.

.

الاثنين، 19 يونيو، 2017

من أميرة #البوست_المفضل

00:00:01 AM 
- واحدة كتبت على tumblr ..
“ I feel as useless as a white crayon ”
 " أنا حاسة أني ماليش لازمة زي قلم الألوان الأبيض " !
- واحد رد عليها وقالها ..
“ you just gotta find someone who prefers black paper ”
 " أنتي بس محتاجة تلاقي حد بيحب يرسم على ورق أسود" !

- المشكلة مش قلة حب أو عدم إهتمام قد ما هي أرواح بتتنافر رغم الود،
 بس ظني أن زي ما ربنا خلقك بتركيبتك دي، هو برضه خلق حد مش بس يقدر يتعايش معاك، لأ، دا هيعشق كل تفاصيلك الصغيرة .. ساعات الواحد بيكون حوليه الدنيا كلها ومع ذلك بيهرب منها لإحساس بالعجز والفشل جواه... واحد وصل لدرجة من اليأس أنه مش عارف يحب نفسه ومش شايفها تستاهل تتحب... و أغلب الناس هيقولوا له أنه مش هيلاقي حد يحبه غير لو هو حب نفسه الأول واتصالح معاها... بس ليه؟!! ما يمكن أنت محتاج حد يصالحك على نفسك... محتاج تشوف نفسك بعيون حد بيحبك، يمكن تعرف ترجع تحب نفسك تاني... محتاج شخص واحد بس يفهم احتياجك ويأمن بيك... وبقدراتك اللي أنت نفسك مش مدركها... محتاج بس شوية نور يظهروا الجمال اللي العتمة مخبياه... محتاج حد كده زي اللي قالت عليه رضوى عاشور لما قالت: ” يبعث لك الله من يحتضنُك في قلبه كوطنٍ صغير. بعيداً عن تفاهة هذا العالم والسوء الذي يسكنه في كل زاوية.“

ليست هناك تعليقات:

إرسال تعليق

لا تقسوا عليّ .. وابتسم للحياة : )))))