.

.

الأحد، 1 يوليو 2018

شكرًا ربنا يخدك

انا بتصدم دايما
في ان الناس مش بتحب تحكيلي
بالرغم أني دايما
بحاول اكون الشخص اللي الناس بتحب تحكيله
وده شيء انا محتاجة اتقبله
من غير ما ازعل من جوايا
اني مكنتش في الصورة
وانه مقالش الحقيقة
الحقيقة مهمة جدا
ومهم  لما نقعد واحنا زعلانين
نقول الحقيقة
علشان نفهم بعض
انا عندي مشاكل مع الناس
اللي مبتقولش الحقيقة
وبقف في الاغلب عاجزة
عن اني اتصرف
علشان نتجاوز الموقف
هنتجاوز الموقف ازاي
وانت بتكذب ومبتقولش الحقيقة
انا بحب الشخصيات المعقدة
مش اللي فيها عقد
لا اللي عندها طبقات
طبقات من العمق 
اللي هي جميلة
علشان نكتشفها
مش علشان تخفيها عننا 
عن ناس قريبة 
او تعتقد أنها قريبة منك
والطبقات دي
أنت مش بتنزل فيها
ومهما قضينا وقت معاك
انت بتبقي سطحي جدا
وبتخيل للناس
أنك اصلا سطحي 
أن مفيش عمق
وانت طبقات
وأنت طبقات عميقة وبتكذب
أنا بستسلم
باي باي يا جدعان
أنا مش مضطرة اتعامل مع ناس
مثل هؤلاء

ليست هناك تعليقات:

إرسال تعليق

لا تقسوا عليّ .. وابتسم للحياة : )))))