.

.

السبت، 24 ديسمبر، 2016

توثيق لليوم

النهاردة توثيق لسهيلة
الجميلة
والرسايل اللي بنبعتها
وبنمبسط لما نبعتها
النهاردة توثيق
لاني مبسوطة جدا
بشعري الطويل

الخميس، 22 ديسمبر، 2016

ركض قلبك وراء الاشياء

انا مؤمنة
اننا نشبه كثيراً 
الابطال اللي بنقع في حبهم 
في الافلام
وانا ليا نوعي المفضل
من الابطال 
اللي عارفة اني شبههم

انا بقالي يومين بشوف نفسي
نوع من الاشخاص في الافلام 
مختلف

بشوف نفسي دلوقتي شخصيتين بظبط
 Dawn في  waitress
Charlotte Lucas في pride and prejudice
البنات اللي كانوا شخصيات ثانوية 
قلوبهم من سكر
ومنعرفش ايه حصل لهم
فقدوا الامل انهم يلاقوا الحب
وتقبلوا الواقع
واتجوزوا اشخاص مريبة
وقرروا انهم يبقوا سعداء 
وانهم يبقوا كفاية بالنسبة لهم

انا كنت دايماً الابطال اللي عارفين 
هما عاوزين ايه 
بيرفضوا الاشياء
وبيحصلوا علي ما يريدون في النهاية  

انا غرقانة في محيط من 
انا مش عارفة وانا مترددة 
اخطو نحو الاشياء ببطئ
اركض منها
اركض خلفها
افزع منها 
اخاف ان افقدها
فاستمر في الركض خلفها
التردد 
وفقدان الامل
الوصول دائماً الي الحقيقة
التي تقول ان لي اثر سلبي 
علي هذا العالم

وينحصر دوري ان اكون الفتاة 
التي تقع الاشخاص في الحب
وتركض منهم
تكسر قلوب ولا تخاطر
تتردد الي ان تفقد الامل
ان تعرف ماذا تريد
فتهرب

انا لا اقع في الحب 
انا فقط اريد الحب
والكثير من الاهتمام
كل شيء يلفت انتباهي
وكل شيء يعجبني
واجد في كل خطوات 
قلوب اشخاص تلمع بداخلهم
ويري فيا الاشخاص
ما لا اراه انا 

اخاف الاشخاص
واخاف نفسي
ولا اريد ان اعيش وحدي
ولا اري جدوي في ان تتعارك 
مع العالم 
من اجل اشياء انت لا تعرف اذا كنت تريدها

تؤمن انك تستطيع ان تكون اي شيء
وان تتأقلم مع اي شيء
ولا تعرف الكثير عن نفسك
ولكنك تعرف
انك راضي عن حياتك الان
بما فيها بكل ما فيها
وانك لست مستعد ان تترك مدارك
من اجل المجهول 

انا لم اخاطر منذ فترة 
واصبح وقتي ثمين 
وفرصي قليلة
ولا احتمل
ركض قلبي وراء الاشياء

I never was insure
I always choose
and I don't do regerts

الأربعاء، 21 ديسمبر، 2016

الكتابة في 2016

حصيلة هذا العام 267 بوست
انا لاحظت ان السبب الرئيسي 
في ده غير اني مكنتش بكتب كتير
اني كنت منغمسة تماما في كتابة القصص
وبحاول طول الوقت في كل وقت
بحاول اخلصهم
وان الابليكشن بتاعي المفضل
خالني اقع في حب 
الكتابة بالانجلش
فور ذا فرست تايم 
واني كنت في رحلة 
لتقبل الذات 
وده شيء لم يوثق 
لاني ببساطة مكنتش حبه 
انشره مع الخلق
ولان اغلب البوستات موجودة كدرافت
فأنا سعيدة بقرار اني انشر كل الدرافت 
اللي عندي في المدونة 
في اليوم اللي اتنشرت فيها
واني ازنقها في وقتها الطبيعي
كأن شيء لم يكن
واحاول اني اكون اكثر تقبلاً
لنشر تفاصيل الرحلة 
بكل ما فيها
بدون تفكير

الأحد، 11 ديسمبر، 2016

النور

انا بنور
انا ممتن لدكتور مريم
انا عارف انا عاوز ايه
وشايف احلامي بتلمع حوليا في الاوضة

الجمعة، 9 ديسمبر، 2016

أحلم أن اكون

تحلم ان تكون نافذة
التي تُدخل نور الشمس
إلي الغرف الباردة المظلمة والكئيبة
نافذة بدون ستائر
بدون حواجز
نافذة علي اقواس قزح 
والاشياء الجميلة في هذا العالم
اسفنجة تمتص كل التعاسة 
كل الرمادي من حولك
لتري أن الكون ليس اسود او رمادي
انك بامكانك ان تكون كل الالوان
بامكانك ان تكون الكون
تحلم ان تكون صخرة صلبة
تدفعك دفعاً نحو الاشياء
التي تحلم بها
أن تكون شخص سهل
يعرف ماذا سيقول
ولا يندم ابداً 


الأحد، 4 ديسمبر، 2016

ستجدني عندما تحتاج إليّ

انا مبعرفش اتكلم عن نفسي حلو
من غير ما اقول حاجات وحشة عن نفسي
او ابرر انا ليه بيقول حاجات حلوة عني
او اقول اني مش بعرف اقول كلام حلو عن نفسي

الحقيقة هي:
اني ببقي موجود للناس
وبحب افضل للابد موجود للناس
بحب الناس يلاقوا حد يسندهم
لما يبقوا في مشكلة
لما الدنيا تبقي ضلمة
انا بحب ابقي النور 
احب ابقي النور اللي بينور وسط الضلمة
وبيساعدك
مهما كنت انا بكرهك
مهما كنت متعصبة او مضايقة
انا بنسي كل شيء 
وبحب اساعد
انا بحب اعامل الناس زي ما انا بعامل الناس
مش زي ما هما بيعملوني
بحب ابقي احسن من الناس
واحس حلو عن نفسي
واحس حلو لما اعمل حاجات حلوة
ومبقدرش احكي لحد
ان الناس اللي بتعاملني وحش 
او ش بتبادلني الحب
اول لما يقعوا في مشكلة
بساعدهم
وانا لما بقع في اي شيء
هما مش بيهتموا
بس دي طريقتي في اني احس احسن عن نفسي
وانا راضية عنها

الخميس، 1 ديسمبر، 2016

قصيدة * _ *

متحور انت حول ذاتك
والكون يدور بدخلك
لا تهتم كم من الوقت ستجلس وحيداً
ولكنك تهتم بمدي صدق قلبك
وسعادتك
وتحلم لو أنك تكون سعيداً ابد الدهر
وان يتبخر الخوف والقلق 
عندما تكف عن التشبث بهم