.

.

الثلاثاء، 30 مايو، 2017

العلاقات المنتهية

انا النهارده
بكره الناس الانانية
اللي مش بتراعي مشاعرنا
انا صعب جدا
حد يراعي مشاعري
وميعملش حاجات بتضايقني
لان تقريبا كل شيء بيضايقني
ومهما الناس حاولت تراعيني
بيجيلها وقت
تبقي علي طبيعتها
وتبقي مش قادرة تراعيك
مش فاضية تراعيك
مش عاوزة تراعيك
ومش مهتمة
انا عبارة عن تفاصيل
عندي ملايين من التفاصيل
ومبعرفش اتعايش
مع حد بيكره التفاصيل
او مش بيهتم بيها
الحاجات اللي بحبها
الحاجات اللي بكرها
الاكل اللي بحبه
الاطباق اللي بحبها
الطريقة اللي بحب اعمل بيها كل حاجه
انا لو ابويا مش بيراعي مشاعري
مين هيراعيها
والاجابة كانت محدش
لو انت مراعتش نفسك محدش هيراعيك
الناس بتبقي فاكرة
ان علاقتنا بتستمر للابد
بس هي مش بتستمر
واحيانا كتير
بتنتهي
وده شيئ مقبول
محزن بس مقبول
وانا علاقتي ب بابا بتنتهي
هو كان فيه منحدر من فترة
مش بتنتهي علشان احنا بتخانق
بالعكس
بتنتهي علشان احنا مبقناش بنستمتع برفقة بعض
مبقناش بنقعد مع بعض اصلا
ومبقناش عاوزين نقضي وقت مع بعض اصلا
انا مش مضايقة
انا بس لسه ملاحظة
الموضوع كله
انا كنت اقرب حد لبابا وانا صغيرة
وكان دايما عندنا حاجات مشتركة
انا مكنتش طفل سوي
ومكنتش مدرك للعالم
واغلب الوقت مكنتش ببقي فاهمة
ايه اللي بيحصل حواليا
والناس دي بتزعقلي ليه!
او الناس دي بتعاملني وحش ليه
بس انا فاكرة اني كنت بستمتع بصحبته
لما كان هو بيحب يقضي وقت معايا
قضوا وقت مع ولادكم ودوروا
علي حاجات مشتركة بينكم
دوروا علي حاجات تعملوها سوا
اهتموا بالتفاصيل
ومتقعدوش ساكتين
اقتولوا الوقت
وقولوا لهم انكم بتحبوهم
وبتحبوا تفاصيلهم
مهما كانت صعبة، غريبة او معقدة

ليست هناك تعليقات:

إرسال تعليق

لا تقسوا عليّ .. وابتسم للحياة : )))))