.

.

الاثنين، 30 نوفمبر، 2015

الأحد، 29 نوفمبر، 2015

شكرا لك

انا بحب احساس الامان
اللي كنت بحسه معاك
ان الدنيا ثابته ومفيش اي حاجات
مقلقة هتحصل
اني مش لوحدي ومش هكون ابدا وحدي
وان الحاجات كلها هتبقي حلوة في النهاية
ان الحاجات الحلوة حرفيا عرفت طريقنا
وبطلت تضل طريقها
ان الدنيا مهما ضلمت
تقدر في ثانية تنور

السبت، 28 نوفمبر، 2015

51

زي السنة دي
بقالي 3 او 4 سنين
ببقي في الوقت ده 
بذات من السنة 
58 او 59 كيلو
انا عادة مش بحس ان ده كتير
مش كتير خالص
بس انجاز السنة دي
اننا بقينا بناكل اكل مفيد
بنعك .. بنعك طبعا
بس العك له عدد
انا سعيد
اني صحي
اكتر من اني سعيد
اني وصلت لوزن مش وصلتله مثلاً
غير في اولي ثانوي او 3 اعدادي

الخميس، 26 نوفمبر، 2015

من ياسمين والكثير من الحب #توثيق

البنوتة الحلوة ..
البنّوتة اللي جمعنا حبّ قلب واحد ... وورد الحروف الطارح من قلب روح واحدة ...
بتتمّ النهاردة ٢٠ سنة .. !
وأنا بتمنالها عيد ميلاد سعيد ... وأيّام حلوة سعيدة ...
شفت صورتي من ١٥ سنة ... شفت نفسي وأحلامي ... شفت قلبي ...
غمّضت عيوني ودعيت ... من جوّه الروح ..
من على ّ بُعد ١٥ سنة ...
قلبها يبقى فعلًا أسعد ...
و طريقها يكون أوضح ..
واختياراتها تكون أجرأ ...
أحلامها توّصلها وتلمسها ... وتحضُنها ... وتفرح بيها ...
نفَسها يكون أطول ...
والحيرة تفارق طريقها ...
يارب ...
ارزقها الأحلام مضّفرّة بالفرح ... والهنا .. وراحة البال ...
بحبّك يارنيم ... 

الأربعاء، 25 نوفمبر، 2015

الدقائق التي تفصلنا

الدقائق التي تفصلنا
نقضيها نذاكر
فاضل سنتين

you are rocking this teacher thing

أنا اعترف
انا بحب يوم الاربع
بحب اروح المدرسة المريبة
اللي مامتي كانت فيها وهي صغننة
وواقعة في حب شوية اطفال صغيرين
بس هما كبار جداً جداً
من الطف الاشياء اللي ممكن تحصلك
انك تكتشف قدرتك انك تخلي اطفال 
غرباء جداً ومتشردين جداً
يقعوا في حبك
ويتقبلوا عدم تقبلك للاشياء اللي متعودين عليها
برغم أن الاشياء الصغيرة
اللي انت بتعملها مش هتفرق معاهم
ولو فرقت معاهم هيجي حد في 3 ثواني يهدلك كل شيء 
الا ان أنا بحب اخليهم يجربوا حاجات جديدة
ويلعبوا بحاجات مختلفة
يسلفوا بعض حاجتهم ويرجعوها لبعض تاني
يحفظوا علي حاجتهم ويبطلوا يشتموا، يضربوا، يتخانقوا سوا
بغض النظر عن انهم بيشتموا وبيضربوا وبيتخانقوا مع كل الناس
كفاية انهم اقتنعوا انهم صحاب 
ل مجدي بعيونه اللي بتلمع
الولد اللي ببقي عاوزة اخده معايا البيت
كل يوم اربع 
الولد اللي عمره ما هيبقي شبه ولادي : )
للمي البنت اللي غالبا لو عندي بنت هتبقي شبهها بطريقة كبيرة
وللاطفال الحلوين 
الكتير اوي اوي
وكمية الحب اللي بديهلهم كل يوم اربع
لكمية الاحضان وكمية الطبطبة
انا ببقي شبه الاء 
انا بحب الاء علشان هي بتعرف تتعامل مع الاطفال
انا شبه مش بقفش ومش بزعق 
وبتقبل الاشياء كلها بصدر رحب
من غير نوتي تشير من غير ما اطرد اطفال من الفصل
من غير ضرب، شتيمة، تهزيق 
انك عارف انك مسيطر 
وانت كيوت ومش بتخرج عن شعورك : ))
لتقبلهم ان الميس بتاعتهم 
بترقص رقصات تحمس في الفصل 
بعد ما الدكتور بتاعتها بتقولها انها ممتازة
انهم بياخدوا بالهم من الباب
وبيفضلوا طول اليوم يقفلولي الباب
او ينزلولي النقاب علشان الباب مفتوح
انهم بيكونوا محترمين معايا
مقابل اني ابقي محترمة معاهم
للصغيرين اللي بيخافوا من الضرب
وللصغيرين اللي مش بيخافوا يقولوا الصدق
للصغيرين اللي بسبلهم مقلمتي مليانة الوان
من غير اي الوان ناقصة وسبحان الله كل مرة بترجعلي
للاطفال اللي مش بيعرفوا يعبروا عن الحب 
ولا بيعرفوا يعبروا عن اي شيء اصلا
بدون ادني اذواق او اراء مستقلة
وتقليد اعمي للاخرين
يوم الاربع يوم حلو
أنا بحبهم كلهم كلهم
وبحب احفزهم واقولهم انهم شطرين لما يبقوا شطرين
لفريق البازل اللي بيقطع رقاب
والولاد اللي بتلون حلو
والولاد اللي بتعرف تكتب اساميها كاملة 
الولاد اللي بتكلم وبتحكي
ولمحمد مسئول الفرشات في الفصل
الولد اللي لو اديتله اي شيء هيعمل منها فراشة
لاحمد شريف وشعره اللي لسه لحد النهاردة ملوش اسم
ومجدي اهم شخص في الفصل
وعمرو بطل البازل 
ليزيد ويوسف وحسن 
اكتر صحاب في الفصل
ليسين وبكمية الاستيكرز اللي بياخدوها
ولكل اللي مش بيضيعوا حاجتي 
وبيسمعوا الكلام 
ومش بيمانعوا يتأسفوا
او يستأذنوا 
للي بيخافوا علي حاجتي 
وبيرجعوها لي زي ما هي 
برغم تشردهم

الحمد الله 

توثيق للموسيقي الحالية

the weepies
light me up
sway
lungs


اللي خايفين قلوبهم تكسر

للاحلام المشتركة
بين كل الناس في هذا الكون
الاشياء التي لا نعرف اذا كنا نريدها
ومن فرط انتظارها نؤمن 
أنها لن تأتي 
واحيانا قد تأتي 
ولكننا نهرب اسرع منها
للناس حولين الكون
اللي قلبوهم مكسورة
واللي خايفين قلوبهم تكسر
وخاصة اللي خايفين قلوبهم تكسر
الناس اللي مش بتاخد خطوات
وبترجع خطوات 
فاقدي الايمان
والثقة في الاخرين
اثبتوا مكانكم 
الاشياء ستأتي من حيث لا تحتسبوا 
لا تفقدوا الامل
ولا تأملوا كثيراً
ولا تهوهموا انفسكم ان الامر لا يهمكم كثيراً


باسكال عساف

وفي كل مرة
رأيتك تضحكين،
سقطت في حبّك 
من جديد...
حتى تكسّرت
عظامي كلّها،
ولم تفهمي بعد
أنك أجمل أوجاعي.

الثلاثاء، 24 نوفمبر، 2015

قلبي ومفتاحه

الاغنية اللي في لحظة 
بترجعنا للسعادة
شكرا فرجينيا علي الاجازة السعيدة
والمساحات الواسعة
واكتشاف الذات 
والوقت السعيد مع هندا
* - * 
انا متحمس انك ترجعي مصر قريب

الأحد، 22 نوفمبر، 2015

محاولات الفهم

عن محاولات فهم الاشياء 
التي تحدث بالداخل

النهاردة كنت بفكر اني يمكن بس 
بحب الفت الانتباه
بحب الناس تهتم بيا
وببقي مش كويسة علشان الناس تهتم بيا

انا بحاول اجري في كل الاحتمالات
حتماً فيه شيء غلط
وحتماً انا مش عارفة هو ايه
ومش عارفة اسبابه

انا بطلع وانزل في مشاعري
بسرعة جداً 
وبطريقة مش طبيعة

وعيد ميلادي يوم الخميس

رنيما

النهاردة 
لما قابلت رنيما
رجعنا تاني للسنة اللي فاتت
انا بحلم 
ابقي زي رنيما
بقلبها الكبير
وبحلم انها تبقي سعيدة وتفضل سعيدة
وانها تلاقي طريقها مهما تاهت
ومش تتشتت ولا تتضايق
ان الكون يفضل يبادلها الحب
علشان هي بتحب كل الكون فعلاً
أنا بحب رنيما 
وبحب ابقي شبه رنيما
وبحب اقضي وقت مع رنيما

السبت، 21 نوفمبر، 2015

عن محمد محمود

انا لا افكر 
في محمد محمود
انا لا افكر في المعارك
واتجانبها 
كأنها لم تكن
كأننا لم تكن هناك
كأننا لم نعيشها
كأننا لم نقضي اياماً سيئة 
ولم نشهدها قط

احنا كنا مغفلين في 2011

الجمعة، 20 نوفمبر، 2015

عيد ميلادي

انا عرفت أنا عاوزة ايه في عيد ميلادي السنة دي
جس وات؟ 
: )
انا عاوزة اروح حفلة توقيع الجزء التاني لكتاب باسكال عساف
فين؟
في بيروت 30 نوفمبر 

#الحقيقة

الاشياء التي تحدث

ساعات بفكر
اذا كنت انت اللي مانع عني الخوف
لو كنت انت 
الحيطة اللي مش بيعدي منها المشاعر السلبية

بس انا معنديش اي احلام
معنديش امنيات 
معنديش اي شيء عاوزة احققه
وعاوزة اشتري كراسة للسنة الجديدة
ومش عارفة انا ممكن اكتب فيها ايه
انا كنت بحلم ان افضل اكتب في الكراسات 
طول الوقت
وبعدان بدأت احس انها كانت مرحلة 
محمسة جداً
أنت عارف أنت عاوز ايه
بتحلم بايه نفسك في ايه بتفكر في ايه
بتحب ايه وبتحب مين وعاوز تشتري ايه
وعارف حتي الحاجات اللي مش هينفع تحققها
هجيب كراسة اكتب فيها
اخلص الترم الاول في التالته
الترم التاني في تالته
الترم الاول في رابعة
اتخرج من ام الكلية 
مش هلاقي اكل.  النهاية
الاشياء محتاجة تاخد 
منعطفات مختلفة 
زي مثلا اهلي بيقرروا يهاجروا
نموت مثلا كلنا مرة واحدة في حدث واحد

انا كان عندي احلام 
برتفاع مبني من 100 دور
وبعدان بمنتهي السهولة والبساطة
بدأنا نهد في الدور الاول 
ونكسر في الحيطان 
وبعدان مبقاش فيه مبني
مبقاش في احلام
ولا 100 دور
مجرد اشياء كنت عاوزها
لسه عاوزها
بتفكر تعوزها
حاجات كل الناس عاوزاها 
حاجات انت عاوزها واضحة وصريحة عمرها ما هتيجي
حاجات انت عاوزها صعبة تتحقق
اشياء انت عاوزها مش بتسعي إليها 
واشياء انت مش عارفها وبتسعي فيها
وبتمشي مغمض عيونك 
بتخبط في كل الحيطان 
ومفيش ولا ممر سالك 
ونو واي اوت 
يوا ار استك ماي فريند

أنا وتفسير الاشياء

أنا بحب افسر الاشياء
وبحب ابقي فاهمة نفسي
وفاهمة ليه بعمل اي شيء
او ليه مش بعمل اي شيء
ليه بحس الحاجات اللي بحسها
وامته بمبسط وامته بتعصب
وبحاول اني اوصل لقواعد 
واضحة وصريحة 
لتعامل معايا
علشان الناس متغلبش
علشان احنا بنات
وده أ ب بنات 
محدش بيعرف يتصرف معاهم
ومؤخراً الدنيا مبقتش 
سهلة وبسيطة 
الحاجات بقيت معقدة جداً
والمشاعر بقت غير منطقية وملهاش اسباب
ومش بترضي تقف
الواحد عادة بيبقي متعود انه يتحكم في مشاعره 
بدون ادني بذل للمجهود
دي الحاجات اللي مش عاوزين نحسها ولا هنحسها 
النهاية
زي الغيرة او زوال النعمة زي الكره مثلا 
معرفش بس بيبقي فيه حاجات ببساطة جداً بنتجاهلها
امبارح أنا كنت بكتب بوست ومسحته
عن الخوف
عن اني مش الشخص اللي بيخاف 
انا الشخص اللي بيحب المغامرات، الاماكن المرتفعة
والفرص الجديدة للتعلم
وانك مش هتفضل انت كتير
يعني لو انا فضلت اخاف 
هبطل في يوم اقول انا مش نوع الشخص اللي بيخاف
علشان هكون فعليا بخاف
انا عادة مش بخاف وبحب اجرب
ومش بخاف افشل ومش بخاف انجح 
عادة الامر لا يعنيني 
وعادة انا لا اهتم
الغريب الحاجات اللي فجاءة 
بتقرر انها تبقي حاجات مهمة 
حتي لوانت مش مهتم بيها
وحتي لو اهلك وصحابك مش مهتمين بيها
انا مش الشخص اللي بيلتزم لوقت طويل
ومش الشخص اللي يقدر يعيش ترم بخطة واحدة
اننا نخلص الشغل اللي ورانا ونذاكر
مش عاوزة اخرج مش عاوزة اعمل اي شيء
لا شيء احققه ولا شيء احلم بتحققيه
واقضي الاجازة بخاف علشان الاسبوع الجاي
علشان الترم الجاي
علشان السنة الجاية
انا نفسي اقتل الخوف 
ونفسي محسش بيه تاني
اعتقد ده من اسوء المشاعر افر
الم البطن وجع القلب
والقلق والافكار السلبية 
يارب يارب يارب
أنا عاوزة اتعلم الدرس ومش عارفة

يارب

يارب 
انا محتاجة حبة ثقة
والكثير من السكينة والهدوء

الخميس، 19 نوفمبر، 2015

الاشخاص الذين يعرفون كل شيء

الاشخاص الذين 
يكتشفون الامر كله
في اقل ما 3 ايام
يتوقعون ما ستفعله بسهولة
ويحذروك من أن تقع
وأنت تعرف أنك ستقع
يعرفونك افضل مما تعرف نفسك
للرسائل العابرة
والاشياء التي تحدث بالمحض الصدفة
لو أنك تؤمن بالصدف
الاشياء التي ترسل إليك 
لتقول لك فيما بعد 
الم اقل لك؟!
للاشياء التي تحدث 
ولا تعرف كيف تكتب عنها
والاشياء التي تكتب عنها ولا تحدث
الاشخاص الذين نبتعد عنهم
ونحن نريد أن نقترب
للاشخاص الذين نفتقدهم
والاشخاص الذين لا ننساهم
لقراءة الرسائل مراراً وتكراراً
ومراجعة العلامات 
لعلنا اغفلنا تفصيلة صغيرة

light me up

I am looking for a light up

حلم أن تعامل نفسك كما تعامل الاخرين

بتتعلم ازاي
ترفع معنويات الاخرين
وازاي تقنعهم ان شغلهم حلو
وتزود ثقتهم في نفسهم
تقول لكل الحلوين انهم حلوين
ازاي تحضن حد 
وتفضل تحضنه لحد ما يخلص كل العياط اللي عنده
ازاي تخلي الناس كويسين
وازاي تضحكهم 
وازاي تضحك معاهم
وبتحلم كل يوم 
انك تعرف تتعامل مع نفسك
زي ما بتعامل الناس 
انك تقدر تقتل خوفك
وتسعد نفسك
وتقتنع أنك سعيد

أنا بحب ماما.. وبكره الخوف

انا ممتنة لوجود ماما
انا اول امبارح
كنت بحضن ماما
وبعيط
وعمالة اقولها 
ماما انا مش عاوزاكي تموتي

انا بفتقد ماما وانا قاعدة في الاوضة اللي جمبها
وتقريباً السنة دي
هبدأ انقل نومي من اوضتي لاوضتها
انا بحب انام عند ماما
وبحب الحاجات اللي بتقولهالي قبل ما انام

انا مفرط في الخوف في كل شيء حولي
مفرط في الذعر مشتت ولا ادري ماذا افعل

سؤال مهم: ماذا سيحدث لو استمر الخوف بعد انتهاء الجامعة؟!
في مواقف معينة دايما بقول ان الاشياء عادة لا تتغير والحاجات اللي انت متعود تعملها هتفضل تعملها ولو انت مش هتفضل تعملها وهتبطلها كنت بطتلتها من زمان
الاشياء عادة بتستمر ومش بتتغير 
ومتتوقعش من الاشياء انها بقدرة سحرية هتتغير


المسودات الفارغة

الاشياء تأتي
سريعاً
وانساها سريعاً
قبل 
أن اكتبها

الأحد، 15 نوفمبر، 2015

الاشياء والاشخاص واليوم

الاشياء التي يسير الكون 
بدونها
والاشخاص الذين نفقدهم في الطرق
الاغاني
التي نضعها منبه
ولا نكرها
والاشياء التي نتفق عليها
والاشخاص الذين يتركونا
نحكي الاشياء نفسها
ونناقش الاشياء نفسها
حتي نكون بخير
الصمت المستمر
والتشجيع 
لعل كل شيء يكون بخير
وافتقاد الاشخاص وهم معانا
وافتقاد الاشخاص وهم ليسوا معانا
والاشياء المكررة
والمرور بالاشياء نفسها
والتوصل للنتائج نفسها
الاصدقاء القربين الذين لا نتحدث معهم
والاصدقاء الجدد الذين نتقرب منهم
بالحديث معهم

11 يوم

عيد ميلادي بعد 11 يوم
وانا مازلت بدون ادني توقعات
ارفض الواقع قدر ما تشاء
ولكنه سيأتي

إلي للا

للا مش بتخاف
تروح لوحدها في اي حته
او تكلم الناس تحجز حاجات
او تسأل عن حاجات
للا مش بتخاف تخرج لوحدها
او تشتري حاجات لوحدها
او تاخد قرارات مصيرية
للا عارف هي عاوزة ايه من الكون
وهي اكتر شخصية مضحكة
للا بقيت كبيرة
هي كانت علي طول كبيرة
بالنسبة لنا
علشان كانت سوبر مسئولة
ولسه : )
أنا بحب للا
ومنتظرة شهر 1 
بفارغ الصبر

بوست من الدرافت

الاشياء

الاشياء التي مازلنا
نجد متعة في التحدث عنها
والاشخاص الذين لا نستطيع
التحدث عنهم بسوء
والاشياء التي لا نكف عن التحدث عنها
الاشياء التي نفكر فيها ولا نتفوه بها
والاشياء التي نتفوه بها دون ان نفكر فيها
الاشخاص الذين نحبهم برغم أننا لا نفضلهم
والحب الذي لا تستطيع أن تمنع العالم منه


لا مكان للبارتي

مفيش مكان للبارتي
الواحد المفروض
يتنطط فين في الاوضة دي
اشياء وجلاتر افري وير
ااااه
المفروض نطلع نطنطط برة
ونرجع
دي قاعدة رقم واحد في الاوضة
لو المسافة الفاضية
كانت كبيرة شوية
اكيد كنا هننقل النطاطة للاوضة
بوست من الدرافت

التفاصيل

لانني عادة
لا اتذكر التفاصيل
وانسي الاشياء بسرعة
انسي ترتيب الاحداث
والحاجات اللي ضايقتني
وحتي الحاجات اللي فرحتني
وبمنتهي البساطة
بقدر اقول ل يو
احنا قضينا يوم حلو اوي امبارح
فتسألني هو احنا عملنا ايه امبارح
ف ببساطة ارد مش فاكرة بس انا امبسطت
لان الحوارات كلها بتطير في الهوا
وبيتقي الحاجات اللي انا حساها
من غير تفاصيل

الجمعة، 13 نوفمبر، 2015

الهوس

الناس عادة لا يتفهمون علاقتي 
بالاشياء او بالاشخاص
ولا يفهمون الهوس
وأن الهوس يعني لي الكثير
وفي الوقت ذاته لا يعني لي اي شيء
أن الهوس يكبر
وأن الهوس ينتهي
وأنني قد لا اقع في حب من اهوس به
انني لا احتاج ان اقع في الحب
لاني اقع في حب كل شيء من حولي
والحب مقسم بالعدل علي هذه الاشياء
ومن اهوس بهم يأخدون نصيبهم بالعدل
يأخدون من الحب الذي يقع علي كل شيء 
مهم او ليس له ادني اهميه
ويأخدون أكثر من نصيبهم في الاهتمام
في المراقبة وبذل الجهد
وعادة انا لا اهوس إلا بشخصيات يصلحون 
أن يكونوا مصدر الوحي
او أبطال في قصصي
أنا لا اهوس إلا بالاشخاص المختلفة
او الاشخاص الذين اعتقد أنهم سوف يكونوا مختلفين
قد يكسروا قلبي
ولكن الكون كله يفعل ذلك باستمرار
والخذلان المستمر نتيجة حتمية للهوس
وانا مازلت لا أكسر
وافقد اهتمامي
وافقد هوسي
لاهوس مرة اخري 
بشيء مختلف تماماً
انا لا انتظر من احد 
أن يفهم كيف كل شيء 
يدور هنا 
يدور بشكل مخلتف
ولا انتظر من احد
أن يوقف العالم عن الخذلان
فأنا لا امانع ان يظل العالم
يراني كمخلوق فضائي
او يفهم كل شيء حول ما يدور حولي
بشكل خاطئ
احيانا تتوقف عن محاولات تبرير نفسك
واقناع اي احد أن الاشياء تختلف
بالنسبة لي 

the indie pop

للحاجات اللي شبهنا 
من غير ما تبقي شبهنا
واننا اخيراً
لقينا نقطة وسط
بين الاغاني الدوشة اللي بتكرر كتير
وبين الاغاني الهادية البطيئة 
لقينا نقطة وسط 
وهي الايندي بوب
النوع المفضل 
الذي لا نختلف عليه 
: )))))
يومكم سعيد

maybe you believe in love

للاشياء التي نتعلق بيها كل يوم
والاشياء التي نفقد فيها الامل
للاشياء التي نتعلق بيها 
ونفقدها لاننا ببساطة نستسلم
نستسلم لان الاشياء 
مازلت تخذلنا
لاننا مازلنا 
نتعلق ونستسلم 
لنتعلق ونستسلم
للاشياء ذاتها
لانه من حين لاخر
قد يفيدك أن تفقد الامل
في الاشياء التي فقدت الامل بك

الثلاثاء، 10 نوفمبر، 2015

الزق الاسبوعي

للاسابيع التي تمر سريعاً
والاربعاء 
الذي يأتي 
بعد الاربعاء
الشنط الثقيلة
والنوم القليل
وحب الاصدقاء
رجوع البيت متأخر
والنوم الذي يشبه الجري كثيراً
للسعادة 
يوم 
الاربع
مع اطفال صغننين
واكتشاف أننا بقينا كبار اوي
الناس اللي بتساندنا
نزق الايام ونوصل
والاصدقاء اللي بنعيط معاهم
والناس اللي بيزقوا معانا الاسبوع
الايام اللي شبه بعض
والتواريخ اللي بتعدي علينا
ومش بتلفت نظرنا

الجمعة، 6 نوفمبر، 2015

اعطي كأنك لا تخشي الفقر ابداً

يوماً ما 
هتبرع ب ابو كمال 
لطفلة صغيرة

الدرس: تعلم أن تعطي 
اي شيء تحبه لاي أحد
ولا تحب شيء 
ولا تهديه لاحد
#العطاء

اعطي كأنك لا تخشي الفقر ابداً

الخميس، 5 نوفمبر، 2015

سيهاما

النهاردة كنت بحكي لماما 
انا عملت ايه في المدرسة
واكتشفت اني بتكلم زي سيهام بظبط
انا بحب سيهام للغاية
شكراً سيهاما
علشان انت واقف معايا علي طوول الخط
علشان بتساعدني
ومش بتسبني ابقي تعيس
انت مثلي الاعلي في عبور الازمات
ربنا يسعد قلبك علي طول
وتفضل علي طول صديقي
شكراً يا سيهاما علي كل شيء 
السنة دي : )))
انا لسه بتمني أني كنت نزلت معاك 
المدرسة 
أنا ممتن جداً انك هنا : ))
#حب #حب #حب

تساؤلات اليوم

هل صنعت اليوم 
اي اختلاف ولو بسيط 
في اي شيء من حولي

الفكرة المسيطرة:
المكان لا يتحقق فيه اي شيء

الأربعاء، 4 نوفمبر، 2015

أول يوم مدرسة

توثيق 
لكمية الاحضان اللي ادتها
وكمية الاطفال اللي طبطت عليهم
وضرب رقم قياسي في تحفيز اكبر عدد ممكن من الاطفال
يوم سعيد
وده غير متوقع 
انا الاسبوع ده حققت كتير وتعبت كتير
والاسبوع كان طويل
درس الاسبوع: إن الله لا يضيع من أحسن عملاً

you are rocking this teacher thing


الاثنين، 2 نوفمبر، 2015