.

.

what to expect

المدونة شخصية تماما وأغلبها توثيق للافكار وللحاجات اللي بتحصل في حياتي
بس ممكن تتوقع انها تغير فكرتك عن الاشياء من حولك
وتاخدك تخليك تبص علي الحاجات من منظور اخر مختلف تماما
او تفكر في حاجات مفكرتش فيها قبل كده 
وتعرف حاجات مكنتش تعرف انها موجودة 
تعلمك قيم جديدة او ازاي تكون شخص لطيف
او تعرفك ازاي تقع في الحب
ازاي يكون قلبك كبير ويتسع للعالم
ازاي تحاول تبقي سعيد ومجلبات السعادة
هي تسجيل للدروس اللي بنتعلمها من الحياة
والاشياء اللي بنكتشفها عن العالم وعن نفسنا
والاحلام اللي بنحلم بيها
والاحلام اللي بنبطل نحلم بيها 
تلاقي كلام عن الشغف او الهوس او التعلق بالاخرين
تلاقي كتير عن الاشخاص اللي بحبهم اللي بيدخلوا حياتك
وبعدان حياتك عمرها ما بتكون زي ما كانت
الاشخاص اللي ينفعوا يكونوا ابطال قصص 
دايماً مبهرين ودائما غير متوقعين
غالباً هتلاقي شيء ليك او عنك هنا 
وهتلاقي رسايل مستخبية بين السطور 
علامات بتنور واثار اقدام في الطريق


بتمني تنورلك قلبك وتخليك تبتسم 
واني اكون نور بينور القلوب
او تقضي يوم سعيد : )

هناك تعليق واحد:

لا تقسوا عليّ .. وابتسم للحياة : )))))