.

.

الأحد، 7 أغسطس، 2016

انك تحلم

الاشياء التي مررت بها هذا العام
تجعله اصعب عام انقضي 
وبحمد ربنا كل يوم انه انقضي
مش شرط الكون من حولك ينهار
ومش شرط  الحاجات اللي حوليك تبقي السبب
مش شرط المشاكل تيجي من بره بالعكس
اكثر المشاكل بتكون من جوه
المحاولات والمساعدات الخارجية، اليوجا والتشبث بالاخرين
بتنفع وبتساعدك
الصعود قد يكون متعباً للغاية
بس احيانا لما بتوصل لمكان معين 
بتحتاج شخص 
يدفعك نحو الهاوية بمنتهي السهولة
لتقع في مكان اخر وتبدا في الصعود مرة اخري
في الصعود والنزول 
والاشياء المتناقضة
والانجازات الصغيرة
اؤمن ان كل شيء مخطط له
البارحة  كنت اؤمن 
اننا نذهب للاماكن لسبب
تقابل الاشخاص  في الوقت معين لسبب
ونقول الاشياء لسبب
ورحلة البحث عن الاسباب لا تنتهي
لماذا احتجت الرعب، القلق، الاحباط
لاسقط لهذا الحد 
يمكن علشان اتعلم دروس كتير
دروس بتتعلمها لوحدك او حد بيلفت انتباهك ليها
زي انك محتاج تكبر وبتكبر وهتفضل تكبر
زي انك تكون واثق في نفسك في قدراتك ومهاراتك
وتثق حرفياً انك مش بس باستطاعتك ان تفعل ما يفعله الملوك
بل تفعل اي شيء يخطر لك
انك تعرف تبهر الناس بمنتهي السهولة
وتعرف تكلم عن نفسك كويس جداً
وتعبر عن الاشياء اللي في دماغك
ومتسبش حد يحكم عليك 
ومتتأثرش باحكامهم
انك تعرف نفسك كويس 
تعرف ايه الاتفاقات اللي انت مضيت عليها
وان الاشياء بتفضل انت 
لما تفضل انت تعملها
ولو بطلت او نسيت بمنتهي السهولة هتبطل تكون انت
انك مش شرط تكون الاشياء اللي الناس بيقولوها  عليك
وانك ليك رايك في الاشياء اللي انت عاوز تكون انت
انت تبطل تحجم من قدلراتك 
وحرفياً تفتح ذراعيك للعالم
وتمتع انك مش عارف اي شيء
مش عارف انت عاوز ايه او عاوزه ازاي
تتقبل فكرة الاشياء اللي مش هتكون لا
وتبقي تماما راضي عن الاشياء المقدرة لك
تفهم ان كل شيء انت كنت فاكر انك فاهمه 
لسه ينفع تفهمه اكتر
ان العالم مش بيخلص
ودايما في حاجات تكتشفها او تفكر فيها
ان الطرق طويلة جداً
ووحده من يصل للنهاية هو من لم يتوقف
الفرص الللي عندك انك تتوه لحد ما توصل
او لحد ما تفضل تايه بتجرب وماشي في اي طريق
ان التشتت مقبول جداً في ال عشرينات
انك تفضل تدور انت ليه موجود في العالم ده
ومطلوب منك ايه
تعرف الاشيء الغلط والحاجات اللي مش عاوزها
ومتتقبلهاش وتدرك انك للابد هتفضل قادر انك تتغير
ومش معني انمفيش ناس حولينا بيعملوا اي شيء مهم في حياتهم
يبقي ده الطبيعي وده المطلوب
انت لسه تقدر تبهر العالم الذي لا يتوقع منك اي شيء 
علي الاطلاق
وانت تتوقع الاشياء وتحققها
قيمة السعي في طريق الاشياء
وانك تحب نفسك كفاية
وتكون انت كفاية
متتعلقش في حد مبيتعلقش فيك
وتعرف تكون مشغول
تعرف انك بتوصل لمر,حلة التعليم الذاتي
انك معندكش اي خطة وانك لازم تتمتع  بالعمر ده
ان الاشياء الثمينة بتمر وعمرها ما هترجع
وبيفضل الندم انك معملتش حاجات بدري
انك مزورتش اماكن وانت صغير مروخحتش اطوعت
واستثمرت كل دقيقة في عمرك
اللي لو مقررتش تعمل فيه 
هيفضل فاضي وهيخلص قبل ما تعمل
تعلم الاشياء الضرورة للعيش
والشغل والتفوق ورسم الخطط
انك تحلم 
فقط تحلم

ليست هناك تعليقات:

إرسال تعليق

لا تقسوا عليّ .. وابتسم للحياة : )))))