.

.

الاثنين، 27 فبراير، 2017

العلاج لم يبدأ بعد؟

انا عندي مشاكل وده اعتراف لطيف
انك تعترف بيه دايماً
انا بخاف وبقلق 
بعيط وبشعر بالحزن والاحباط
سهل احبط
وسهل احس وحش عن نفسي
وبتلكك علشان احس من اي من المشاعر دي
طول الوقت 
انا كنت فاكرة اني عديت المرحلة دي
وان العلاج كان مفيد جداً
بس انا بدات اصدق 
ان العلاج مبدأش اصلا
ان لسه قدامي 
طرق طويلة جداً جداً
بس السلف اورنس حلو مفيش كلام

ساريت

محدش في الكون كله
بيقدر يفهمني زي ساريت
محدش في الكون بيبقي عارف تفاصيل الاشياء اللي بحس بيها
وبمر بيها اغلب الوقت
مهما كانت غريبة
مهما كانت ملهاش منطق 
وملهاش سبب
ومر بيها قبل كده غير ساريت
انا بحب ساريت
هي مرت بكل شيء ممكن امره بيه
وبحب افكر اني لو فضلت معاها
هيبقي مستقبلي زيها
ساريت بتديني امل 
وبتحسسني حلو عن نفسي
هي نوع الاشخاص 
اللي المفروض تحافظ عليه
انا بخاف ساريت تموت
بخاف سايت تموت جداً
وبقولها اغلب الوقت
انا عاوزة اسافر 
اقابل ساريت
انا مبحسش اني شخص ناقص
او اني محتاج اكون شخص مش انا
او اني مش كفاية
انا بحس حلو عن نفسي وانا مع ساريت
علشان هي قلبها يساعي الكون
انا عاوزة اقابل ساريت
في اي مكان في هذا الكوكب
وبتمني انها تبقي هنا طول الوقت
ساريت اكثر من صديقتي
ساريت مامتي 
بحس دايماً ان ربنا بعتلي اشخاص
ممكن يكونوا انا في المستقبل
اثر اقدام علي الارض
وانا اختار اروح فين
ساريت الوحيدة اللي بتفهم 
القلق، الاحباط والحزن والعياط بدون سبب
انا ممتن لوجودها في حياتي
وزي ما هي تقولي علي طول اني ب save her life
النهاردة انا بعترف انها اللي علي طول بت save my life

الخميس، 23 فبراير، 2017

you belong to me.. Cat


احلامي السعيدة

اليوم 
كنت مستيقظة في احلامي
سافرت الي باريس، جريت تحت المطر
ونمت بجانب اطفال يتامي
غفوت بقلب دافئ 
مليئ بالحب

حلمت ان فيه اطفال قاعدين علي شجرة بيلعبوا برة اوضتي ومن فرط جمالهم مكنش شكلهم حقيقي انا كنت بشاور عليهم وبقول لهندا ان شكلهم مش حقيقي وان فيه بنت منهم شبهي اوي وبعدان لقينا البنت نزلت من هناك وسلمت علينا وفجاة لقيت سريري مليان اطفال كلهم يتامي واغلبهم وشوشهم حزينة جدا وشكلهم كان بيعيط. شغلتلهم الكهارب وسقطنا في النوم كلنا

حلمت ان الدنيا كانت بتمطر جامد جدا بره معرض الكتاب الدنيا كانت ليل و مكنش فيه انوار غير انوار العربيات اللي بتعدي من جمبنا بسرعة وانا كان معايا تقي رفيق المطرة 
فضلت اقول بصوت عالي في الشارع
It's never too late for rain
وفضلنا نجري تحت المطر اغلب الجري كان زحلقة علي منحدرات ومحاولات تفادي السيارات 
 النهاردة كان احلام سعيدة

الأربعاء، 22 فبراير، 2017

باقة ورد سيء فهمها

انا لا احتاج دفعة صغيرة
حتي انزلق 
في حفرة من القلق والحزن
كطلقة 
خرجت سهواً من العالم
لم يكن هدفها 
ان تقتلك 
ولكنها لم تتردد
في اتختراق كل ال تقدم 
وكل جلسات العلاج
تتركك 
وحيد ليلاً
تبكي وترتعد
تحلم بكوابيس
وتهرب من والي الكتب
حتي تندم 
وحتي تنتهي الكتب 
ولا تعرف 
اذا كانت  طلقة 
ام باقة ورد
سيء فهمها
قلبي ليس مثقلاً
ولكنك لا تعرف اين اصابتك الرصاصة
ومدي الخسائر 
انا احمل قلق العالم 
انا احمل العالم
والعالم لا يتحملني

الثلاثاء، 21 فبراير، 2017

What if our hard work ends in despair? What if the road won't take me there?

نتجتي طلعت
ومش النتيجة اللي بحلم بيها يعني
بس انا مش المفروض اهتم
صح؟

nothing really matter anyone can see

ادرك جيداً
انني اهرب من الواقع
بسلسلة كتب
اجد نفسي فيها كثيراً
اليوم أنا لن انتظر 
انا فاقد الامل
انا مش عاوز الجزء الخامس
وهواجه كل الواقع مرة واحدة
برتعد 
ولا اعرف لماذا
لا تعرف من اين يأتي الحزن او القلق
ولا اجد مفر من كلاهما
لا يهم 
لا شء يهم الان 
انا لست وحيدة
ولكني لا اكف عن الشعور بالوحدة

الأحد، 19 فبراير، 2017

you have a heart

When you are busy
living your life
Sometimes You forget
 you have a heart
beats inside you

my vampire academy

https://www.indiegogo.com/projects/frostbite-a-vampire-academy-film#/
https://moviepilot.com/posts/2252606
https://moviepilot.com/posts/3977009
http://www.penguin.com/static/packages/us/yreaders/vampireacademy/fanbites.php

ليه مينفعش يبقي فيه جزء تاني من الفيلم
انا النهاردة اكتشفت ان الناس اغلبها حاسة
ان الفيلم كان ليم جداً
وانا مش مصدقة ان الفيلم الليم ده
خلاني اشتري الكتب واقراهم
فبتخيل لو كان  فيه جزء تاني 
احسن منه 
مش كنت اكيد هقع في حبه

السبت، 18 فبراير، 2017

كارملا

انا كنت حاسة 
قبل ما تموت
اني المفروض استغل 
اللحظات القليلة 
علشان اتكلم معاها
وكل ما بسمع خبر حد 
بحبه بيموت
بخاف ساريت تموت
بخاف جداً ساريت تموت
قبل ما نتقابل
او قبل ما نتخلص كل الكلام اللي بينا

الي الاشخاص

الذين كانوا 
قطع سكر 
في هذة الحياة القبيحة

الي كارملا 

والحب اللي بتبعتهولنا

waiting for a lover to come true

I was a child
I wasn't worried
Tempted in dark
Waiting for love
I was late

Don't let love wait
And don't let love weigh anything
When you were missing
the world was shitty then okay

See the light in line
Distant light in line


I was just another girl 
standing in line 
waiting for a lover
to come true

الأربعاء، 15 فبراير، 2017

ابحث عن صديق

انا اشعر بالوحدة
وابحث عن صديق
انا لا اعرف ماذا يحدث
انا ابتعد عن الكون
اظل ساعات
اقرأ
الكروشيه يقتل الوقت
او احيانا ابحلق في السقف
ولا افعل شيء
الكثير من الرسائل الغير مقروءة
ولا اريد التحدث مع اصدقائي
متعلق انا بصديق لا يتعلق بي
ولا اريد التحدث مع الاصدقاء
ولا اعرف لما كل هذه الوحدة
الكتب التي تملك تاثير سيء
لم يحدث لي هذا منذ فترة طويلة
انا ابحث عن احد
ولا افتح الابواب لاحد

blood promise

انامش مصدقة اني وصلت للكتاب الرابع
الرحلة كانت شاقة
والكثير من المشاعر المتضاربة 
التي لا تستطيع ان تتحكم بها
والعياط
انا بكره الكتب اللي بيبقي ليها 
تأثير سيء عليا
والكتاب ده حرفياً كان مدمر
انا عادة بخرج من نفسي
وبدخل فب الكتاب
زي روز لما بتشوف الكون بعيون ليز
والكتاب مكنش شيء لطيف تدخل فيه
كل المشاعر والحيرة 
والذكريات 
وبيتحول انه من اسوء الكتب اللي بقرأها
لواحد من اجمل الكتب * _ *
الطرق اللي الكاتبة كانت بتنقيها
وانت بتحس انها بتقفل الابواب
بس في الحقيقة هي بتفتح الابواب
وبتحلم  انت بس انه ميتحولش 
لكتاب فامبيرز عادي
انا غرقانة انا وقلبي
في كتاب

Everything you touch surely dies

Staring at the ceiling in the dark
Same old empty feeling in your heart
Cause love comes slow and it goes so fast

الأحد، 12 فبراير، 2017

ممكن ابيع قلبي واشتري بداله ارانب؟

ماذا افعل بقلبي؟

الاوضة شبهي النهاردة

كل شيء يشبهني
انا التفاصيل
والاشياء الملونة 
الجلاتر
والستاير 
ساعة ذا ستري نايت
والملاية الجديدة
الكتب المستفة 
والكتب اللي انا اشتريتها جديد
انا ورق الجوابات
والرسومات اللي برسمها
انا الكلام اللي علي الحيطة
والنجوم في السقف
الكهارب 
والقواقع 
 : ))))
الاوضة شبهي النهاردة * _ *

النهاردة

صحيت من النوم
لقيت الكتب الجديدة جمبي
والستاير متعلقة
وابو كمال
من غير كلية 
انا منتظرة بفارغ الصبر
الاشياء التي ستأتي


السبت، 11 فبراير، 2017

كل ما يدور بداخلي

توثيق للايام الاخيرة 
الون العالم من حولي ب لون واحد فقط
لونت مواسير الستاير اللي عمرنا ما هنعلقها تقريباً
نضفت اوضتي وعملت الكثير من حفلات الغسيل
وبدأت اوثق لكل الايام اللي فاتت
بدون اي مصادر توثيق
ذاكرتي لا تسعفني
مريم اشتريت لي اجندة امبارح
تشبه حبل النجاة
غرقانة انا في كتاب شبهي
وبفكر انا بحب الحاجات اللي شبهي
واحياناً كتير بحس
أني بدور في كل حاجه علي حاجه شبهي
علشان استمتع بيها 
ماذا عن قلبي؟
كل شيء هادئ قليلاً
استمتع أن اكون احدهم 
ان اكون في قلب شخصية خيالية
الغرق في الكتاب والشخصيات 
لدرجة ان قلبك وحياتك 
مبقتش مهمة 
مبقتش كبيرة ومبقتش واخدة كل الشاشة
وانك مش بتقدر يعدي اليوم 
من غير ما تعيش حياتهم 
وتبقي في قلبهم
انا فعلاً شبه روز
في اني بحب احمي الناس اللي حوليا
انا عندي غرائز 
انا بحب احمي الناس وعندي overprotction 
مبحبش حد يأذي او يجرح اي حد بحبه
وممكن اعمل اي شيء علشان احميهم
ومبحبش الحاجات تشتتني عن الحاجه اللي انا عاوزاها
بعوز حاجات مينفعش اعوزها
ومتهورة 
انا بحب تهور روز 
وأنا بقرأ عنها
بتمني ارجع صغنن وساذج
اؤمن بأن الاشخاص هيحموك وهيخلوك تشعر بالامان
اؤمن بالحب
والاشخاص اللي بيفضلوا للابد
روز بطلت تبقي متهورة مع انها مهما حاولت تبطل
هتفضل دايما wild and reckless 
وبتحاول انها تبقي مسؤلة
اكنك بتشوف بابي صغير
في مراحل نموه
بتتابع هو رايح فين وبيوصل لايه
بيكتشف ايه عن نفسه
انا لما بحب الناس ببقي نفسي في bound
زي بتاعت ليز وروز
ببقي عاوزة اعرف مشاعرهم والحاجات اللي بيفكروا بيها
وبحلم بشيء يلغي المسافات
بحس ان روز بتقدر تعرف كتير عن الاشخاص من عيونهم
ودي شيء مفتقده 
انا مش بتواصل بالعيون 
مش بشوف اي شيء في عيون الناس
ومش بحس اي شيء من كلامهم
بحب اقرأ عن روز وهي بتفهم الكون بس بالعيون
انا بحس ان روز اكتر واحدة بتعرف تحب قرأت عنها
وده شيء انا مش بعرف اعمله برضوا
ودميتري
هو لحد كبير جداً جداً جداً 
فتي احلامي منذ الصغر
هو كل شيء حلمت بيه 
ومن وانا عندي 13 سنة
قاعدة علي الشباك في الضلمة 
بحلم ب شخص يشبه دميتري كثيراً
وحاولت افهم ايه اللي بيشدني 
او ليه القالب ده مخصوص
اللي مش بيناسب اي حد
غير دميتري وهاجي 
الاشياء المشتركة
الامان وانك تلاقي حد مهتم 
يفهمك اكثر من اي شخص في هذا الكون
انا مش عارفة انا عاوزة ايه علشان اقدر اعرف انا محتاجة ايه
علشان اقدر افهم ليه القالب ده
انا بحب ان روز بتلفت انتباهي دايما
ان مشاعرنا مش ساذجة وعبيطة بالعكس
مشاعرنا مهمة 
انا كمان عندي اسرار
انا كمان ببعد وباخد كل الكلام معايا 
كاني اقتلت اتنين استرجوي
وشوفت صحبي بيموت
بس مش ده اللي حصلي 
انا معرفش حتي اللي حصلي
بس انا مش مهتمة
انا حاسة حاليا اني عايشة في اللحظة بس
مش مهتمة باللي حصل زمان 
ومش قلقانة من اللي هيحصل
وبحس نفسي قوية
كتاب اللي بحبه كان بيقول ان جوانا 
3 اشياء 
القاضي، الضحية وكتاب القوانين
واكتشفت ان عندي مشكلة مع الضحية
الضحية هنا مش معناها انك تحس انك مظلوم وضحية ومحدش بيحبك
الضحية هنا بس اللي بتجري وتعيط
وتحسسك وحش عن نفسك
انا دايما بدور علي الحاجات
اللي بتحسسني وحش عن نفسي
الضحية اللي جوايا بتقوم بالواجب
انها تعيط وتجري وتقول  اني عندي مشاكل
انا بحاول محسش اني عندي مشاكل
ف الاقي نفسي بهرب منها
ومش بهتم بيها ومش شايفة لها اي اثر
ومن الحاجات البسيطة اللي حصلتلي 
بس سابت علامات وخلت الاشياء كلها تتغير
انا كنت بعيط لروز
وهي قوية 
وهي مش بتجري تحكي للناس علي مشاكلها
اعتقد اني لو عندي حد زي ديميتري
مش هخبي عنه حاجه 
وهتعلق بكل ما املك من قوة
بس هي مكنتش بتتعلق
مكنتش بتعيط
وكانت بتبقي قوية علي طول

انا بحلم زيها بالحرية
اني اقدر اعمل اي شيء نفسي فيه
اني اقدر اختار  من غير ما يبقي لازم
اعيش مع عواقب اختيارتي

انا بحلم لو اقدر امشي في كل الاتجاهات
ولو الدنيا باظت ارجع دايما لنقطة البداية
بس الاشياء مش بتمشي كده
مينفعش ترجع لنقطة البداية
ومينفعش تهرب
وبتتعايش مع عواقب اختياراتك
انا مش حاسس بالحرية
وانا بكتف نفسي بلف حوايا
سلاسل علشان افضل مكاني
بس انا حتي مش عاوزة افضل هنا
انا عمري ما كنت شخص حذر
ومش سهل تعايش مع شخص حذر
امبارح كنت بفكر اني بحلم
لو ينفع ابدأ ال therapy تاني
لو ينفع بس حد يديني فرصة احكي
ويسألني اسئلة علشان اعرف افهم الكون
كان ليا فرصتي 
وانا استغلتها
وانا ممتن اني استغلتها
انا لسه حاسس اني احسن
لسه حاسة بالاثر
ومبسوطة انك  لما تحاول تبقي كويس
الحاجات الكويسة بتلاقيك

السبت، 4 فبراير، 2017

الي ص د ي ق ي

الي صديقي
الذي يستطيع بمنتهي البساطة
ان ينير كل شيء من حولي
والذي اتركه يفعل
أنت مميز 
ليس لانك مختلف 
عن اي شيء في هذا العالم
أنت شخص عادي
الجميع يعرف ذلك حتي انت
ولكن لانك مختلف بالنسبة لي
ولانك تعني لي الكثير
ولانك بالنسبة لي لم تكن ابداً "معتاد"
شكراً لانك صخرة لا تبرح مكانها
ولانك تتحمل كل الساذجة
والقلق، والخوف، الثقل 
ولانك الوحيد الذي تعرفني 
كما اعرف نفسي
اتمني لك ببساطة عاماً سعيداً
اسعد من اي شيء مر عليك إلي الآن
وشكراً علي كل الاشياء التي لا استطيع
ان احصيها 

مثقلة انا بمشاعري

اليوم كنت ومازلت
مغمورة بالكثير من المشاعر
والاشياء من حولي لا تتحرك
في نهاية اليوم فقدت القدرة
عن التعبير عن كل الاشياء التي تحدث بداخلي

يوم طويل بدون اي وسائل اتصالات
وحدي اسير وسط الكتب
ولا اشتري
فقدت كل شجاعتي
في ان اختار كتباً لا اعرفها
وان احكم علي الكتب من اغلافتها
وان اجازف

لم اكن حزينة اليوم وحدي
بل كنت وحيدة
ظللت افكر
انه من الرائع ان تحظي بصديق
يعرف  كل الكتب التي تريد أن تقرأها
او الكتب التي قد تريد أن تقرأها
يعرف كل التفاصيل
ولكنه اكثر من رائع ان تسير مع صديق
غريب عنك
يرشح لك كتباً يحبها لا تعرفها أنت
أحياناً افتقد الاشياء المجهولة

طوال اليوم افكر
انني لا اريد أن اكون وحيدة
أنا لا امانع الوحدة
ولكني لا اريد أن اكون وحيدة

اسير بجانب الحائط فوق الرصيف
كان هذا اخر َقرار لي
الا افعل اي شيء متهور
ولا اجازف بأي شيء
ولا  اندم علي اي شيء

اليوم استطعت ان اري نفسي
ببساطة روز
قدرتك علي ان تتغير سريعاً
ولا تدرك هذا التغير
رغبتك في ان تحمي من  حولك
في ان تحمي كل من حولك
وان تصبح فجاو مسؤلاً عن كل شيء

أنا بحب روز وبحب ديميتري
وهما حالياً من اقرب الشخصيات
إلي قلبي

احلامي تشبهم كثيراً

اخاف جداً الا اعود إلي المنزل
او الا استطع العودة إلي المنزل
اخاف أن ابحث عنه ولا اجده
اخاف الا ترحب بي الشوارع
والا يبتسم في وجهي احد

لا اعرف كيف اشتري كتب لا اعرفها
واخاف ان تظل علي الرف ولا اقترب ابداً منها
لا اشتري كتباً لا اعرفها
ولا اعرف اي كتب لاشتريها

توثيق لليوم 
كما هو

الخميس، 2 فبراير، 2017

تفاصيلي

انا اهتم بالتفاصيل
الكثير والكثير منها
ولا احد يستطيع أن يراعي 
هذا القدر الكبير من التفاصيل التي احبها
كوني شخص متطلب 
الاطباق التي احبها
المعلقة الي افضلها 
الاصوات التي اكرها
والاشياء التي تشعرني بالسعادة
انا متطلبة ولا استطيع
ان أتأقلم مع اشخاص 
لا يستطيعون استيعاب هذا القدر 
الكبير من التفاصيل
بدون ان اجعلهم حرفياً
يتحركون علي الاطراف اصابعهم

الوقوع

احب أن اقع في النوم
كما اقع في الحب
اقاوم في ان اغلق عيناي
واحاول جاهدة ان اكمل قراءة
وان استمر في نفس السطر
وان افسر الكلمات
حتي اقع في النوم

موبيلي شاشته اتحرقت امبارح
وقع وأنا برسم علي الحيطة 
بالطباشير وكنت سعيد جداً

بقضي وقتي بقرأ رواية جميلة
إنجلش
وبعمل never ending dream catcher