.

.

الخميس، 28 أبريل، 2016

التوقف عن الكتابة

اليوم ادركت
انني بحاجه الي بعض الاضواء السحرية
ولعت الكهارب
واكتشفت اني محتاجة اكتب
انا مش بكتب عن اي شيء في اي حته
اقضي اغلب الوقت احاول الانشغال
ولا اعرف ماذا سافعل
بدون خطط
الاشياء تتحسن علي ما اعتقد
اليوم يستحق الكتابة
تذاكر الاوبرا
ورغبتك الدائمة في اقتلاع قلبك
واعطائه للاخرين
للكتب المكررة
والاجندة الجديدة
الفراغ القاتل يتصارع معك
ولا تدري اينا سيكسب
انا مش عاوزة ابقي فاضية
ولا عاوزة مش الاقي حاجه اعملها
دكتور ممكن تكتبلي ليست
بالحاجات اللي ممكن املي بيها وقتي
للاشياء التي خلقنا من اجلها
ولا نفعلها
للكسل وعدم الرغبة في بذل المجهود
لفهم الذات وكيف الكون يدور حولي
للتركيز مع الرسايل اللي بنقولها لنفسنا
والحاجات اللي بنقولها للاخرين
ونكون ليهم وقت ضعفهم
تعاطف وحب بدون مقابل
التعاطف لا يكلفني شيء
مع العدد القليل جدا من الاشخاص
اللي بتعامل معاهم
يارب ابعتلنا المزيد من الناس

الأربعاء، 27 أبريل، 2016

الفيلم المفضل

الفيلم اللي بيخلينا
نؤمن ان الاحلام مهما كانت كبيرة ممكن تتحقق
ان الناس قيمتهم تقاس بالمهاراتهم ومدي كفائتهم
بالايمان بانفسهم والتمسك بالاحلام حتي النهاية
ان اشباع الطموح بداخلك شيء لا يمكن الفرار منه


* فيلم: rockstar

الجمعة، 22 أبريل، 2016

always leave people better than you found them

لكل الكائنات علي هذا الكوكب قلوب
حقيقة لا تدركها دائماً
قد تكسر قلوب
ولا تتعاطف مع قلوب
قد تنسي ان تكون للغضب عطفاً
ان تكون للضعيف حضن
أن تكون قبلة للمكسور
صديقاً للضائع
وحباً للوحيد
قد تنسي أن تكون أنت
أن تكون الكون 
وقلباً ملئ بالحب 
لكل القلوب المنبوذة و المرفوضة في هذا العالم

الاثنين، 18 أبريل، 2016

لا تصدق ولا تستنتج

صحيت النهاردة بطني مش بتوجعني
من غير ما اظبط منبه
وفضلت عشر دقايق في السرير
لا افعل اي شيء
انا رد فعل كل ما يحدث حولي ولكل ما يحدث بداخلي
انا استنتج الاشياء عن من حولي وعني
ويعمل عقلي على اثباتها
وتصبح حقيقة بالنسبة لي
انا اصدق كل شيء اقوله لي
والكون يصدق كل ما اقوله عنه

السبت، 9 أبريل، 2016

قف مكانك

الاصحاب اللي بيفتفتوا قلبك
بدون اسباب تذكر
لعله خير
لعل الاشياء السيئة التي ارتكبها
تعود الي مرة اخري
كوني وحيد
ولا استطيع ببساطة
ان اكتب كل يوم
خمس اشياء احبها في
لاني وحيد
ولا استطيع الاقتراب
ولا استطيع الابتعاد
لان قلبي معلق بكل شيء

اللحظة التي تصدمك الحقيقة كسيارة مسرعة

انا لا احب نفسي بما يكفي
وانتظر ان احصل
علي الحب
من حولي

I just wanna be loved by you

كل اللي انا محتاجه
من الكون ومن الخلق
المزيد من الحب
المزيد من الاهتمام
والمزيد من الشفقة
ان يتعلق الكون بي

الأربعاء، 6 أبريل، 2016

صحيت معدتي وجعاني من الرعب
قلبي بيدق جامد
وبفكر اني محتاجة
ادفع للناس فلوس
علشان تحبني
واشتري شخص صغنن كده
بتعلق بيا طول اليوم

الثلاثاء، 5 أبريل، 2016

مدي احتياجي للآخرين يقتلني
وعدم حصولي علي اي حب من هذا العالم
يفتفت قلبي
يارب
انا وحدي
وحدي تماما

الاثنين، 4 أبريل، 2016

الناس اللي مش بتهرب من الحب

ياسمينا
مامتي : )

الشخص اللي ببعتله حب
ومش بيهرب

ساريت : )
الشخص التاني علي هذا الكوكب
اللي بيفهمني اكتر من اي حد
ومش بيهرب
بيفهمني اكتر مني
وبتحب أن أنا احبها
وبتحب تبادلنيي الحب

الأحد، 3 أبريل، 2016

التبني

احساس ملح
ان انا محتاجة اتبني بابي
مش بتاعي
والاقي شيء ارجعله
كل يوم

التطوع

الانجاز
اني علي يوم الخميس الجاي
الاقي مكان اطوع فيه
الفكرة الوحيدة اللي مش بتروح من بالي
من يوم الخميس اللي فات
اني محتاجة اطوع
محتاجة احس اني بعمل حاجه في حياتي
اني فرد مؤثر في المجتمع
اني بعمل اي شيء مفيد في حياتي

في اشياء بتحتاج تعملها لوحدك
لانك المفروض فرد مسئول
يمكن في يوم يتبني اطفال كتير

الثقل والابتعاد

الاحساس المستمر انك محتاج تبعد
عن كل شيء
زي حلزون صغير يخاف العالم من حوله
يدخل القوقعة
ولا احد يستطيع الوصول اليه ابدا
ان
تحبس نفسك بعيدا تماما
عن الاشخاص الذي لم تعد تستطيع التواصل معهم
وتلعن اختبائك
عن الاشخاص القليلين اللي بيتحملوك وبيحبوك
عن الاشخاص اللي بتحبهم
والثقل اللي في روحك لا تتحمله انت
وبالتالي لا اتؤمن ان احدا قد بتحمله
الرغبة الملحة بالاشياء المتناقضة
الرغبة ان تكون مبهجا وان تنتهي الحياة في هذه اللحظة
الرغبة ان تصنع تغيرا في هذا العالم وان تنام حتي تنتهي الحياة
التنافض بين كل ما اشعر به
كان متوقع ان يكون هذا الاسبوع افضل كثيرا
ولكني مازلت ارتعد
مازلت مثقيلة

الجمعة، 1 أبريل، 2016

الملجأ

انا بدأت ادور مع نفسي 
في فكرة الملجأ 
أنا عاوز افتح ملجأ
عاوزة اتبني اولاد كتير كتير كتير
واهتم بتعليمهم
بأكلهم وبدراستهم
اعتقد ان ده من الاحلام اللي مش سهل تتحقق
خصوصا في مصر
خصوصا وانا مش مؤهلة
بس علي التاهيل ده شيء مقدور عليه

يارب اديني اولاد محتاجين حب
احبهم 

توثيق لل moving forward

النهاردة بعنوان
Move forward
النهاردة الصبح
اللي لما بفكر فيه بحسه محصلش
الاشياء بدات حرفيا تتحرك
اكني كنت متجمدة في الزمن
وبعدان بدا الوقت يمر عليا
دي مش بداية جديدة
اليوم اشبه بالاستيقاظ
الجميلة النائمة بعد 100 عام
اليوم بداية للحاجات الحلوة اللي هتحصل