.

.

السبت، 10 سبتمبر، 2016

مر وأنا والهدية

النهاردة
يوم بيلمع
انا كنت بشتكي لمريم من كذا اسبوع من ملاية السرير بتاعتي 
وانها شكلها وحش وموبرة وانا معرفش اشتري ملاية منين
وان مفيش مكان قريب اشتري منه ملايات 
واني بتنكد لما بصحي كل يوم الاقي الملاية متزحلقة 
واني هاخد ملايتها الجديدة علشان لونها حلو
النهاردة في وسط ما كل شيء ماشي غلط
في وسط ما كل شيء بيتساقط من حولي
لقيت مريم بتقولي انها جبتلي شيء .. جبتلي ملاية جديدة
وبعتتلي صورتها بمنتهي البساطة
معتقدة انها معملتش اي حاجه سوبر ، سوبر حلوة سوبر مختلفة
انا ممتن بالاهتمام بالتفاصيل الصغيرة اللي مش مهمة
الناس اللي بتحبنا وبتسمع الهري بتاعنا 
وبتتحمل اننا نقعد بالساعات نتذمر من اشياء تافهه
الناس اللي بتحب اننا نكون مرتاحين
انا مصاحبة بنت بتجيب احلي هدايا في الكون
بتنقذك في الازمات
بتجيبلك بطانية صغننة وعلبة دبابيس علشان انت كل يوم بتواجه ازمة
في دبابيسي بتشتريلك كتاب عن تاريخ الجنون او مداليات مضحكة
بتكتبلك احلي كروت وتمسيهم ودايما بتعرف تشوف حاجات حلوة فيك
انا قعدت اعيط
علشان دي احلي حاجه حد عملهالي في حياتي
شكراً مر 
لو انتي كل من سأحصل عليه! 
اعتقد انك هتبقي سوبر كفاية
انتي احلي روم ميت ممكن حد يلاقيه

ليست هناك تعليقات:

إرسال تعليق

لا تقسوا عليّ .. وابتسم للحياة : )))))