.

.

الخميس، 20 أبريل، 2017

All the bright places

My rating: 5 of 5 stars
يا الله! انا استخفيت بالرواية جداً استخفيت بيها جداً وكنت ساذجة جداً.. انا مكنتش شايفة ومكنتش متوقعة اللي هيحصل وكنت بقع في الحب في صمت ومتوقعتش قلبي يتكسر كل اللي توقعته اني هقع في الحب، حب التفاصيل والشخصيات والحاجات الكوول اللي هما كانوا بيعملوها.. بس قلبي الحقيقة متكسرش الرواية قيمة حقاً بكل ما فيها من تفاصيل قيمة اكثر مما تتوقع.. كان نفسي ابحث عن الاماكن وأنا بقرأ وا Wander معاهم كان نفسي اقرأ عن الاماكن وازورها معاهم..
اشتريت الرواية من معرض الكتاب : )) وكنت عاوزة اخلصها جدا جدا قبل ما الترم يخلص قبل ما اتخرج علشان هي رواية عن ولد بيسأل نفسه كل يوم عن السبب وبيدور علي سبب يخليه يعيش وبيسأل نفسه Is today a good day to die وبنت بتعد الايام لحد التخرج هيقعوا في الحب.. الولد شخصية مختلفة مختلفة جداً وحبوبة جداً وممكن تقع في حبها بدون اي تفكير.. شخصية مش بتبقي موجودة كتير زي Gus في the fault in our stars نوع الناس اللي مينفعش يكون موجود في هذا الكون الرمادي ..انا حبيت فينش جداً وفيولت جداً جداً جداً.. حبيت فينش علشان هو كوول جداً.. كنت بحب انه دائماً بيعمل قوائم وخطط مختلفة وبيحط قواعد للاشياءزز حبيت انه كان بيقدر يشوف الجمال وحبيت اننا نشوف العالم بعيونه.. حبيت جداً انه كان بيغير في لبسه ومكنش لاقي نفسه ومكنتش شايفة علامات ال depression واضحة نهائي..كنت بمر وانا بقرأ القصة بمشكلة اني مبقدرش اتخيل ملامحي مش بعرف اتوقع شكلي ومش بحس اني بقدر اتعرف علي ملامحي وحبيت جداً جداً فكرة انك ممكن بيبقي ليك versions من نفسك مختلفة تتصرف من خلالها وحبيت فيولت علشان كانت بتكتب وكانت شخصية بسطية مش معقدة مش شبهي شخصية ممكن تبقي عاوز تبقي زيها..الكتاب مليان افكار كوول جداً وحاجات كتير ممكن تتعمل.. الكتاب كان sweet, nice, kind and pleasant.. وانا متعلقة بكل التفاصيل.. ولكني عمري ما هقرأه تاني.. بالرغم من كل شيء عمري ما هقدر اخوض التجربة دي تاني.. هو كان مؤلم بشكل لا يوصف.. الناس عادة بتستخف بال mental health و بال mental illness او بال emotions عامة زي ما انا بستخف بمشاعري وبكل المشاكل النفسية اللي بتحصلي.. هو ده العالم اللي احنا عايشين فيه.. عالم قاسي، الناس بتحكم علي بعض بمنتهي القسوة بت label بعض وبيتكلموا عن بعض وحش.. انا كنت وانا بقرأ الكتاب بفكر في كل الناس اللي نفسي يبقوا كويسين وكل الناس اللي في حياتي حالياً بحاول اسندهم بحاول اقولهم انهم مش لوحدهم واني علي طول هنا.. في كل الناس اللي بننقذ حياتهم او علي الاقل بننقذ ايامهم بنحاول نخليهم يتماسكوا ومش يفقدوا الامل.. وكل الناس اللي حرفياً بينقذوا حياتي.. بينقذوني من كل التعاسة اللي دايماً ملهاش اسباب.. بينقذوك من الغرق.. كنت بعيط كل الحاجات اللي خارج عن سيطرتي اللي مقدرش اغيرها وكنت بفكر اذا كان عندي مشاكل لا ادركها.. كنت بحاول اتعامل مع المرض والموت اللي موجودين حوليا والقصة حقاً مساعدتنيش اني اتجاوز كل الاشياء اللي انا محتاجة اتجاوزها او ابعد عن كل الاشياء اللي محتاجة ابعد عنها.. بعيط القسوة وقدراتنا علي الايذاء.. عدم قدراتنا علي التعامل مع الاخرين ولا مساعدتهم وعدم قدراتنا علي فهم الاشياء الواضحة كالشمس.. ودلوقتي انا بعيط كل الناس اللي انتحروا في هذا العالم الكئيب الرمادي.. بعيط كل الحاجات الوحشة اللي حصلتلهم.. وبتمني لو انا اقدر انقذهم او انقذ العالم او حتي انقذ نفسي..الرواية كانت كل شيء انا بمر بيه.. كل شيء بيدور في دماغي
every forty seconds, someone in the world dies by suicide. every forty seconds, someone is left behind to cope with the loss and people rarely bring flowers to a suicide
وانت بتقرأ مش بتركز في طريقة تعامل الاشخاص مع الاشياء من حولهم ولا في التفاصيل اللي واضحة من اول الرواية.. علشان ابقي اديت الريفيو حقه انا محتاجة عن الكاتبة وعن اختيارتها..وانها كاتبة شاطرة جداً علشان عرفت تحول قصة عادية او مش عادية قصة حلوة لشيء قيم.. انا حبيت الاهل.. وحبيت اهل فيولت.. وحبيت طريقة تعاملهم مع الامور اغلب الوقت.. حبيت انك تشوف مثال لاهل زي اهل فينش او ام زي مامت فينش.. حبيت جداً ان القصة مكنتش ساذجة زي ونفسي في يوم اكتب شيء قيم زي كده.. هيصنع اختلاف في العالم وهيجعله اقل رمادياً .. انا مديتش الكتاب حقه في الريفيو ومش قادرة اديي الكتاب حقه الصراحة.. انا متعبة ومش عاوزة اتكلم عن الكتاب اكتر من كده
http://ranim-mobtasma.blogspot.com.eg...
The great thing about this life of ours is that you can be someone different to everybody.
I’d like to live in a world designed by Theodore Finch


ليست هناك تعليقات:

إرسال تعليق

لا تقسوا عليّ .. وابتسم للحياة : )))))