.

.

الاثنين، 7 مايو 2018

أنت 🌟

انا هسافر كمان يومين
وبدأت اقلق واخاف واذعر
من كل شيء
خصوصاً أني اتوه، اتخطف أو معرفش اروح
دي مخاوفي للسفر
وعلشان اتخلص من الخوف بحتاج ادور علي حلول لكل المشاكل اللي هتحط فيها
زي اني امشي بالشاحن، بالبور بانك، بموبيلين فيهم نت.. اسجل مكان الفندق علي الخريطة علشان اعرف ارجع.. واحفظ الطريق.. مبعدش عن اهلي مهما حصل
كنت بفكر لو توهت، ضيعت باسبوري وتذكرة الطيران واهلي. هرجع البيت ازاي!!
انا بكره لما تبقي في امان وتتحط في موقف يخليك تتمني تاني ترجع لنقطة البداية اللي انت كنت فيها
تحلم ترجع للبيت.. ايه اللي يخليك تمشي وتسيبه علشان ترجع تدور عليه..
كنت بفكر لو كان عندي فرصة اتصل بحد ينقذني.. يجي ياخدني أو يساعدني اتصل بمين.. كنت بكتب ورقة بأرقام الناس اللي أنا متأكدة أنهم هيساعدوني.. فكرت اكتب ارقامهم علي أيدي علشان مهما حصل الاقيهم.. مر، نانا وانت..
وده شيء مفاجئ يستحق التفكير جدا
أن بعد اربع سنين كاملين
انا لسه لو اتحطيت في مشكلة هتصل بيك وهبقي متأكدة انك هترد وانك هتيجي تنقذني ومش هتتأخر مش هتخذلني
وده شيء مطمئن.. اني ابقي حاسة انك ممكن تحجز تذكرة طيران و تيجي تاخدني ده شيء ساذج جدا جدا..
بس انا لما تيجي تنقذني مش هبقي محتاجة اروح البيت.. مش هبقي محتاجة احس بالامان..
بتمني متخذلنيش لو توهت أو اتخطفت أو معرفتش اروح

ليست هناك تعليقات:

إرسال تعليق

لا تقسوا عليّ .. وابتسم للحياة : )))))