنا ما بنبقي كبار كفاية
اننا نعرف نعبر عن نفسنا 
بالكالمات وبالشكل اللي احنا بنبقي فاهمينه
ولا بنبقي فاهمين نفسنا كفاية
علشان نقدر نعبر عنها
والحاجات اللي بنقدر نعبر عنها
بين الحين والاخر
عمرها ما بتكون كويسة كفاية اننا نكتبها
ولما بيحصل وبنكتبها عمرنا ما ننشرها
وعمرنا ما بنقدر نقراها تاني
علشان هي مش شبهنا
ولا شبه نفسنا

شكراً اسماء

من الرائع 
أن تقابل اشخاص
اعتدتهم : )

الاشياء كلها ستجد طريقها إليك 
: ))))
حب حب حب 

*يومي النهاردة: 
اسماء ولي لي وأنا 
وكتب كتير حلوة 

الأربعاء، 28 أكتوبر، 2015

the head and the heart


but I miss your face like hell

لا شيء يفوق الوصف قد يحدث

ترتدي ملابسها
تخرج من منزلها 
لا شيء لديها لتفعله علي اي حال
لا مواعيد تتأخر عليها
لا اشخاص لتقابلهم
لا مكان لتتوجه إليه
لا اشخاص تثير اهتمامها
لا شيء يدهشها
فقط الزحام
والمشهد يضيق 
وتملئ فراغاته
بالمزيد من الغرباء
لا جدوي من السير بسرعة
فكلنا ندور في حلقة مغلقة
ونسير في الزحام
نمر بالاماكن نفسها
ولا نري الغرباء نفسهم
لا شيء يفوق الوصف قد يحدث
في هذا المكان ابداً

james levy and the blood red rose


الاثنين، 26 أكتوبر، 2015

وانا وعلم النفس

انا وعلم النفس مكناش بنبقي قريبين من بعض
برغم اننا حرفياً عايشين في جزء علم النفس
في ويكبيديا
واننا بنحب نقرأ فيه كتير
بس انا عمري ما حسيت انه شبهي
لحد امبارح .. اول امبارح تقريباً
يوم الحد اليوم الذي يمل الملل منه
في سكشن مادة مريبة بعنوان علم نفس التعلم
انا عادة مش بكره مواد علم النفس ولكن مش بحبها
ومش بحب اذاكر النظريات
بيبقي كلام ناس انا مش فاهمه والشخص اللي بيشرحه مش فاهمه
بس احنا بننجوا كل عام
وبعدان لاول مرة يبقي فيه سكشن لمادة زي دي
وهو كان عبارة عن 

بوست غير مكتمل من 2015
انا الان في 2017 
اكمله: 

هو كان سكشن لدكتور هبة اسماعيل
كانت بتورينا فيديوهات 
انا مش فاكرة كتير من الفيديوهات اللي شوفناها
بس انا فاكرة
انن في هذه اللحطة  
انا وقعت في الحب مع علم النفس
مع النظريات
بحب النظريات بحب اقراها بحب افهمها بحب اصدقها
دكتور احمد العمري كان بيديني المادة دي
وحرفياً كنت بعمل دماغ في محاضرات علم النفس
كنت بكتب بكتب كل شيء
ببقي فاتحة عيني علي الاخر 
وبتلمع من فرط الجمال
انا كنت ببقي سعيدة
وانا بقرأ عن اشياء انا بحبها 
* _ *


الأحد، 25 أكتوبر، 2015

الاشيا المتكررة

حياتي عبارة عن
اشياء حلوة كتير
الحمد الله
واشيا متكررة ;تير
مواقف ذاتها
اشخاص متشبهين
يجمعهم كلهم شيء واحد
عدم الامان
وانهم ابداً لا يبادلوك الحب

السبت، 24 أكتوبر، 2015

تصرف كما يحلوا لك

في كل المواقف
أنت بامكانك أن تتصرف كما يحلوا لك
دون اهتمام
اذا كان تصرفك يصنف كما يجب
لا يوجد تصرفات صحيحة
وردة فعلك مقبولة تماما
مادامت مساوية للفعل
 لا تبجث دائما عن المشاعر
التي يجب أن تشعر بها
في مواقف معينة

سعادة ايام الشتا

انا بحب الخروج في الشتا
والمشي بهدوء في الشارع
لبسه سوووبر كتير
ومفيش برد واصل لقلبي
الشوارع شبه فاضية
بسمع حاجات بحبها
وبقرأ كتاب علي ضوء عواميد النور
وبكاد شايفة الكلام


احلام

انا عاوزة 
ابقي صوت مألوف

باقة ورد

ولمبة نور

الجمعة، 23 أكتوبر، 2015

الحب والخراء

ليس لدي وقت
لافكر اذا كنت اقتنع 
بوجود الحب
ام العالم 
ملئ بالاشياء
التي نحلم بها وابداً لا نجدها
اشك في قدرة الاخرين علي الحب
وقدرتي انا ايضا
الحب جست
شيء بيكسر قلوبنا كلنا
ويضحك ساخراً ويقول
اي تولد يو سو

الخميس، 22 أكتوبر، 2015

العمق في الاشياء

لان كل الكلام بقي عبارة عن
دراسة سلوك البشر من حولي
والتفكير في النظريات جديدة
وتقسيم البشر لانماط مختلفة
التوصل للحاجات اللي بنكرها
او مش بنقدر نستحملها
للاشخاص اللي مش هنقدر نقرب منهم
او مش هنقدر نعيش معاهم
كل شيء يزداد عمق مع الوقت

الثلاثاء، 20 أكتوبر، 2015

عن الولد الجميل

عن الولد الجميل
الذي يتطوع طوال الوقت
ويستفيد من وقته
الولد الجميل اللي بيروح رحلات كتير
وتقدر تقول انه بيعيش حياته

النهاردة الولد الجميل كان بتطوع
في مشروع تعليم الاطفال
في افريقيا

الولد الجميل بيحقق احلامي كلها

الحياة لم تقسوا عليك بعد

اعترف اليوم
ان الحياة لم تقسوا عليّ بعد
الحياة تحاول الا تقسوا عليّ
الا تقترب مني 
وانا مازلت ارتعد خوفاً
مازلت استيقظ كل صباح
لا ادري ماذا سافعل
ولا ماذا لا اريد ان افعل

نظرية الامان

هندا الصبح جت بسرعة 
عنيها بتلمع 
رنيم انا توصلت لنظرية جديدة

نظرية النهاردة عن الشخصيات الامان
الناس متقسمة نصين نص شخصيات سيف 
والنص التاني شخصيات مش سيف
النظرية بتقول انك تقدر تصنف الاشخاص
بمنتهي السهولة
واننا كبنات بنختار شخصيات مش سيف
علشان نبقي معاهم 
وعادة مش بننحاز للرجالة اللي سيف
وساعات كتير بنكون احنا الشخصيات اللي مش سيف

قضينا انا وهندا وقت ليس بقصير
بنصنف كلللل الناس حرفياً كل الناس
الناس في الافلام اللي بنحبها
والشخصيات اللي في الكتب
حتي نصنف نفسنا

احنا لسه محطناش وصف 
للشخصيات السيف 
والشخصيات اللي مش سيف

بس من وجهة نظري الشخصيات اللي مش سيف
هي الشخصات اللي بترهق بسرعة من الناس
بتقلب بسرعة علي الناس
وبتتعصب بسرعة
عندها مشاكل نفسية
الناس اللي مش بتمسط بسهولة
والشخصيات اللي عاوزة كل حاجه 
والشخصيات اللي مش عاوزة اي حاجه

بس حقيقي احنا امبسطتنا بتصنيف الناس
انا كرنيم عادة بتبعتد عن التنصيف
بس هو كان ريلي فاااان

الأحد، 18 أكتوبر، 2015

the weepies

عادة لما بنسمع
صوت ولد و بنت حلوين سوا
عادة بنتوقع انهم بيحبوا بعض
هما لكن هما
متجوزين وبيغنوا سوا
من 15 سنة
وصوتهم مازل لحد 2015
من اجمل الاصوات اللي سمعتها
أنا حبيت فكرة
انهم لسه بيعرفوا يشتغلوا سوا
لسه اصواتهم بتقدر تكمل بعض
ولسه اصواتهم لايقة علي بعض

السبت، 17 أكتوبر، 2015

الحاجات الغبية

أنا عملت حاجات غبية كتير اوووي في حياتي
1- قررت اعد الناس اللي اعرفهم في حياتي
ودي اخد كراسات كتتتتتتتتير اوووووي
2- قررت اكتب كل يوم أنا بحب كل الناس
قد ايه وده كان شيء متخلف، وسوبر غبي
وملوش اي لازمة
3- قررت اكتب بايدي الشمال
وعندي كم غير منطقي من اشياء تشبه الشخبطة
ده انا وانا بكتب ايدي الشمال
4- قررت أني اكتب كل الاغاني اللي عندي علي الموبيل
وده مكنش غبي لهذة الدرجة
5- قررت اعمل كراسة لل lryics  
خصوصاً ل the pierces 
5-قررت احسب كل اغنية كام دقيقة علشان اعد البلاي ليست بتاعتي
كام ساعة
6- احتفظت بكراسات سارة كامل ومش بس كده وبكتاب الجغرفيا بتاعها
7- احتفظت بكتب وكرسات اسماء صحبتي من 6 ابتدائي


الجمعة، 16 أكتوبر، 2015

باسكال عساف

تقول أنا طفلة،
لا تقسو عليّ،
بريئة من أفعالي،
وتبتسم...
أنا المنهمك بإعادة
تركيب ضلوعي،
وتوصيل أطرافي المكسّرة،
ولصق ما سقط من شفاهي،
أفكّر
طفلة وأحدثت كل هذا الدمار
لو تكبُر أو تعترف أنها امرأة
ستشنّ وحدها
الحرب العالمية الثالثة،
ستنهار أمم،
وتسقط دول،
وتتغيّر أنظمة،
وكل ما تبقّى من العالم
سينصرف الى أكل الخبز،
والزيتون،
وأصابعه ندامة...

نظرية المستويات الخمس

امبارح توصلنا لنظرية جديدة مهمة 
بالنسبة لنا ومكناش بنعرف نعبر عنها
كل الناس تقريبا بتحلم تلاقي شخص يشاركها 
هوايتها والاشياء اللي بتحب تعملها حتي لو الشخص ده
مش بيحب الاشياء دي
المستويات قائمة علي انه الشخص مش بيحب الحاجات دي ومش بيتسمتع بيها

مستوي 1 من المشاركة: بيكره اللي انت بتعمله ومش بيسيبك تعلمه

مستوي 2 من المشاركة: بيكره اللي انت بتعمله وبيسيبك تعمله 
بس بيقضي طول الوقت بيتذمر منه

مستوي 3 من المشاركة: بيسيبك تعمله ومش بيعلق علي الموضوع خالص

مستوي 3 متميز من المشاركة: ده بيسيبك تعمله وكمان بيساعدك تعمله

مستوي 4 من المشاركة: بيقعد معاك وأنت بتعمله

مستوي5 من المشاركة: بيعمل معاك اي كان اللي انت بتعمله وبيستمتع بيه

الاشخاص مش بيبقوا مستوي واحد في كل شيء 
ولكن بيبقوا مستوي في كل حاجه انت بتحبها
مستوي للقراءة مستوي للكتابة مستوي للافلام مستوي للشوبينج ومستوي لماتشات الكورة مثلا
ولكن مينفعش بنت بتحب تقرأ زي عنيها تجوز واحد مستوي 1 في القراءة
لازم علي الاقل يبقوا الاشخاص دول متفقين علي الاساسيات 
اللي هي أ ب هما أ ب هوياتهم والحاجات للي بيحبوا يعملوها
ويعرفوا الاشخاص اللي هما بيحبوهم في كل شيء هما بيحبوه في مستوي كام منه
علشان تبقي عارف ايه الحاجات اللي هنعملها سوا والحاجات اللي انت هتعملها لوحدك والحاجات اللي مش هتعملها
مستوي 1 سيئ كلنا عارفين ده .. وده شيء واضح جداً 
متجوزش حد مستوي 1 في اي شيء انت بتحبه وبتستمتع بيه
مستوي 1 لو مش بيقبل النقاش والحلول الوسط هتبقي حياة قاتلة
ممكن تبقوا انتم الاتنين مستوي 1 في شيء وده مش سيء 
الفكرة ان المستويات مش بتخليك بس ترفع من سقف توقعاتك
وتقعد تحلم بحاجات الاشخاص التانية هتعملها معاك 
وهما مش بيحبوها .. 
وحاول تكون انت مستوي 5 
من غير ما تحاول تكون 5 وانت اصلاً واحد وتنكد علي الناس اكتر
حاول تستمتع باي شي بتعمله مع الشخص اللي بتحبه
تستمتع علشان انتوا سوا علشان طرف فيكم مبسوط
قدرة الخلق علي حب الاشياء التي لا يحبوها لمجرد
ان الشخص اللي بيحبوه بيحبها : )))
ولا تطمح في أن تجد شخص مستوي 5 في كل شيء انت بتحبه
مستوي 5 شبه غير موجود بالخدمة في الوقت الحالي
ارجوكم اكثروا منه : ))

بوست مريب

انا بحب اللبس الكحلي جداً
وهو من الالوان اللي مش بعرف البسها
بشتري تي شرتات كحلي
وشربات كحلي
وببقي سعيدة جداً بالاشياء الكحلية في الدولاب
انا بحب اللبس المخطط والمنقط
وبحب اللبس الكحلي المخطط او المنقط
من انجازات السنة دي اني اشتريت مع هندا خلخال
انا مش نوع البنات اللي بتلبس خلخال
بس هو كان قلوب قلوب
بفصوص صغننة لونها موف
الكسل بتاع اليوم
وظاهرة لبس لبس النوم
من غير ما نعدله
ظاهرة التلج اللي بيجي بالليل في الاوضة
والخوف من انك تنسي تلبس بكم


الخميس، 15 أكتوبر، 2015

احلامي

نفسي اسافر 
لمكان جديد
واتطوع في مشروع
لتعليم الاطفال الصغنين
المجهود المبذول هنا
في صنع التغير
لا يصنع اي تغير
بنسند راسنا علي كتف الاصدقاء
ونحلم سوا بحلم واحد
اننا نغير حياة شخص واحد
عيون بتلمع 
والكثير من الاحلام

انا ومر ورجل البنك

انا ومر بنتكل في التليفون كالعادة
مفيش حد في البيت
بشغل الباند المفضلة عندي
اللي مش شبه مر 
بنبص في ملف ورد واحد
في مكانين مختلفين
بقرألها كل ما كتبت 
من رجل البنك
اغلب الوقت 
بنضحك لحد ما نعيط وبطننا بتوجعنا
وبفضل اركز في التفاصيل
واسألها عن التفاصيل
ونسأل جوجل في التفاصيل
ونموت من الضحك
القصص القليلة
اللي عمرنا ما حسانا انها قليلة
وحبنا للابطال اللي بنصنعهم

الأربعاء، 14 أكتوبر، 2015

اسبوعي

المحاضرات 
اللي بقعد فيها قدام
وبرفع ايدي وبسأل كتير
والمحاضرات 
اللي ببقي قاعدة مستريحة
ببتسامة واسعة
وعيون بتلمع
بكتشف اننا في النهاية صحاب
وفي النهاية احنا شبه بعض
شبه بعض اكتر ما هو واضح
الاصدقاء
اللي بنسند راسنا علي كتفهم
وبنقعدهم قدام في اول بنش
في كل المحاضرات
حتي لو هما بيكرهوا ده
بنتقاسم معاهم كيس ملئ بالبلح
في المحاضرة
بنضحك سوا علي حاجات غريبة
ونتذمر سوا
ونرخم علي بعض علشان نفضل نضحك
وبنتمشي سوا كل يوم 
بنعاني سوا 
بنضايق من الناس نفسهم
وبنفضل نفكر بعض طوول اليوم
بتلاقيهم لما بتعيط
لما بتعوز تعيط
وحني لما بتفكر تعيط
للاصدقاء اللي بنكتسبهم
والناس اللي بنسلم عليهم كل يوم
لحد ما نكتشف انهم بقوا صحبنا
وسهولة اكتساب اصدقاء جدد
والناس الكتير اللي بتضحكنا
وبتبعتلنا الكثير من الحب
وبنبعتلهم اضعافه

الأحد، 11 أكتوبر، 2015

#فلسطين

بغض النظر عن مدي ضعفنا
احنا استيل عنينا بتلمع واحنا بنتكلم 
عن انتفاضة فلسطين
وبنام نحلم بقبة الصخري
لسه بتحمس واحنا بنحكي الاحداث
وبنحلم أننا نبقي اقويا يوماً ما
ونروح هناك
نحلم بالقاء قريب
وبنبطل نسأل عن سر حبنا
لكل الناس هناك
ولحب المسجد الاقصي 

السبت، 10 أكتوبر، 2015

Is there a river in the sky? An ocean just behind your eyes?

Friends I had from younger days
mostly have been washed away
Time's a river so they say, and then you drown,
and then you drown
Heavy storm about to cry like a river from the sky

Life is like a waterfall and you are falling like a doll
You never think of me at all, there isn't time, 
there isn't time
Heavy storm about to cry like a river from the sky

Never you mind, sweet waste of time
Truth is unkind, truth is unkind
You were never mine sweet waste of time
Truth is unkind, truth is unkind

Is there a river in the sky?
An ocean just behind your eyes?
Every night I say goodbye to you again, to you again
Heavy storm about to cry like a river from the sky

أنا وضوء الشمس

في كلاس اليوجا النهاردة
والمكان شبه مظلم
وانا قاعدة في البقعة الوحيدة 
اللي دخلها نور الشمس
بابتسامة واسعة 
ورغبة في احتضان الكون
انا كنت ببرق في المراية 
شكلي وانا بلمع في ضوء الشمس
مليانة حب للكون 
ده أنا ده اللي المفروض اكونه
نجوم بتلمع جواك 
ولا شيء قادر علي اطفائها 
ولا حتي بعضاً الايام التعيسة

الجمعة، 9 أكتوبر، 2015

I'll be your sunflower

When the sky is grey
Hope just hides away
I'll be your sunflower
When you can't stand up
Even love is not enough
I'll be your sunflower
I shine for you
You know I'd do
Anything for you
When you're in the dark
When you need a spark
I'll be your sunflower
I wanna be the company you keep
I wanna be the one you come to when you fall asleep
If there's a place to grow
In your heart let me know

الخميس، 8 أكتوبر، 2015

انا بهرب من الكتابة

انا بهرب من الكتابة
سوبر بهرب من الكتابة
والنهاردة اخدت قرار اني هبطل اهرب
روحت شؤن الطلبة
وقولتهلم اني هاخد مادة
بعنوان art of writing

البحلقة في الحيطة

التحديق المباشر
في الحيطة
لاني وببساطة بطلت ابحلق في السقف
بفكر كام صندوق يقدروا يكفوا حاجتي
كام شهر محتاجة علشان افضي اوضتي
وكام كيس زبالة يقدر يشيل
كل الورق اللي ملهوش لازمة
عن الاشياء اللي تقدر تستغني عنها
عن الحاجات اللي لازم تستغني عنها
والحاجات اللي لا يمكن تستغني عنها
حبنا للاماكن
وقدرتنا علي الاستغناء
قدرتنا علي التحمل
والقوة التي نملكها
كل مكان يشعرني أكني في منزلي
ولا يهم أين سنكون  
بعد 4 اشهر من الان
لا يهم ابداً
ما دمنا بصحبة اشيائنا المفضلة
وكل الناس اللي بنحبها

الأربعاء، 7 أكتوبر، 2015

الباليلة

الوجبة الاساسية 
للكائن المحارب
باليلة من غير لبن
ساقعة علشان 
بنكسل نسخنها
بالسكر والقرفة

الباليلة السخنة 
بتفكرني ب
ايام المدرسة الصبح

الباليلة كانت ومازلت وجبتي المفضلة
شكراً ماما

you can't go back now

Yesterday when you were young
Everything you needed done was done for you
Now you do it on your own
But you find you're all alone
You know there will be days
When you're so tired
That you can't take another step
The night will have no stars 
And you'll think you've gone as far 
As you will ever get
But in the end, the only steps that matter
Are the ones you take all by yourself

 walk on, walk on, walk on
'Cause you can't go back now

Adam 2009

-Adam?
Why do you want me
to go to California with you?

-You
You a-are...
like a part of me.
and
I n– I need you...
to help me find a place to live...
and to learn how to get to work and...  
you understand what it means
when people say crazy stuff..
and, um...  
I couldn't go without you.
  
-If you want me to go because...
you can't go without me, I can't go.




المنعطفات الخاطئة

انت مش عارف
فين الغلط
بتبحلق في اللا شيء
وبتسأل نفسك
أمته الاشياء بدأت تاخد 
منعطفات خاطئة
أمته بقي عندك مشاكل غريبة
أنت حاسس بيها
بس مش عارف تحددها بظبط

الاشخاص رافضي النضوج

انت مش عاوز تكبر
مش عاوز يبقي ليك بيت لوحدك
ومش عاوز تضطر تشتغل
انت مش عاوز حتي تسافر لوحدك
انت خايف أنك تكبر
وتضطر تعمل كل حاجه 
الفكرة انك بتكبر
حتي لو أنت رافض ده
الفكرة انك مش هتعرف تهرب 
وكل حاجه حوليك بتقول 
أنك كبرت 
وانك تقدر تعمل الحاجات كلها لوحدك
وأنت بس خايف
زي عربية لعبة
في الطريق السريع

الاثنين، 5 أكتوبر، 2015

انا كشخص تافهه

انا لما بقلق من شيء
وده مؤخراً بيحصل كتير اوي
بفضل احاول اقلل من قيمة الشيء
وافضل احاول افكر 
ان فيه اشياء اسوء من كده بكتير ممكن تحصل
اننا ممكن ميبقاش عندنا بيت او اكل او صحاب او ماما 
وبفضل فترة طويلة بذكر كل النعم اللي انا سوبر ممتنة ليها
وبفضل افكر ان ها قد ايه مشاكل ولا حاجه
وحاجات صغننة 
واني المفروض اتكسف من نفسي
علشان بقلق علي حاجات تافهه
حتي لو هي سوبر كبيرة وسوبر مهمة دلوقتي
انا مبعرفش اسيطر علي القلق
او افكاري السلبية
اللي بظبط قبل من سنتين مكنش عندي منهم
انا ساعات لما ببقي مش كويسة
ببعد عن الناس اللي انا مش المفروض ابعد عنهم
علشان انا ببقي لابسة نضارة سودا
وكل شيء بيبقي اسود
نضارة سودا عارفة انها مش المفروض تبقي سودا
وأنها مش ذات ماتش سودا
وان الناس مهما بتحاول مش بتعرف تنجح 
بدرجات عالية ف انهم يخففوا القلق
المشكلة انك عارف ان فيه جانب مشرق
وعارف أنك شاطر
وعارف أن مفيش حاجه سووووبر وحشة هتحصل ان شاء الله
وبرغم كل ده انت مش بتعرف تسيطر علي اي شيء
لا افكارك ولا مشاعرك ولا خوفك ولا قلقك
أنا كنت فاكرة ان التذمر هو السبب
انا بقالي فترة مركزة اني مش اتذمر
ولحد اول امبارح انا كنت مستسلمة جداً
ومكنتش بفكر اتذمر
وبعدان النهاردة اكتشفت انه ملوش علاقة بالتذمر حتي
انا بس ببقي غالبا محتاجة 
حد بس يقولي ان الاشياء هتبقي كويسة
حتي لو انا عارفة انها هتبقي كويسة
وصحاب حلوين يروحوا معايا البيت من الكلية
انا ممتنة لصحابي
شكراً رنيما، سيهاما ، يو علشان انتم دايما حلوين
وانا بحبكم : )

شكراً جوجل

how to be positive 
how to be optimistic
how to stop being afraid
how to stop anxiety
what is the fastest way to kill yourself without a gun
suicide methods 

مراحل ال***

بتعرف ان فيه حاجه هتحصل
بتخاف انها تحصل
بتقلق منها تحصل وتفشل فيها
بتحاول تهرب
بتحاول تهرب
وبتفضل تحاول تهرب
تكتشف أنك مش هتعرف تهرب
بتبدأ تواجه 
وبتنجح

أنت بتقلق تخاف
وبتقلق تقلق
وبتقلق تنجح
وبتقلق تفشل
وبتقلق لحسن تفشل اكتر من اي شيء 

عزيزتي صاحبة 19 سنة
أنتي صغيرة اوي علي كل القلق ده

الفكرة انك بتقلق علي اشياء لا تستحق القلق
وانت عارف انها لا تستحق
وان مفيش حاجه ذات ماتش وحشة هتحصل
بس انت استيل بتقلق
واستيل بتقعد انت وصحابك 
وتعملوا حفلة عياط في الكلية
ودي عبارة عن كل واحد
بياخد دوره ف انه يشتكي ويعيط
يوم سوبر متعب
مليان ناس كتير بنحبهم بيعيطوا 
منهم أنت 

الضغوط المستفزة التي تحيط بنا
كل التفاهه 
التي لن نتذكرها بعد خمسةاعوام
لن تصنع اي اختلاف بعد خمسة اعوام
بل سننساها بعد 90 اسبوع مؤكداً


الأحد، 4 أكتوبر، 2015

قد نتسيقظ غداً علي مدينة محترقة

ليس مشكلة الكون
أنك تذعر سريعاً
انك لا تريد أن تبقي وحيداً طويلا
انك تفتقد اصدقائك
ولا تقوي علي تحمل المسؤلية وحدك
لا تذعر 
واستسلم للنوم

السبت، 3 أكتوبر، 2015

التحويل من المدارس اسلوب حياة

التحويل من المدارس
هو كل حاجه في الحياة
مش سهل
وبتاخد فترة عقبال ما تقرر انت عاوز تروح فين
لان ببساطة كل الخيارات شبه بعص
كلها عندها مميزات وكلها عندها عيوب
وبعدان بتبدأ تدور علي صحابك اللي هتروح معاهم
وبعدان تقرر تحول
لانك ببساطة نقيت عامل واحد
وخليته هو علي راس قائمة الاولويات
لما تيجي تحول
التحويل مش سهل برضوا
لان ببساطة مفيش اي شيء سهل
لازم علشان تحول تجيب حد
حد ياخد مكانك
والحياة عبارة عن ايه
غير ناس بتكره مكانها
وعاوزة تغير وناس عاوزة تاخد مكانها
وناس بتاخد مكانك لما بتستلم
وناس تاخد مكانك في حياة الاخرين