.

.

الجمعة، 15 يوليو 2016

الناس اللي بحلم ابقي انا

الناس اللي بحلم ابقي انا
الناس اللي بيتحملوا مشاكلهم واخطائهم لوحدهم مش بيستنوا من الناس يكونوا هنا
ومش بيحملوهم ذنب انهم مش هنا
بيلاقوا احلامهم واحلامهم بتتحقق
بيشتغلوا ومش بيتذمروا
مبيترددوش
بيحاربوا وبيحصلوا علي الحاجات اللي هما عاوزينها
لسه بدور عن اجابات
انا هنا ليه في هذا الكون
وعن الاشياء اللي المفروض احققها
والشخص اللي المفروض اكونه
وهل انا مؤمنة تماما اني بامكاني ان احقق اي شيء اريده؟!
انا لسه بدور ولسه بكتشف ولسه مش عارفة
انا طلعت الاولي علي الدفعة امبارح وجبت مجموع انا عمري ما جبته في حياتي
ليه لازم اقلق واتعلق ومقدرش اكون مستقلة
ليه كل ما بنمشي في الطريق الاشياء بتفضل ضبابية
مش عارف هتروح فين ولا هتيجي منين ولا انت عاوز ايه
ايه اكبر احلامك؟!
هل احلامك تستحق
هل هتحارب من اجلها لانها تستحق
انا مش عاوز اكون الشخص اللي بيفقد امل ببزهق وبيسيب الحاجات
انا عاوز اوصل
انا عاوز اوصل لشيء لسه معرفوش
بقول دايما ان الحياة لما تبدأ بعد
وان اول 20 سنة ينفع نختصرهم في خمس سطور
واخاف حياتي كلها يبقي ينفع تختصر في خمس سطور
ليه مينفعش نكتب صفحات كتير عن اول 20 سنة. عن البنت اللي الكون بيدور بداخلها وحولها فقط اللي تعرف عن نفسها اكتر ما تعرف عن اي حد واللي لسه مش عارفة هي عاوزة  تعمل ايه ومش عارفة تبص لقدام
عن البنت اللي مؤمنة انها هتوصل في يوم من الايام

ليست هناك تعليقات:

إرسال تعليق

لا تقسوا عليّ .. وابتسم للحياة : )))))